Frjáls verslun - 01.01.2013, Side 39

FRJÁLS VERSLUN 1. 2013 39
BÆTTU SMÁ DENVER Í LÍF ÞITT
Verð frá 44.900 kr.
Þessi ferð gefur frá 2.700 til 8.100 Vildarpunkta aðra leiðina.
+ Bókaðu núna á icelandair.is
Þóranna Jónsdóttir segir að misjafnt sé hvort varamenn eru skipaðir í stjórnir eða ekki en
þess má geta að skylda er að
skipa jafnmarga varamenn og
aðalmenn hjá eftirlitsskyldum
aðilum. Hún segir að þá sé ýmist
skipuð ákveðin röð varamanna
og kemur þá fyrsti varamaður inn
ef forföll verða. Í öðrum tilvikum
eru varamenn tilgreindir fyrir
tiltekna einstaklinga og þá gjarn­
an ef þeir sitja fyrir mismunandi
hluthafa.
„Hlutverk eða skyldur vara­
manna eða skyldur fyrirtækisins
gagnvart varamönnum eru ekki
sérstaklega skilgreindar í íslenskri
löggjöf en gera má ráð fyrir að
þeirra hlutverk sé að taka sæti í
stjórn þegar aðalmaður for fallast
um lengri eða skemmri tíma.
Hafa þarf í huga hversu mikið
stjórnir þurfa að halda varamönn­
um upplýstum vegna þess að
þeir geta eðli málsins samkvæmt
komið inn með stuttum fyrirvara
og þá skiptir máli að þeir séu
fljótir að setja sig inn í málin.
Sumir hafa haft þann háttinn á
að boða varamenn á alla fundi,
sem ég held að sé óþarfi, en
það gæti verið þess virði að
halda varamönnum upplýstum
með því að senda þeim gögn
og gefa þeim þannig kost á að
setja sig inn í málin og fylgjast
með. Ágætis regla er að halda
upplýsingafundi fyrir varamenn
með reglubundnum hætti og
þá ekki sjaldnar en tvisvar á ári.
Með því að huga að því að halda
varamönnum upplýstum aukast
líkurnar á að þeir geti tekið upp
þráðinn fljótt þegar þeir eru
kallaðir til.“
Hlutverk varamanna í stjórnum
dR. ÞÓRanna jÓnSdÓttiR
– framkvæmdastjóri rekstrar og stjórnunar hjá Háskólanum í Reykjavík
STJÓRNUNAR-
HÆTTIR
Maria das Gracas Silva Foster settist í forstjórastól brasilíska olíufélagsins Petro­
bras fyrir tæpu ári og er hún fyrsta
konan til að stýra stóru olíufyrir­
tæki. Ekki er hægt að segja annað
en að hún sé á heimavelli en
Maria hóf störf hjá fyrirtækinu fyrir
35 árum að loknu námi í efnaverk­
fræði. Hún hefur í gegnum tíðina
þótt hamhleypa til verka og á létt­
um nótum fengið viðurnefni sem á
rætur að rekja til brynvarinna bíla
sem brasilíska lögreglan notar.
Það hefur blásið nokkuð á móti
hjá Mariu fyrsta rekstrarárið.
Stuttu eftir að hún tók við stjórn
fyrirtækisins voru rifjaðar upp fréttir
af gömlum viðskiptum fyrirtækis
eiginmanns hennar við Petrobras.
Í rekstrinum hefur ekki gengið
sem skyldi að auka framleiðslu,
kostnaður verið í hærra lagi og
arðsemi ekki verið mikil. Maria
er og mun verða í fararbroddi í
sannkölluðu risaverkefni. Fyrir
nokkrum árum fannst svæði með
gríðarlegu magni af olíu nokkuð
undan strönd um Brasilíu. Og
Maria verður með heftið á lofti
á næstu árum því áætlað er að
nokkrum tug um milljarða íslenskra
króna verði varið til að vinna olíu
á svæðum sem fyrirtækið hefur
uppgötvað á undanförnum árum.
En Maria byrjaði smátt. Til að
geta keypt skólabækur í æsku
arkaði hún um götur fátækrahverf­
isins sem hún ólst upp í og
safnaði glerjum og rusli sem hægt
var að koma í verð. Og í landi þar
sem félagslegur hreyfanleiki hefur
ekki verið mjög mikill getur leiðin
verið löng og ströng til einhvers
sem má kalla metorð. „Viljastyrkur
er mikilvægastur í mínum huga.
Ég var aldrei hrædd við að leggja
mikið á mig,“ sagði Maria í nýlegu
viðtali þegar talið barst að lífs­
hlaupi hennar.“
Ein á (olíu)báti í Brasilíu
loftuR ÓlafSSon
– sérfræðingur hjá Íslandssjóðum
ERLENDI
FORSTJÓRINN