Fréttatíminn - 13.03.2015, Qupperneq 14

É g hef búið og dvalið víða erlendis en hér á ég heima,“ segir Katrin Ólína Pétursdóttir þar sem við sitjum við eldhúsborðið á heimili hennar
við Bergstaðastrætið. Katrín er menntaður
iðnhönnuður frá París en hún starfar á svo
víðu sviði sköpunar að það er erfitt að kenna
hana við eitt svið. Einna þekktust er hún fyrir
ævintýralegan myndheim sem flætt hefur
um rými á borð við Listasafn Reykjavíkur og
Cristalbar í Hong Kong. Ímyndunaraflið er
henni hugleikið, hún hefur brennandi áhuga
á táknheimi og hvernig tengja má ólíkar
greinar á framsækinn hátt.
Fjöldafram-
leiðslan ekki
lengur heillandi
Katrín Ólína Pétursdóttir iðnhönnuður telur breyttar áherslur í heimi hönnunar
geta gert hönnuði sjálfstæðari og hún sér sóknarfæri á Íslandi. Katrín hefur
starfað sjálfstætt að hönnun sinni hér heima og erlendis um árabil. Hún vinnur
nú að því að útfæra myndheim sinn með tækni 3D-prentunar við rannsóknarsetur
Aalto háskólans í Helsinki en er stödd heima í tilefni HönnunarMars til að frumsýna
al-íslenska húsgagnalínu sem hverfist um bækur og u-beygju úr Skagafirði.
Nýtt landslag hönnunar
„Í mörgum tilfellum fólst starf
hönnuðarins á síðustu öld í því að
finna lausnir fyrir framleiðslufyr-
irtæki til að auka sölu og hagnað,“
segir Katrín. „Hugmyndin um
fjöldaframleiðslu og samkeppni
um lægsta verðið var áberandi.
Með tilkomu internetsins, aðgeng-
is og flæðis upplýsinga og þekk-
ingar hefur heimurinn gjörbreyst.
Við sem neytendur erum orðin
miklu meðvitaðri, við viljum vita
hvaðan varan kemur og hvernig
hún varð til, úr hverju og við
hvernig aðstæður. Hugsunin um
einsleitan heim fjöldaframleiðsl-
unnar er ekki lengur heillandi,“
segir Katrín og bætir því við að
nýir tímar kalli á ríkara innihald
sem megi t.d. finna í þeim jarðvegi
sem standi okkur næst.
„Mitt í tækni- og upplýsinga-
byltingu á sér samhliða stað
ákveðið afturhvarf og rómantík
til rótanna og sérstöðunnar og þá
opnast svigrúm til að gera annars-
konar hugmyndir að veruleika.
Þannig getur það sem þótti hall-
ærislegt þá, vegna þess að það var
t.d. unnið á einfaldan hátt, orðið
eftirsóknarvert vegna þess að það
hefur innihald. Ný vara verður til
og internetið er nýtt til að kynna,
tengja og dreifa vörunni. Með
þessu fyrirkomulagi minnkar vægi
hefðbundinna milliliða eins og
framleiðenda og dreifingaraðila,
eða fellur út. Þetta er hið nýja
landslag sem er að myndast.“
Lestrarhestar úr Skagafirði
Ný húsgagnalína Katrínar ber
merki þessara nýju tíma en hún
er unnin í samstarfi við málmiðj-
una Stuðlaberg á Hofsósi. „Fyrir
rúmu ári heimsótti ég Stuðlaberg
og sá þar vél sem notuð var til að
beygja rör í púst fyrir bíla á árum
áður. Í kjölfarið fór ég að kanna
möguleika á samstarfi og hafði í
huga þróun einfaldra húsgagna
sem ég hafði gert prótótýpur af
2 árum fyrr,” segir Katrín, og á
daginn kom að röravélin hentaði
fullkomlega fyrir boga sem hún
hafði þá þegar gert tilraunir með.
Húsgögnin, svokallaðir Lestrar-
hestar, spruttu svo upp úr sam-
starfinu sem hverfist um þennan
boga, eða U-beygju eins og Katrín
kallar hana og sem tekin er með
púströravélinni góðu.
„Samstarfið við Gunnlaug í
Stuðlabergi, sem hefur tileinkað
líf sitt málmum og vinnslu með þá,
hefur verið gefandi og skemmti-
legt. Með þessa hugmynd um
breyttar áherslur og svæðabundna
framleiðslu að leiðarljósi finnst
mér áhugavert að ýta undir sam-
starf hönnuðar og smáiðnaðarfyr-
irtækis. Í stað þess að málmiðjan
sé í verktakahlutverki við þessa
framleiðslu er hugmyndin sú að
hönnuðurinn og iðjan byggi upp í
sameiningu.”
Gömul vél fær nýtt hlutverk
Það má í raun líkja framleiðslu
Lestrarhesta Katrínar við „Beint
frá býli“ hugmyndafræðina þar
sem lítil svæðisbundin framleiðsla
verður til úr því sem er þegar til
staðar og er svo seld milliliðalaust
til neytandans. Katrín segir sjálfa
framleiðsluaðferðina, og þau tæki
og þekkingu sem til staðar er, hafa
verið einn meginhvata verkefnis-
ins. „Í þessu felst að setja saman
á nýjan máta, blanda saman og
búa til nýtt samhengi. Í stað þess
að líta á gamla vél sem ekki hefur
verið í notkun í mörg ár sem úrelt
tæki er hún tekin í endurmat og
endurræst í nýjum tilgangi. Þann-
ig getur lítil framleiðsla orðið til og
gamlir hlutir gengið í endurnýjun
lífdaga.“
Halla Harðardóttir
halla@frettatiminn.is
14 hönnunarmars Helgin 13.-15. mars 2015
Fáðu þetta heyrnartæki
lánað í 7 daga
- án skuldbindinga
Bókaðu tíma í fría heyrnarmælingu
og fáðu Alta til prufu í vikutíma
Sími 568 6880
Prófaðu ALTA frá Oticon
Glæsibæ | Álfheimum 74 | 104 Reykjavík | Þjónusta á landsbyggðinni | Sími 568 6880
| www.heyrnartækni.is |
Góð heyrn er okkur öllum mikilvæg. ALTA eru ný
hágæða heyrnartæki frá Oticon sem gera þér kleift
að heyra skýrt og áreynslulaust í öllum aðstæðum.
ALTA heyrnartækin eru alveg sjálfvirk og hægt er
að fá þau í mörgum útfærslum.