Frjáls verslun - 01.10.2011, Qupperneq 63

FRJÁLS VERSLUN 10. TBL. 2011 63
5. apple ipad 2 með Wi-Fi + 3g 16gb
Spjaldtölva (verð u.þ.b. 115.000 kr. í mörgum síma­ og tölvuversl­
unum). iPad 2­spjaldtölvan frá Apple er í broddi spjaldtölvufylk­
ingarinnar að mati sérfræðinga PC World enda er hún öflugri og
léttari en fyrirrennarinn auk þess að vera með betri myndavélar.
Þó eru blikur á lofti, því þegar líður að lokum ársins hafa keppi­
nautarnir tekið stór skref fram á við í vélbúnaði. Sá grunur gerist
æ áleitnari að starfsmenn Apple hafi e.t.v. verið of værukærir við
þróun iPad 2.
6. Microsoft Windows phone 7 Mango
Snjallsímastýrikerfi (fylgir með ýmsum snjallsímum, www.
windowsphone.com). Það er ekki oft sem maður sér Microsoft
í hlutverki lítilmagnans, en sú er engu að síður raunin á markaði
snjallsímastýrikerfa. Með útgáfu Mango aukast líkurnar á að Micro­
soft taki þátt í samkeppninni af alvöru, því þetta er glettilega gott
stýrikerfi með ýmsum vel heppnuðum nýjungum.
7. hp eprint
Prentlausn (innbyggt í ýmsa HP­prentara, www.eprintcenter.
com). Símar og spjaldtölvur eru nú orðin mikilvæg vinnutól, en
það getur reynst þrautin þyngri að prenta efni frá slíkum græjum.
ePrint­prentlausnin frá HP leysir þetta vandamál, því ef prentarinn
er með ePrint­samhæfður má senda skrár til hans með tölvupósti
úr hvaða fartóli sem er.
8. sony alpha slt-a77
Myndavél (u.þ.b. 270.000 kr., á www.netverslun.is). A77 frá
Sony er vel að því komin að vera fyrsti fulltrúi myndavélanna á
topplistanum í ár. Myndgæðin eru frábær og hraðinn er ótrúlegur
– 12 rammar á sekúndu með hæstu upplausn (24,3 megapixlar)
og 60 ramma vídeó á sekúndu með 1080p upplausn. Ýmsir flottir
og skemmtilegir valkostir við myndatökur gera þessa vél að enn
álitlegri kosti fyrir ljósmyndaáhugafólk.
9. samsung series 9
Fartölvur (u.þ.b. 300.000 kr., www.samsungsetrid.is). Þessar
einstaklega þunnu en harðbyggðu fartölvur eru sennilega bestu
ofurléttu Windows­fartölvur sem eru á markaðnum í dag. Þær veita
MacBook Air talsvert harða samkeppni hvað útlit og vinnslugetu
varðar, en kosta líka sitt.
10. google +
Samfélagsvefur (ókeypis, plus.google.com). Ef maður ætlar í
samkeppni við risa á borð við Facebook skemmir það auðvitað
ekki fyrir að vera risi á borð við Google. Google + vinnur vel með
öðrum Google­lausnum, snjallsímaforritið er betra en hjá Face­
book og notendaskilin eru einföld. Stóra spurningin er þó auðvitað
hvort fólk muni á endanum flykkjast á Google + í sama mæli og á
Facebook.
11. Canon eos 600d
Myndavél (u.þ.b. 220.000 kr., www.netverslun.is). EOS 600D
(þekkt sem Rebel T3i vestanhafs) er frábær kostur þegar velja
skal stafræna SLR­myndavél af ýmsum ástæðum. Hún fékk eina
bestu einkunn sem sést hefur í myndgæðaprófunum PC World,
vídeótakan er fyrsta flokks og svo er hún tiltölulega ódýr miðað við
margar aðrar myndavélar á markaðnum.
12. aMd radeon hd 6990
Skjákort (u.þ.b. 130.000 kr., í ýmsum tölvuverslunum). Þeir sem
vilja fullkominn ofurkraft í grafíkvinnsluna (væntanlega til að geta
keyrt nýjustu tölvuleikina) þurfa ekki að leita lengur – AMD Radeon
HD 6990 er lausnin. Það fékk frábæra einkunn í hraðaprófunum
PC World og fór langt með að réttlæta verðið – sem er reyndar svo
hátt að jafnvel hörðustu leikjaáhugamenn hugsa sig tvisvar um
áður en ráðist er í fjárfestinguna.
iPad 2 frá Apple er flaggskip spjaldtölv­
anna – enn sem komið er.
Sony Alpha SLT­A77
er sú myndavél sem
nær hæst á topp 50
þetta árið.
Samsung Series 9 er
ein flottasta fartölvan
á markaðnum í dag.
Canon EOS 600D er góður
kostur og tiltölulega ódýr
miðað við ýmsa keppi­
nauta í sama gæðaflokki.
5
8
9
11