Frjáls verslun - 01.10.2011, Síða 64

64 FRJÁLS VERSLUN 10. TBL. 2011
13. sony tablet s1
Spjaldtölva (frá u.þ.b. 110.000 kr., www.netverslun.is). Þessi vel
hannaða spjaldtölva frá Sony er líklegust Android­spjaldtölva til að
velgja iPad undir uggum að mati sérfræðinga PC World. Hún fær
jafnframt aukastig fyrir að vera ekki bara iPad­eftirherma eins og
allt of margar tölvur keppinautanna.
14. Microsoft internet explorer 9
Netvafri (ókeypis, windows.microsoft.com). Þótt orðspor Inter­
net Explorer hafi verið vafasamt í gegnum tíðina er þessi nýj asta
útgáfa vafrans flott, hraðvirk og betur varin gegn alls kyns net ­
ó væru en fyrri útgáfur. IE 9 ræður vel við HTML5 og ýmsa flóknari
grafíkvinnslu sem er sífellt að verða algengari. Hér er því loks
kom inn vafri frá Microsoft sem stenst samkeppnina við vafra á
borð við Chrome og Opera, sem hingað til hafa verið taldir meira
spenn andi.
15. amazon kindle Fire
Spjaldtölva (u.þ.b. 40.000 kr., www.amazon.com). Amazon kynnti
Kindle Fire, nýjustu viðbót sína við spjaldtölvumarkaðinn, fyrir
skömmu. Þessi sjö tommu Android­spjaldtölva er fyrst og fremst
hugsuð fyrir lestur, hljóð og mynd og er hönnuð til að virka vel með
netþjónustu Amazon. Verðið vekur sérstaka athygli, einungis 199
dollarar vestanhafs, sem þykir með því lægsta sem gerist. Búast
má við að kostnaður við að kaupa gripinn og koma honum hingað
til lands sé í kringum 40.000 krónur.
16. barnes and noble nook Color
Lestölva (u.þ.b. 45.000 kr., www.barnesandnoble.com). Þessi
lita­lestölva með snertiskjá skilar skýrum texta og frábærum mynd­
gæðum. Það sem hefur þó heillað marga er hversu auðvelt er
að eiga við græjuna og breyta henni. Til að mynda hefur ýmsum
tekist að setja Android upp á henni og nota sem hefðbundna
spjaldtölvu.
17. Canon powershot g12
Myndavél (u.þ.b. 110.000 kr., www.netverslun.is). G12­mynda­
vélin frá Canon er sterkbyggð, tekur gæðamyndir og ­vídeó og er
með fjölbreytta stillingarmöguleika fyrir þá sem vilja ekki bara taka
myndir á sjálfvirkri stillingu. Að mati sérfræðinga PC World er þetta
því besta myndavélin með áfastri linsu sem í boði er um þessar
mundir.
18. Microsoft office 365
Skrifstofuhugbúnaður í netskýi (u.þ.b. 700 kr. / mán. www.off­
ice365.com). Microsoft er á heimavelli þegar kemur að skrifstofu­
hugbúnaði. Office 365 er netútgáfa af Word, Excel, PowerPoint
og Outlook og afar vel heppnuð sem slík. Þessi pakki er með
bestu leturgerða­ og sniðvalmöguleika allra þeirra forrita sem í
boði eru á netinu og er því frábær valkostur fyrir þá sem vilja flytja
skrifstofu vinnsluna í „skýið“.
19. dell Xps 15z
Fartölva (Frá u.þ.b. 270.000 kr., www.ejs.is). Það þarf ekki að
fara í grafgötur með að Macbook Pro frá Apple hefur verið ansi
ofarlega í huga þeirra sem hönnuðu XPS 15z. En hvað sem því
líður er hún afar vel heppnuð, öflug og telst nokkuð ódýr
miðað við gæði.
20. google Maps fyrir android
Snjallsímaforrit (ókeypis, bit.ly/sOFL7J). Efst á blaði í flokki
snjallsímaforrita er Google Maps, sem er einstaklega vel heppnað.
Þetta ókeypis forrit er í senn landakort, fullkomið leiðsagnarforrit
og upplýsingarit um verslanir og þjónustufyrirtæki með gagnleg­
um athugasemdum og ábendingum neytenda.
Sony Tablet S1 er ekki bara
eftirherma af iPad.
Kindle Fire­spjaldtölvan frá Amazon er ekki bara til bóklestrar.
Dell XPS 15z er öflug og ódýr
miðað við gæði.
G12­mynda vélin frá Canon er sterkbyggð,
tekur gæðamyndir og ­vídeó.
13
15
17
19