Frjáls verslun - 01.10.2011, Page 86

86 FRJÁLS VERSLUN 10. TBL. 2011
Forgangsverkefni stjórnandans
Hver verða forgangsverki stjórnandans til ársins 2015? Þetta var þema afmælishátíðar Stjórn-
vísi sem haldin var nýlega á Icelandair Hótel Reykjavík Natura. Ræðumenn voru þau Brynja
Guðmundsdóttir, forstjóri Gagnavörslunnar, Árni Oddur Þórðarsson, forstjóri Eyris, Guðný Rósa
Þorvarðardóttir, framkvæmdastjóri Parlogis og Tómas Már Sigurðsson, forstjóri Alcoa.
TexTi: Svava JónSdóTTir Myndir: Geir ólafSSon
25 ára afmælisráðstefna Stjórnvísi
Brynja Guðmundsdóttir, forstjóri
Gagnavörslunnar:
Efla traust og trúverðugleika
Brynja Guðmundsdóttir, forstjóri Gagna vörsl unnar, kallaði fyrirlestur sinn „Upplý singa öldu 2015“. Hún
nefndi fyrst mikilvægi þess að efla traust og
trú verðugleika í við skipt um og að það yrði
for gangsverkefnið á næstu árum.
„Mér hefur fundist vanta að fólk treysti
hvert öðru. Ef við treystum ekki samstarfs ­
aðilum okkar er samstarfið eiginlega dæmt
til að mistakast. Einnig er mikilvægt að
við skiptavinurinn beri traust til okkar og við
verðum að virða lög og almennt siðferði. Við
verðum að leggja áherslu á góða stjórn ar ­
hætti, gegnsæi og rekjanleika, hafa fag­
mennsku í fyrirrúmi og vera með metnaðinn
í lagi.“
Brynja sagði að það þyrfti blöndu af
verk lagi og upplýsingatækni og nefndi að
vægi upplýsinga­ og skjalastjórnunar væri
að aukast. „Starf stjórnandans er orðið
miklu víðtækara en það var og hann þarf
að hafa stjórn á öllum upplýsingum innan
fyrir tækisins, hvort sem það eru fjármál eða
sam skipti í gegnum Skype. Þá er mikilvægt
að hafa stjórn á því hvað á að geyma og
hverju á að eyða.“
Brynja lagði áherslu á að taka upp ný
vinnu brögð – hugsa hlutina upp á nýtt og
einfalda: „Það verður að þora að breyta
ferlum til að ná fram hagræðingu. Slæm
ákvörðun er oft betri en engin ákvörðun. Mér
finnst að stjórnendur eigi að leggja áherslu
á að sókn er besta vörnin. Helstu verk efni
stjórnandans á næstu árum eru að einfalda
reksturinn, einbeita sér að kjarn a starfsemi,
útvista því sem hægt er og síðast en ekki
síst að efla traust; að standa saman.“
Við verðum að leggja áherslu
á góða stjórnarhætti, gegnsæi
og rekjanleika, hafa fag­
mennsku í fyrirrúmi og vera
með metnaðinn í lagi.
Árni Oddur Þórðarson, forstjóri Eyris og
stjórnarformaður Marels:
Verum víðsýn en sjáum til
lands
Árni Oddur Þórðarson, forstjóri Eyris og stjórnarformaður Marels, sagði að sér fyndist það aldrei hafa verið
mikilvægara en nú að Íslendingar væru
víðsýnir þar sem markaðssvæðin væru að
renna saman.
„Á sama tíma þarf að gæta þess að fara
ekki af stað í útrás sem er tilviljanakennd
eða tækifærissinnuð. Þegar sett er niður
stefna þarf að spyrja í byrjun: Hver erum
við, hvert er umhverfið og hvert ætlum við?“
Árni Oddur sagði að stjórnendur þyrftu
að spyrja sig hvernig umhverfið yrði og
hvort hægt væri að móta það. „Höfum við
kjarkinn og hæfnina til að fara þangað sem
vilji er til að fara eða þurfum við að bæta við
kunnáttu og hestöflum til að ná til lands?“
Þá sagði hann starfsþróun mikilvæga og
að bjóða starfsmönnum upp á kennslu til
að þeir gætu þróast og þroskast í starfi og
öðlast hæfni í að takast á við nýjar áskora­
nir.
Árni Oddur benti á að Marel hefði orðið til
í Háskóla Íslands árið 1977. Miklir fræði­
menn og frumkvöðlar lögðu af stað með
það að meginmarkmiði að auka framleiðni í
Brynja Guðmundsdóttir, forstjóri Gagnavörslunna.
Karlakórinn Stefnir í Mosfellsbæ söng á hátíðinni. Stjórnvísi er stærsta stjórnunarfélag á Íslandi með yfir 1.500 félagsmenn og
innan raða þess eru 260 fyrirtæki. Það hét áður Gæðastjórnunarfélag Íslands.