Frjáls verslun - 01.01.2010, Síða 24

24 F R J Á L S V E R S L U N • 1 . T B L . 2 0 1 0
Forsíðu grein
smáir fjárfestar í
gegnum kauphöllina
Það eru enn til litlir, áhugasamir fjárfestar
á Íslandi sem í venjulegu árferði væru á
útkikkinu eftir fyrirtækjum og tækifærum í
Kauphöllinni. En það er ekki venjulegt árferði.
Ekki má gleyma því að maðurinn á götunni
sem fjárfesti í hlutabréfum er brenndur eftir
að hafa tapað á falli bankanna sem voru uppi-
staðan í Kauphöllinni. Hlutabréfamarkaður
á Íslandi féll saman um 95% með falli bank-
anna. um 50 þúsund fjárfestar töpuðu hlutafé
sínu í bönkunum, þar af um 48 þúsund ein-
staklingar. Það gæti orðið bið á að þeir færu
aftur á kreik.
innlánseigendur sem
hoppuðu út úr bólunni
á réttum tíma
til eru ríkir Íslendingar sem hoppuðu út úr bólunni á
réttum tíma; fyrir hrun. Það er afar brýnt að fá þetta
fólk til að leggja aftur fé í atvinnurekstur en geyma
ekki peningana inni á banka. Fé þarf að flæða af
innlánsreikningum út í atvinnulífið og verða virkt og
vinna vinnuna sína; verða pródúktíft. til þess þarf
að lækka vexti, það er hreyfiaflið sem hrekur þetta
fé út í atvinnulífið. Það eru yfir 1.700 milljarðar
króna á innlánsreikningum í bönkunum og tryggðir
af ríkinu samkvæmt neyðarlögunum. Þótt ekki næð-
ist nema að fá 300 til 400 milljarða af þessu fé
úr hinu örugga skjóli bankanna í fjárfestingar væri
það stórkostlegt afrek. Vandinn er sá að bankarnir
lána ekkert til atvinnuuppbyggingar – þannig upplifir
atvinnulífið það að minnsta kosti.
innlend stórfyrirtæki
Stærsta afrekið eftir fall bankanna er að atvinnulífið skyldi ekki
hafa fallið enn meira saman; að hringrás viðskipta skuli hafa hald-
ist um það bil 90%. Flest fyrirtæki hafa lifað af enn sem komið er.
Nái þau að styrkjast og fá aukin viðskipti frá gjaldþrota fyrirtækjum
eru þau líklegir kaupendur fyrirtækja af bönkunum. Kannski yrði
erfitt fyrir þau að fjárfesta innan sömu greinar vegna skilyrða
Samkeppniseftirlitsins, en í flestum atvinnugreinum er tví- og
þríkeppni. Ekkert bannar þeim hins vegar að kaupa í fyrirtækjum í
öðrum atvinnugreinum.