Frjáls verslun - 01.01.2010, Qupperneq 55

F R J Á L S V E R S L U N • 1 . T B L . 2 0 1 0 55
og eigum samskipti við fólk í gegnum
síma, samskiptaforrit í tölvunum, hvort
sem þau heita facebook, skype, twitter
eða msn auk þess að eiga við fólk maður
á mann.
Það er því mikilvægt að við nálgumst
samskiptin rétt til að ná sem mestum
árangri. Allt snýst þetta um að byggja
traust tengsl, ná fram samvinnu og
hafa áhrif á þá sem við eigum samskipti
við. Gildir þá einu hvort þú ert í
hlutverki stjórnandans, veitir innri eða
ytri viðskiptavinum þjónustu, starfar í
bakvinnslu eða við sölumennsku. Fyrir
leiðtogann er það mikilvægara í dag
en nokkru sinni að fylla starfsmenn
sína innblæstri og hvetja þá áfram
þrátt fyrir erfitt efnahagsástand og
rekstrarerfiðleika.
Þessi bók á erindi við alla. John
Maxwell, rithöfundur og fyrirlesari,
hefur sagt frá því að á sínum yngri árum
hafi faðir hans greitt honum fyrir hverja
bók sem hann las. Bækurnar höfðu
mismikið virði en bókin Vinsældir og
áhrif hafi verið ein dýrasta bókin sem
hann las. Því hafi hann lesið hana oftar
en einu sinni og búi að því enn þann dag
í dag (kannski ekki svo galin leið til að fá
unga fólkið til að lesa meira).
b æ k u r
Unnur Valborg Hilmarsdóttir fjallar
um bókina How to Win Friends and
Influence People eftir Dale Carnegie.
Nokkrar reglur sem hjálpa
okkur að ná meiri árangri í
samskiptum við aðra
regla 2
Vertu heiðarlegur og einlægur í
viðurkenningu þinni
Lykilorðin hér eru „heiðarlegur“ og
„einlægur“. Dale Carnegie er ekki að segja
okkur að vera með yfirborðskennt flaður.
Málið snýst um að grípa tækifæri til að
segja „takk“ eða færa í orð hversu mikils
við metum hinn aðilann. Fæstir kvarta yfir
að fá of mikið hrós eða þakkir.
regla 3
Vektu ákafa löngun hjá öðrum
Með því að þvinga einhvern til að gera
eitthvað í ljósi valds okkar erum við ekki að
vinna traust né virðingu. Það er vænlegra
til árangurs að komast að því hvað hvetur
hinn aðilann og leita leiða til að fylla hann
innblæstri til að gera það sem gera þarf.
regla 4
sýndu öðrum einlægan áhuga
Það kemur ekkert í staðinn fyrir einlægan
áhuga þegar kemur til þess að skapa
umhverfi sem einkennist af trausti. Hvert
okkar hefur innbyggðan nema sem segir
okkur þegar hinn aðilinn sýnir okkur ekki
einlægan áhuga.
regla 7
Vertu góður hlustandi.
Hvettu aðra til að tala um sjálfa sig
Flest okkar eru áköf í að tala um okkur
sjálf og eigin áhugamál. Við skerum okkur
úr þegar við beinum kastljósinu að hinum
aðilanum og leyfum honum að tala. Þessi
regla er jafnframt gulls í gildi í sölumennsku
og nauðsyn til að við greinum þarfir rétt og
leggjum fram viðeigandi lausnir.
Hver var Dale Carnegie?
Dale Carnegie fæddist árið 1888 í
Missouri í Bandaríkjunum og stund-
aði nám við Warrensburg ríkiskenn-
araháskólann í sama ríki. Hann hóf
störf sem sölumaður og hélt til New
York þar sem hann vildi reyna fyrir
sér í leiklist. Hann fann sig ekki allt
of vel í sölumennskunni og byrjaði að
kenna námskeið í tjáningu fyrir KFUM
og þar með var grunnurinn lagður að
hinum heimsþekktu Dale Carnegie
námskeiðum. Fyrsta námskeiðið var
haldið árið 1912 og bækur Carnegies
um námskeiðin og lífsreglur þeirra,
Vinsældir og áhrif og Lífsgleði njóttu,
skipuðu efstu sæti á bóksölulistum
um allan heim. Bækur Carnegies
hafa verið þýddar á yfir 40 tungumál
og selst í yfir 50 milljónum eintaka.
Carnegie var eftirsóttur ræðumaður
og fyrirlesari í sinni tíð og leiðtogar
um heim allan leituðu ráða hjá
honum. Hann var dálkahöfundur fyrir
fjölda dagblaða og var með daglegan
útvarpsþátt. Kona hans, Dorothy
Carnegie, byggði upp fyrirtækið eftir
lát hans 1955 og í dag er Dale
Carnegie alþjóðleg keðja sem saman-
stendur af yfir 3000 þjálfurum með
skrifstofur í hartnær 80 löndum.