Frjáls verslun - 01.01.2010, Side 93

F R J Á L S V E R S L U N • 1 . T B L . 2 0 1 0 93
Fundir og ráðsteFnur
„Ég myndi hiklaust reyna að misnota slíkt tækifæri aftur,“ segir Jón
Hákon Magnússon hjá KOM almannatengslum ehf. en hann var í
eldlínunni þegar hinn frægi leiðtogafundur Reagans og Gorbatsjovs
var haldinn í Reykjavík haustið 1986.
Með því að tala um „misnotkun“ á hann við að allajafna er það
regla að viðburðir eins og leiðtogafundir eru ekki notaðir sérstaklega
til landkynningar. Þó fer það alltaf svo að stórum fundum og ráð-
stefnum fylgir landkynning.
Ríkramannafundurinn í Davos í Sviss hefur til dæmis ekki spillt
fyrir ferðaþjónustunni á staðnum – nema síður væri. En það er alltaf
spurning hvort nýta eigi slík tækifæri sérstaklega og markvisst til
landkynningar í von um fleiri ferðamenn síðar. Svar Jóns Hákons við
þeirri spurningu er: Já.
Og hann er óþreytandi að minna á að stjórnvöld eiga að leggja í
það vinnu að fá stóra fundi og ráðstefnur til landsins, bæði vegna
þess að samkomunum fylgja miklar tekjur fyrir ferðaþjónustuna og
þær vekja athygli á landinu.
Tæknibylting
„Þessi staða er alveg sú sama nú og var þegar
leiðtogafundurinn var haldinn,“ segir Jón Hákon en
bendir á að margt annað hefur breyst og það mjög
mikið. Þar munar mestu um að bylting hefur orðið
í samskiptatækni. Árið 1986 voru engir raunveru-
legir farsímar til, engar fartölvur fyrir blaðamenn og
ekkert Internet.
Jón Hákon segir að það hafi orðið að fá ritvélar
lánaðar í stórum stíl hjá Verslunarskólanum og
það varð að taka frá nánast allar símalínur úr landinu.
„Jón G. Tómasson, sem þá var póst- og símamálastjóri, sagði
mér að það hefði bara verið ein lína eftir opin til útlanda. Þetta eru
aðstæður sem í dag er varla hægt að ímynda að hafi verið fyrir bara
fáum árum,“ segir Jón Hákon.
Erlendar sjónvarpsstöðvar höfðu með sér tæki í tonnatali til að
geta sent út beint frá landinu. Allt var stórt og þungt og það þurfti
fjölda tæknimanna að baki hverri útsendingu. Þetta hefur einfaldast
til mikilla muna.
„Það var lán að á þessum tíma var öryggisgæsla ekki eins
ströng og hún varð eftir 11. september 2001. Það var rétt litið á
tækin sem komu og svo öllu sleppt í gegn,“ segir Jón Hákon. Menn
treystu því fullkomlega að sjónvarpsstöð hefði ekki fyllt útbúnað sinn
af sprengjum og vopnum.
Þannig hefur tæknin einfaldast en öryggisgæslan margfaldast.
Mönnum þótti þó á þessum tíma nóg um öryggisgæsluna.
Fólkið það sama
Jón Hákon bendir líka á að nú sé mun meira hótelrými í Reykjavík
en árið 1986. Þá varð að leita til almennings um gistingu fyrir fjöl-
miðlafólk – og heppnaðist vel.
Það varð einnig frægt að flesta dagana sem
fundurinn stóð var ekkert að frétta. Því varð að
finna upp á einhverju öðru til að hafa í fréttunum
og það var þá sem öll landkynningin kom til sög-
unnar.
„Fyrir fundinn höfðum við fengið leyfi til að
ráða þrjá bandaríska almannatengla til að und-
irbúa kynningarefni en þetta var allt fremur smátt
í sniðum,“ segir Jón Hákon. Mest af landkynning-
unni var því spunnið af fingrum fram meðan beðið
var eftir fréttum frá leiðtogunum.
„Það gæti alveg gerst aftur; að maður gangi undir manns hönd
að hafa ofan af fyrir fjölmiðlafólki meðan beðið er,“ segir Jón Hákon.
Og þarna er frægast þegar Steingrímur heitinn Hermannsson for-
sætisráðherra synti þrisvar á dag fyrir fjölmiðla í Laugardalslauginni.
„Gorbatsjov sagði við mig eftir blaðamannafundinn fræga í
Háskólabíói að hann væri mest hissa á hvernig okkur hefði tekist
að hafa ofan fyrir öllum þessum fjölda fréttamanna í heila viku fyrir
fundinn,“ segir Jón Hákon Magnússon.
jón hákon magnússon
hjá kom almannatEngslum:
hvað ef leiðtogafundurinn
yrði endurtekinn?
Myndi misnota
aðstöðuna aftur
„Það gæti alveg
gerst aftur; að maður
gangi undir manns
hönd að hafa ofan
af fyrir fjölmiðlafólki
meðan beðið er.“
Jón Hákon Magnússon hjá KOM almannatengslum.