Frjáls verslun - 01.07.2007, Page 56

56 F R J Á L S V E R S L U N • 7 . T B L . 2 0 0 7
því slegin út af borðinu. Ég er reyndar með staðfest gögn um það.
Ég ætlaði ekki að sitja í forstjórastóli fyrirtækis sem er skráð á verð-
bréfamarkaði með ákæru á mér. Því tók ég þá ákvörðun sjálfur að ég
yrði að víkja.“

Í desember síðastliðnum varstu svo sýknaður af öllum þessum
ákærum. Hvernig var þér innanbrjósts þegar sá dómur var kveð-
inn upp?Bæði feginn og bitur?
„Ríkissaksóknari sendi efnahagsbrotadeild ríkislögreglustjóra bréf þar
sem hann krafðist þess að hætt yrði við málið því að að búið væri að
brjóta á mér gagnvart mannréttindasáttmálanum og 17. grein stjórn-
arskrárinnar. Auðvitað var það mikill léttir þegar málinu lauk að
þessu leytinu til, ekki síst fyrir fjölskyldu mína. Nú hef ég hins vegar
stefnt bæði fjármálaráðherra og dómsmálaráherra. Ég er einfaldlega
þeirrar skoðunar að þeir sem fara með ákæruvaldið verði að vera með-
vitaðir um að það er grafalvarlegur hlutur að gefa út ákæru. Þegar það
er unnið með þeim hætti sem ég tel að hafi verið gert í mínu máli þá
þarf einhver að axla ábyrgðina. Því miður sýnist mér þau vinnubrögð
ekki vera einsdæmi.“
Hvar er málið statt, hvenær má búast við niðurstöðu og hvað er
það sem þú ferð raunverulega fram á?
„Ríkislögmaður hefur frest til 6. september til að skila greinargerð í
málinu og það verður væntanlega flutt í október eða nóvember. Ég
fer fram á bæði miskabætur og skaðabætur. Allan þann tíma sem
ég var ákærður gat ég ekki tekið að mér nein störf sem löggiltur
endurskoðandi. Mér datt heldur ekki í hug að taka að mér fram-
kvæmdastjórastöðu hjá Bræðrunum Ormsson með ákæru á mér. Ég
hafði enga möguleika á að sækja um störf áþekk þeim sem ég hafði
unnið áður og hæfa minni menntun.“
Mikið umrót hefur verið á hlutabréfamörkuðum undanfarnar vikur
– en engu að síður blasir það við að verð á hlutabréfum um allan
heim hefur hækkað mikið og þar með verð á fyrirtækjum. Eru fyr-
irtæki hugsanlega allt of hátt verðlögð?
„Ef horft er á félög hér á landi er það mjög misjafnt. Dæmi eru um
allt of dýr fyrirtæki en svo eru önnur á góðu verði. Þetta snýst fyrst
og fremst um hvaða tækifæri menn sjá þegar þeir kaupa fyrirtæki,
ekki bara um ebituna. Erlendis er verð á félögum líka mjög misjafnt.
Aðgengi að fjármagni er vissulega greiðara og það ýtir kannski undir
hærra verð. En ég held að félög séu ekki frekar ofmetin í dag en áður
fyrr.“
Hvað finnst þér um að Íslendingar taki upp evru sem gjaldmiðil?
„Ég sagði í sjónvarpsviðtali 1999 að ég sæi fyrir mér að Íslendingar
tækju upp evruna innan tíu ára. Undir minni stjórn var SÍF fyrsta
skráða félagið á Íslandi sem tók upp evru sem uppgjörsmynt. Í dag
erum við að sjá fleiri og fleiri félög gera þetta. Ég er enn þeirrar skoð-
unar að Ísland eigi að ganga í Evrópusambandið og myntbandalagið
og taka upp evruna. Einfaldlega vegna þess að evran er langstærsti
viðskiptagjaldmiðill landsins. Evra sem gjaldmiðill okkar myndi
draga verulega úr sveiflum í íslensku viðskiptaumhverfi. Íslenska
krónan er svo lítil að spákaupmenn geta auðveldlega ráðist á hana
og einfaldlega rústað henni án þess að við komum nokkrum vörnum
við. Í ljósi þessarar miklu útrásar íslenskra fjármálafyrirtækja væri
miklu vænlegra fyrir alla að evran yrði tekin upp. Það myndi lækka
vaxtastigið og það eru bestu kjarabætur sem fólkið og fyrirtækin geta
fengið.“
Hvernig líst þér á framtíð íslensk viðskiptalífs – eru tækifærin í
útrásinni búin?
„Mér sýnist bara mjög bjart framundan. Ég ber mikla virðingu
fyrir þeim mönnum sem hafa farið fyrir íslensku útrásinni und-
anfarin ár. Þeir hafa staðið sig gríðarlega vel. Bankarnir hafa
stórgrætt peninga og það er einfaldlega vegna þess að stjórnendur
þeirra hafa stýrt þeim af miklum myndarskap. Það er fjöldinn allur
af tækifærum framundan og við eigum eftir að sjá mikla uppbygg-
ingu áfram.“
G U N N A R Ö R N K R I S T J Á N S S O N
„Sameining SÍF og Íslenskra
sjávarafurða á sínum tíma var ekki
auðveld. SÍF var með 71% hlut á móti
29% hlut Íslenskra sjávarafurða. Hluti
af starfsemi beggja fyrirtækja átti í
erfiðleikum og það fór mikil vinna og
orka í að koma fyrirtækjunum saman.“
„Ímynd Bræðranna Ormsson
hefur verið byggð upp á mörgum
áratugum og við finnum að hún
er mjög þekkt á meðal fólks fyrir
gæðavörur og góða þjónustu.“