Frjáls verslun - 01.07.2007, Blaðsíða 71

F R J Á L S V E R S L U N • 7 . T B L . 2 0 0 7 71
sig inn í þekkingarbanka stjórnunarfræðanna. Tilefnið að sérstakri
grein með kenningadrottningum kom nánast af sjálfu sér. Annars
vegar vakti það undrun þegar vinnan við greinarskrifin fór af stað
að ekki væri mikið um konur á þeim listum yfir kenningafrömuði
sem skoðaðir voru. Hins vegar hefur Frjáls verslun það fyrir reglu að
helga konum eitt tölublað á hverju ári. Þegar þetta tvennt fór saman
lá beinast við að bæta umfjöllun um kenningadrottningar við greina-
flokkinn. Samtals verða þetta fjórar greinar, þrjár um kenningakónga
og ein um kenningadrottningar.
Eins og undirstrikað er í upphafi hverrar greinar þá er það fyrst
og fremst innsýn, þekking og áhugi greinarhöfundar sem hefur ráðið
valinu á bæði kenningakóngunum og -drottningunum sem og
um hvaða framlag þeirra er fjallað. Valið er ekki hlutlægt eða kerf-
isbundið. Í þessari grein er byggt á kennslureynslu annars vegar og
hins vegar á nokkrum heimildum sem tilgreindar eru. Jafnframt er
stuðst við vefsíður kenningakónganna sem bent er á í textanum.
Í þessari grein er fjallað um eftirfarandi fimm einstaklinga: Charles
Handy, Geert Hofstede, John Kotter, Abraham H. Maslow og Henry
Mintzberg.
Charles Handy
Ferill Charles Handy (f. 1932) er fjölbreyttur og varpar ljósi á þá víð-
sýni sem birtist í verkum hans. Í umfjöllun um hann í bókinni „Wri-
ters on Organizations“ (1996) segir að hann sé breskur rithöfundur
og útvarpsmaður, en fæddur á Írlandi. Sú lýsing á við stöðu Handys
sl. 20 ár og undirstrikar bæði mikilvægi ritverka hans og þá staðreynd
að hann leggur enn stund á ritstörf. Handy var góður námsmaður og
lauk prófi frá Oriel College í Oxford. Í upphafi starfsferilsins starfaði
Handy í 10 ár hjá Royal Dutch Shell Group sem framkvæmdastjóri
markaðsmála. Hann var við Sloan School of Management í MIT um
tveggja ára skeið. Árið 1966 fluttist
Charles Handy til Englands og setti á
stofn Sloan Fellowship meistaranámið
við London Business School, með
stuðningi frá Alfred P. Sloan. Hann hóf
kennslu við London Business School
árið 1967 og varð síðar prófessor í
fullu starfi við skólann þangað til hann
hóf störf sem „Warden of St. George’s
House in Windsor Castle“ sem er mið-
stöð umræðu- og rannsókna á sviði sið-
fræði. Árið 1981 gerðist hann sjálfstætt
starfandi rit- og pistlahöfundur, fyrirlesari og útvarpsmaður. Heim-
ildir benda til að hann hafi haldið tengslum við London Business
School til ársins 1995. Upplýsingar um feril Handys sýna að hann
hafi jafnframt sinnt fjölmörgum trúnaðarstörfum. Sem dæmi um
árangur Handys hefur hann lengi verið hátt metinn á „The Thinkers
50“ listanum yfir hugsuði og skoðanamótendur um stjórnun og
rekstur fyrirtækja og stofnana.
Charles Handy hefur um langt
skeið verið afkastamikill höfundur
fræðirita og bóka. Útkomnar
bækur er að minnsta kosti 18
talsins og fyrsta bókin nefndist
„Understanding Organisations“
(1976). Verk Handys snúast að
miklu leyti um inntak og form
fyrirtækja og stofnana. Einnig er
fyrirferðarmikil umfjöllun hans
um fólk og mikilvægi fólksins í
starfsemi fyrirtækja og stofnana.
Charles Handy.
S T J Ó R N U N
Karl Albrecht Þjónustuþríhyrningurinn www.karlalbrecht.com
H. Igor Ansoff Ansoff-módelið www.ansoff.com
Stephen R. Covey Venjurnar 7 til árangurs www.stephencovey.com
Peter F. Drucker Spurningar Druckers www.peter-drucker.com
Howard Gardner Fjölgreindarkenningin www.howardgardner.com
Charles Handy Fyrirtækjamenning www.amazon.com
Geert Hofstede Þjóðmenning www.geert-hofstede.com
John Kotter Skrefin 8 til breytinga www.johnkotter.com
Abraham H. Maslow Þarfapíramídinn www.maslow.com
Henry Mintzberg Skipulagsgerðirnar www.mintzberg.com
Burt Nanus Forystuhæfileikarnir 7 www.amazon.com
Lawrenge J. Peter Pétursprinsippið www.amazon.com
C. Northcote Parkinson Parkinsons lögmálið www.wikipedia.org
Michael E. Porter Samkeppnishæfni www.isc.hbs.edu
Peter Senge Lærdómsfyrirtækið www.solonline.com
Kenningakóngar Eru m.a. þekktar fyrir Gagnlegar vefsíður
Útkomnar bækur eru
að minnsta kosti 18
talsins og fyrsta bókin
nefndist „Understanding
Organisations“ (1976).
Verk Handys snúast að
miklu leyti um inntak
og form fyrirtækja og
stofnana.