Frjáls verslun - 01.07.2007, Side 111

F R J Á L S V E R S L U N • 7 . T B L . 2 0 0 7 111
HugurAx er eitt stærsta hugbúnaðarfyrirtækið á Íslandi og þar starfa
um 140 manns. Ósk Heiða
Sveinsdóttir er nýráðin mark-
aðsstjóri fyrirtækisins. „HugurAx
varð til við sameiningu tveggja
hugbúnaðarfyrirtækja á síðasta
ári, Hugar, sem stofnað var árið
1986, og Ax hugbúnaðarhús sem
stofnað var 1999. Við erum að
þjóna fjölmennum og breiðum
hópi viðskiptavina úr nánast
öllum greinum íslensks atvinnu-
lífs.“
Ósk Heiða var viðskiptastjóri
hjá Ax hugbúnaðarhúsi við sam-
eininguna og tók við stöðu mark-
aðsstjóra HugarAx í ágúst sl.:
„Starf mitt er mjög fjölbreytt og
kem ég nálægt mörgum þáttum
í starfsemi fyrirtækisins. Ég sé
um markaðs- og kynningarmál
þess, bæði þau sem snúa út á við
og svo innri mál sem tengjast
meðal annars viðburðum fyrir
starfsmenn. Verkefnin eru mörg
og krefjandi; það er aldrei nein
lognmolla í mínu starfi, sem er
einmitt það sem gerir það svo
spennandi og fjölbreytt.
Nú erum við t.d. á fullum
krafti að undirbúa Cognos-ráð-
stefnu sem verður haldin þann
6. september n.k. og afmæli-
sgolfmót sem verður haldið dag-
inn eftir. Um er að ræða 10
ára afmælisráðstefnu en Cognos
hefur um árabil verið í fremstu
röð stjórnendalausna fyrir stærri
fyrirtæki, bæði hér heima og
erlendis. Þetta er ein stærsta
ráðstefna sem HugurAx hefur
komið að, en fleiri koma að
ráðstefnunni og fáum við m.a.
fyrirlesara víðs vegar að úr heim-
inum. Einnig er markaðs- og
kynningarstarf vetrarins að fara
af stað um þessar mundir og þar
kennir ýmissa grasa.“
Ósk Heiða lauk prófi í við-
skiptafræðum á alþjóðamarkaðs-
sviði frá Tækniháskóla Íslands
2004 og lauk meistaraprófi í
alþjóðaviðskiptum og markaðs-
fræði frá Háskóla Íslands 2005.
„Helmingurinn af því námi fór
fram í Kaupmannahöfn og á
ég góðar minningar frá veru
minni þar. Við vorum fjórtán
manns frá öllum heimshornum
sem bjuggum saman á meðan á
dvölinni í Kaupmannahöfn stóð.
Þarna myndaðist skemmtilegur
fjölþjóðlegur andi og er þessi
tími mjög eftirminnilegur. Ég
eignaðist þarna marga vini alls
staðar að úr heiminum og öðl-
aðist dýrmæta reynslu í því að
umgangast og vinna með fólki
með ólíkan menningararf.“
Helstu áhugamál Ósk Heiðu
snúa að ferðalögum, útiveru
og útivist. „Ég hef alltaf ferðast
nokkuð mikið, bæði hér heima
og erlendis. Ég er búin að vera
talsvert á ferð um landið í góða
veðrinu í sumar en fór einnig í
þriggja vikna ferð til útlanda þar
sem ég eyddi tveimur vikum í
sólinni á Tenerife og var svo eina
viku í Kaupmannahöfn þar sem
ég endurnýjaði kynni mín af
borginni með því að fara meðal
annars á þær slóðir þar sem ég
dvaldi meðan á náminu stóð.“
markaðsstjóri Hugar/Ax
ÓSK HEIÐA SVEINSDÓTTIR
Ósk Heiða
Sveinsdóttir:
„Við vorum fjórtán
manns frá öllum
heimshornum sem
bjuggum saman á
meðan á dvölinni
í Kaupmannahöfn
stóð. Þarna mynd-
aðist skemmtilegur
fjölþjóðlegur andi og
er þessi tími mjög
eftirminnilegur.“
Nafn: Ósk Heiða Sveinsdóttir.
Fæðingarstaður: Reykjavík,
26. júní 1980.
Foreldrar: Sveinn Gunnarsson
og Jóna Birna Guðmannsdóttir.
Maki: Einhleyp.
Börn: Barnlaus.
Menntun: Viðskiptafræðingur,
BS, af alþjóðamarkaðssviði
frá Tækniháskóla Íslands.
Meistaragráða, MS, í alþjóðavið-
skiptum og markaðsfræði frá
Háskóla Íslands.
TEXTI:
HILMAR
KARLSSON
MYNDIR:
GEIR ÓLAFSSON
Fólk