Frjáls verslun - 01.11.2007, Blaðsíða 40
40 F R J Á L S V E R S L U N • 1 1 . T B L . 2 0 0 7
ársinsMenn20 ár
Fyrstu menn ársins samkvæmt útnefningu
Stöðvar 2 og Frjálsrar verslunar voru Jóhann
Jóhannsson og Sigtryggur Helgason,
forstjórar og aðaleigendur Brimborgar hf.
Þeir voru þá báðir um fimmtugt og höfðu
starfað saman í aldarfjórðung. Þeir höfðu
komið mörgum á óvart sumarið 1988 með
kaupum á Volvoumboðinu Velti hf., en
með samruna Brimborgar og Veltis yfirtók
smærra fyrirtækið hið stærra. Fram að því
hafði hvorki borið sérlega mikið á Brimborg
né eigendum hennar en hún var áður helst
þekkt fyrir sölu á Daihatsu bílum og Toyota
saumavélum og hafði náð góðum árangri á
því sviði.
Rekstur Volvoumboðsins byggði á áratuga
hefð og mjög stöðugum kaupendahópi en
Brimborg hafði tekist að komast í fremstu
röð bifreiðainnflytjenda á Íslandi með sölu
á Daihatsu bifreiðum. Eftir sameininguna
þjónaði Brimborg um 14.000 bifreiðum af
báðum gerðum og var það rúmur tíundi
hluti af bifreiðaeign landsmanna árið 1988.
Sú ályktun var dregin á sínum tíma
að eigendur Brimborgar hefðu ekki valið
besta tímann til stækkunar, miðað við útlit
og horfur í þjóðfélaginu. „Við erum báðir
ættaðir úr útgerðarplássum og því aldir upp
við sveiflur og vanir að bjarga okkur. Við
hefðum aldrei farið út í þetta ef svartsýni
hefði ráðið ferðinni. Við gerum okkur fulla
grein fyrir því að mun minna seljist af bílum
næstu misserin eftir innflutningsholskefluna
undanfarið ... þótt minna seljist af
bílum er mikið verk að halda uppi og
bæta enn aðalsmerki Brimborgar, fyrsta
flokks þjónustu. En allt þetta var lagt til
grundvallar þegar við gerðum áætlanir okkar
í tengslum við kaupin á Velti,“ sögðu þeir í
forsíðuumfjöllun Frjálsrar verslunar.
Árið 1988: Sigtryggur Helgason og
Jóhann Jóhannsson í Brimborg
Var hálfsmeykur
við þetta
Jóhann Jóhannsson er
spurður um viðbrögð sín við
útnefningunni á sínum tíma.
„Ég var hálfsmeykur við þetta
og óttaðist kannski að við
stæðum ekki undir merkjum,
en við náðum nokkuð góðri
fótfestu. Næsta stóra stökk
Brimborgar voru kaupin á
Ford umboðinu árið 1995,“
segir hann, og var umboðið
fyrir Citroën keypt í leiðinni
og gafst hvort tveggja vel.
Þá keypti Brimborg síðar
hraðþjónustuna Max 1, sem
líka var stórt verkefni að hans
sögn, og fjárfesti í fasteignum
og lóðum á síðasta ári fyrir
hundruð milljóna króna. Jóhann
er starfandi stjórnarformaður
Brimborgar og við í fyrirtækinu
daglega, frá morgni til kvölds.
Hann lætur vel af starfseminni
og segist enn í fullu fjöri.
Hvar eru þeir núna?
Sigtryggur Helgason lét af
störfum vegna heilsubrests
árið 1999 og hafði þá verið í
veikindaleyfi um hríð. Um þær
mundir seldi hann jafnframt hlut
sinn í fyrirtækinu til Jóhanns
sem gegndi starfi forstjóra þar
til sonur hans, Egill Jóhannsson,
tók við fyrr á þessu ári. Egill
hafði þá verið framkvæmdastjóri
Brimborgar um langt skeið
og var viðskiptafræðinemi
og starfandi hjá fyrirtækinu
ásamt Margréti systur sinni og
Kristbjörgu dóttur Sigtryggs,
þegar feður þeirra voru valdir
menn ársins fyrir 19 árum.
Jóhann hefur verið aðaleigandi
frá því að Sigtryggur seldi.
1988Útnefningar í