Frjáls verslun - 01.11.2007, Side 56
56 F R J Á L S V E R S L U N • 1 1 . T B L . 2 0 0 7
ársinsMenn20 ár
Bræðurnir í Bakkavör, Ágúst og Lýður Guðmundssynir, voru menn
ársins 2001 í íslensku viðskiptalífi að mati dómnefndar Frjálsrar
verslunar. Þeir höfðu stofnað Bakkavör 15 árum áður og var fyrirtækið,
Bakkavör Group, árið 2001 orðið eitt hið stærsta á Íslandi, með
áætlaða veltu upp á 20 milljarða króna og ríflega 1.900 starfsmenn í
níu löndum. „Fyrstu árin eftir stofnun fóru í að koma einhverri reglu
á reksturinn, læra á viðskiptin og öðlast reynslu,“ sögðu bræðurnir
í forsíðuumfjöllun Frjálsrar verslunar í tilefni af útnefningunni, en
Bakkavör var stofnuð árið 1986 í kringum fyrirspurn um hrogn sem
borist hafði frá Svíþjóð og með engu hlutafé. Ágúst og Lýður sögðu
ennfremur að drifkraftur þeirra hefði ávallt verið metnaður og áhugi.
„Okkur finnst gaman í vinnunni. Það eru svo miklir möguleikar í
heiminum sem verður að nýta. Tækifærin eru úti um allar trissur. Það
er ómögulegt að sitja og horfa á þau þjóta fram hjá.“
Fram kom í viðtalinu að bræðurnir hefðu ávallt unnið samkvæmt
skýrum markmiðum, þótt þau hefðu ekki verið sett á blað fyrr en
fjórum árum eftir stofnun Bakkavarar. „Almennt séð held ég að menn
komist ekkert áfram fyrir tilviljun. Þetta er mörkuð braut sem menn
ganga,“ sagði Lýður Guðmundsson.
Árið 2001: Ágúst Guðmundsson
og Lýður Guðmundsson í Bakkavör
Hvar eru þeir núna?
Bakkavör Group er í framlínu matvælafyrirtækja
í Bretlandi og í fararbroddi í alþjóðlegri
matvælaframleiðslu og sérhæfir sig í ferskum, tilbúnum
matvælum. Bakkavör Group starfrækir 46 verksmiðjur
og hjá fyrirtækinu starfa rúmlega 16.000 manns
í sjö löndum. Bakkavör Group veltir yfir milljarði
sterlingspunda á ári. Auk Bretlands og Íslands starfar
fyrirtækið í Frakklandi, Belgíu, Spáni, Suður-Afríku og
Kína. Bakkabraedur Holding B.V. er eignarhaldsfélag
í eigu Lýðs og Ágústs en það á 45% í Exista, sem
er stærsti hluthafinn í Bakkavör Group með 39%
hlut. Einnig á Exista VÍS og Lýsingu að fullu, 23% í
Kaupþingi, 20% í Sampo Group og 44% í Skiptum,
móðurfélagi Símans, ásamt fleiri fjárfestingum. Lýður
er starfandi stjórnarformaður Exista og auk þess
stjórnarformaður Bakkavarar Group og stjórnarformaður
Skipta. Ágúst er forstjóri Bakkavarar Group og auk þess
stjórnarmaður í Exista og í Bakkavör Group.
2001Útnefningar í
Viðurkenning
til starfsfólks
„Við lítum svo á að
viðurkenning Frjálsrar
verslunar hafi ekki síst verið
til starfsfólks Bakkavarar
Group og þeirra fjölmörgu
sem lagt hafa af mörkum
við uppbyggingu félagsins.
Bakkavör Group hefur
borið gæfu til þess að
marka sér afar skýra sýn
þau liðlega tuttugu ár sem
fyrirtækið hefur starfað.
Fjölmargt starfsfólk hefur í
tíðina fylgt þessari sýn og
skapað Bakkavör Group
þá stöðu sem félagið
nýtur í dag,” segja ágúst
og Lýður Guðmundssynir
um útnefningu Frjálsrar
verslunar árið 2001.