Frjáls verslun - 01.11.2007, Blaðsíða 45

F R J Á L S V E R S L U N • 1 1 . T B L . 2 0 0 7 45
ársinsMenn Útnefningar í 20 ár
Menn ársins í íslensku viðskiptalífi árið 1993
samkvæmt útnefningu Frjálsrar verslunar og
Stöðvar 2 voru útgerðarhjónin Guðrún Helga
Lárusdóttir og Ágúst Guðmundur Sigurðsson,
eigendur Stálskips hf. í Hafnarfirði. Þóttu hjónin
mjög vel að titlinum komin þar sem rekstur
Stálskips hafði gengið sérlega vel og skilað miklum
hagnaði, á sama tíma og fyrirtæki í sjávarútvegi
höfðu gengið almennt illa. Árið 1993 var engin
undantekning þar á og hafði Stálskip meðal annars
ráðist í kaup á nýjum frystitogara, sem þá var
í smíðum á Spáni. Ágúst og Guðrún stofnuðu
Stálskip árið 1970 og var fyrsta skipið sem þau
keyptu breskur síðutogari, Boston Wellvale, sem
hafði strandað í Ísafjarðardjúpi og legið í sjó um
nokkurra ára skeið og var af flestum talinn glataður.
Þótti það djörf ákvörðun. Hún varð hins vegar til
góðs. Boston Wellvale varð að Rán GK 42, síðasta
síðutogaranum sem gerður var út hér á landi,
reyndist fengsæll og hið mesta happafley.
Árið 1993 gerði Stálskip út þrjá togara og
var með um 50 manns í vinnu og fór það orð af
útgerðarhjónunum að þau væru vönduð, sparsöm,
hyggin, vinnusöm og gætin í viðskiptum. Var
árangur þeirra afrakstur varkárni í lántökum,
þrotlausrar vinnu, sparsemi og útsjónarsemi í
rekstri. Guðrún var framkvæmdastjóri fyrirtækisins
og annaðist alla fjármálastjórn. Ágúst var
stjórnarformaður og með tæknilegu hliðina á
sinni könnu. Fyrirtækið var ekki með vinnslu í
landi og voru þau hjónin einu starfsmennirnir á
skrifstofunni. Í forsíðuumfjöllun Frjálsrar verslunar
sögðu þau meðal annars um velgengni sína: „Við
búum ekki yfir neinum patentlausnum. Við erum
náttúrlega fædd í kreppunni þegar ekkert var til og
allt var nýtt og sparað. Það hefur eflaust markað
okkur eins og aðra af okkar kynslóð. Það var svo
mikill skortur á öllu að borin var virðing fyrir
verðmætum og því sem til var. Það var engu hent.“
Guðrún er eina konan sem útnefnd hefur
verið maður ársins og þegar þau hjónin hlutu
viðurkenninguna sat hún í stjórn Landsambands
íslenskra útvegsmanna og situr enn, var
stjórnarformaður Fiskmarkaðarins í Hafnarfirði og
formaður Útvegsmannafélags Hafnarfjarðar. Þá sat
hún í Útflutningsráði og í varastjórn Jafnréttisráðs.
Árið 1993: Guðrún Lárusdóttir
og Ágúst Sigurðsson eigendur Stálskips
1993
Þakklát fyrir
hönd kvenna
Guðrún Helg­a
Lárus­dóttir er eina
konan s­em hlotið
hefur útnefning­una
maður árs­ins­ í ís­lens­ku
viðs­kiptalífi. „Það er
auðvitað lang­t um liðið
en ég­ man að mér þótti
mikils­ um vert að fá
þes­s­a viðurkenning­u,
ekki s­ís­t veg­na þes­s­
að ég­ vis­s­i um marg­ar
konur s­em voru í
s­ömu s­töðu og­ ég­ án
þes­s­ að það kæmis­t í
hámæli og­ manninum
einum þökkuð öll þeirra
velg­eng­ni. Hún hafði
líka þýðing­u fyrir mig­
pers­ónuleg­a að því leyti.
Annars­ er ég­ lítið fyrir
að vera í s­viðs­ljós­inu og­
hef því ábyg­g­ileg­a ekki
verið hrifin af athyg­linni
s­em s­líkri á s­ínum
tíma,“ s­eg­ir Guðrún
Helg­a Lárus­dóttir.
Hvar eru þau núna?
Ágúst og Guðrún eru
enn eigendur Stálskips
og gegna sömu störfum
og áður. Sem fyrr sjá
þau tvö um reksturinn
og eru ekki með annað
starfsfólk sér til fulltingis
á skrifstofunni. Stálskip
gerir nú út einn togara,
Þór, og eru 26 stöðugildi
á sjó.