Frjáls verslun - 01.11.2007, Blaðsíða 48

48 F R J Á L S V E R S L U N • 1 1 . T B L . 2 0 0 7
ársinsMenn20 ár
Frjáls verslun valdi Aðalstein Jónsson,
heiðursborgara Eskifjarðar og forstjóra
Hraðfrystihúss Eskifjarðar, mann ársins í
íslensku viðskiptalífi árið 1996. Þá hafði
rekstur fyrirtækisins gengið framúrskarandi
vel á árinu og verð hlutabréfa í því
nær fjórfaldast, sem var methækkun á
hlutabréfamarkaðinum, og mikil eftirspurn
hlutafé í því. Aðalsteinn var þá 74 ára og
hafði átt langan og farsælan feril að baki
í atvinnulífinu. Hann var oft kallaður
Alli ríki, en var aldrei sérlega hrifinn af
því viðurnefni. „Ævintýri Alla ríka hófst
árið 1945. Þá hafði hann sem fátækur
verkamaður safnað 10 þúsund krónum á
fimm vertíðum. Hann tók skref. Í félagi við
Kristmann bróður sinn og tvo aðra keypti
hann 50 tonna bát, Björgu. Blaðra, sögðu
menn um hana vegna þess hversu smá hún
var. En hún var kná. Næstu níu árin færði
hún björg í bú ... Með Kristni bróður sínum
braust hann í gegnum það að kaupa rúmlega
60 tonna bát sem skírður var í höfuðið á
föður þeirra, Jóni Kjartanssyni. Allt gekk í
haginn. Árið 1960 var frystihúsið á staðnum
til sölu. Alli önglaði saman hálfri milljón og
keypti það. Framhaldið þekkja allir.“
Í forsíðuumfjöllun Frjálsrar verslunar í
tilefni útnefningarinnar, þar sem fyrirsögnin
var Úr örbirgð til álna, sagði Aðalsteinn
jafnframt: „Ég er ekki ríkur. Maður sem er
að verða 75 ára er ekki lengur ríkur. Ungt
fólk, sem á allt lífið framundan í þessu
yndislega fagra landi, það er stórríkt.“
Einnig sagði hann: „Auðvitað er þetta eins
og hvert annað ævintýri. Að hugsa sér að
ég, sem einu sinni var aumastur allra, skuli
eiga meirihluta í fyrirtæki sem veltir tæpum
þremur milljörðum. Það hefði mér aldrei
dottið í hug.“
Árið 1996: Aðalsteinn Jónsson forstjóri
og aðaleigandi Hraðfrystihúss Eskifjarðar
Aðalsteinn Jónsson
Aðalsteinn Jónsson gegndi forstjóra-
starfinu til áramóta 2000-2001, eða
í alls 40 ár, sem talin eru ein mestu
uppgangsár í sögu Eskifjarðar, og er
Aðalsteinn talinn eiga stærstan hlut
í þeim, að öðrum ólöstuðum. Hann
dvelur nú á elliheimili á Eskifirði.
Synir Aðalsteins og tengdasonur
eignuðust yfir 90% hlutafjár í
Eskju (sem áður hét Hraðfrystihús
Eskifjarðar) fyrir rúmum þremur
árum og var fyrirtækið jafnframt
afskráð úr Kauphöllinni í ársbyrjun
2004. Í dag eiga og reka Björk
Aðalsteinsdóttir og Þorsteinn
Kristjánsson Eskju. Þau keyptu
Kristin bróður hennar út nýverið.
Elfar Aðalsteinsson seldi sinn hlut
árið 2004.
1996Útnefningar í