Frjáls verslun - 01.11.2007, Síða 54

54 F R J Á L S V E R S L U N • 1 1 . T B L . 2 0 0 7
ársinsMenn20 ár
Olgeir Kristjónsson, forstjóri EJS, var maður
ársins í íslensku viðskiptalífi árið 2000 að
mati dómnefndar Frjálsrar verslunar. Hlaut
hann heiðurinn fyrir einstakan árangur
við stjórnun EJS og skýr og metnaðarfull
framtíðarmarkmið. Sagði Olgeir meðal
annars í forsíðuumfjöllun í Frjálsri verslun
að útnefningin væri fyrst og fremst heiður
til handa samstarfsmönnum hans. Hafði
EJS þá verið rekið með samfelldum hagnaði
í tíu ár. Olgeir hætti sem kennari við
MH árið 1981 og réð sig þá til Einars J.
Skúlasonar sem þá var lítið fyrirtæki. Árið
1985 keypti hann hlut í fyrirtækinu ásamt
fleirum þegar það var gert að hlutafélagi
og tók við sem forstjóri árið 1991. Meðal
annars kom fram í viðtalinu að Olgeir ræddi
talsvert um siðferði og gömul gildi í starfi
sínu sem stjórnandi. „Það eru í sjálfu sér
ekkert mjög flókin vísindi. Þau ganga út á
að vera sanngjarn í garð viðskiptavina og að
hagsmuni þeirra beri hæst; að sannleikurinn
sé sagður um vöruna, þjónustuna og
kostnaðinn. Sömuleiðis að það ríki sanngirni
milli manna innan fyrirtækisins. Ég er af
gamla skólanum og legg upp úr gömlum
gildum um að fólk sé heiðarlegt, reyni ætíð
að gera sitt besta til þess að ná árangri og
geti lagst sátt til svefns eftir strit dagsins.
Flóknara er það nú ekki.“
Spurður hvort hann gæti hugsað sér
að vera í öðru starfi svaraði Olgeir: „Það
held ég ekki. Að vísu leynist í mér svolítil
rómantísk æð. Ég á mjög auðvelt með að
sökkva mér niður í skáldskap og grúsk af
ýmsu tagi. Ég hef gaman af bókmenntum,
sagnfræði og að láta hugann reika um hin
heimspekilegu svið. En ég held að ég þurfi á
„aksjóninni“ í viðskiptalífinu að halda, ég er
of mikill spennufíkill í mér.“
Árið 2000: Olgeir Kristjónsson forstjóri EJS
Hvar er hann núna?
Olgeir var einn fjögurra
eigenda EJS með 25% hlut.
Hann hætti sem forstjóri
EJS að eigin ósk árið 2002
eftir að hafa gegnt því starfi
frá 1991. Tæpu ári síðar lét
hann jafnframt af störfum
sem stjórnarformaður.
Olgeir seldi hlut sinn í
EJS fyrir nokkru og hefur
fjárfest vítt og breitt, bæði
innanlands og utan.
2000Útnefningar í
Gott fyrir fyrirtækið
Olgeir Kristjónsson var
maður ársins í íslensku
viðskiptalífi árið 2000.
Hann kveðst ekki hafa
litið á útnefninguna sem
persónulega upphefð, en
taldi að það gagnaðist
fyrirtækinu að fá jákvæða
athygli og umfjöllun af
þessu tagi, og að heiðurinn
væri ekki síst starfsfólkinu
að þakka.