Frjáls verslun - 01.11.2007, Blaðsíða 123
F R J Á L S V E R S L U N • 1 1 . T B L . 2 0 0 7 123
Hann segir Luis Rabelo hafa haft ágætis tengsl við bændurna
og þar sem Panama sé ekki ýkja stórt land hafi fljótlega eitt leitt
af öðru. „Panama er kornung þjóð sem hefur ekki mikla reynslu
í að markaðssetja sig í Evrópu, enda mjög lítið af fullunnum
vörum frá Panama seldar þar. Þó var Panama nýverið valið
besta kaffiræktarland í heimi, þriðja árið í röð. Í Panama
eru kjöraðstæður til kaffiræktunar; næringarríkur jarðvegur,
vindasamt svæði og mikil hæð yfir sjávarmáli
og þaðan kemur besta og dýrasta kaffi í heimi,
Geisha, sem kostar 30.000 kr. kílóið.
Nú fyrir jólin munum við ásamt Te og
kaffi bjóða Íslendingum það kaffi til sölu, en
aðeins verða um 200 kíló í boði. Í dag seljum
við fjórar tegundir af kaffi í verslanir og til
fyrirtækja, auk þess sem Te og kaffi kaupir hjá
okkur óristaðar baunir. Kaffið hefur selst vel
þrátt fyrir hærra verð sem skapast af gæðunum
og því verði sem við greiðum til bændanna, en
við greiðum hærra verð en almennt gengur
og gerist og látum pakka því og ganga frá
ytra. Á heildina litið er kaffineysla að dragast
saman, en gæði kaffisins að stóraukast hér sem og annars staðar
í heiminum,“ segir Svavar.
gæðaeftirlit mikilvægt
Svavar er sjávarútvegsfræðingur að mennt en hefur síðastliðin
ár fengist við skattamál. Hann segist ekki geta búið til góðan
expressó en hann viti að varan sé góð og hana geti hann, selt
enda hafi hann yfirleitt átt auðvelt með slíkt. Hann segir það
hafa færst í aukana að biðja um gæðavottun kaffis þar sem að
verndun regnskóga, svo og náttúru og vatnsvernd, er tryggð.
Auk þess er með þessu tryggt ákveðið verðöryggi þannig að
kaffibóndinn fái eðlilegt og sanngjarnt verð fyrir vöruna, en allt
þetta fellur undir svokallaða Rainforest alliance vottun. Svavar
segir að sala slíks kaffis hafa aukist gífurlega í Evrópu, enda sé
heimurinn að verða grænn í hugsun, hver svo sem árangurinn
verður.
Það hafi hins vegar komið í ljós þegar hann hóf viðræður
við Danina að þar hefur trúverðugleikinn á Fair Trade
vottun minnkað dálítið eftir sýningu sjónvarpsþáttar þar sem
kaffibauninni var fylgt alla leið frá bóndanum til neytandans og
þá kom í ljós að kaffibóndinn átti ekki einu sinni fyrir skóm á
börnin sín, þrátt fyrir 16 tíma vinnudag. Því sé mikilvægt að
fylgja slíkum merkingum eftir með reglulegu eftirliti.
„Danir hafa jú selt Íslendingum kaffi alla hunds og kattartíð
og stærstur hluti kaffis hérlendis kemur frá þeim. Þeim hefur
sjálfsagt síst dottið í hug að Íslendingar færu að selja sér kaffi
enda sagði innkaupastjórinn hjá Strandberg Supermarket mér
t.d. að hann hefði einfaldlega haldið að tölvupósturinn frá mér
væri ruslpóstur og því hent honum. Annar innkaupastjóri sagði
við mig að það að selja Dönum kaffi, sem ekki væri pakkað og
ristað í Danmörku, væri líkt og selja Bretum te. Í dag kemur
Dönum þó ekkert á óvart sem Íslendingum dettur í hug og
þeir hafa tekið mér mjög vel og bera mikla virðingu fyrir okkur
Íslendingum,“ segir Svavar.
Dýrasta kaffi í heimi
„Við seljum fjórar tegundir af Panamakaffi
í verslunum hérlendis en fyrsta tegundin
sem ég hóf sölu á heitir Apakaffið. Þá er ég
að kynna þessar tegundir í 120 gæðabúðum
í Danmörku og er kominn í samband við
enskar verslanir á borð við Waitrose, Marks
& Spencer og Sainsbury´s.
Kaffið hefur fengið mjög góðar viðtökur
í Danmörku og er nú meðal annars komið
í hillurnar til prufu hjá fimm stórum
verslunarkeðjum í Danmörku, Salling, Bilka,
Födex, Strandberg og Magasin du Nord. Þá
hef ég einnig rætt við aðila í Þýskalandi, Frakklandi, Spáni
og Kanaríeyjum sem hafa tekið mér vel. Kaupendur gleypa
ekki við hverju sem er í kaffimálum, enda miklar hefðir í
þessum málum en ég segi við þá að þeir geri þá ekkert nema
að prófa kaffið og líki þeim það ekki þurfum við aldrei að
ræða verðið! Hjá Dansksupermarket var ég t.d. settur beint
í samband við einn af yfirmönnum verslunarinnar sem bað
mig vinsamlegast ekki að eyða tíma sínum. Ég var hins vegar
staddur í Danmörku á þessum tíma og þrjóskaðist við, fór með
kaffi til prufu á skrifstofuna hans og lét ritarann hans hafa það.
Nokkru seinna sendi ég síðan tölvupóst til að spyrja hvernig
honum hefði líkað kaffið og þá kom í ljós að hann drykki
reyndar ekki kaffi en öðru fólki á skrifstofunni hefði líkað það
mjög vel. Þannig leiddi eitt af öðru og hann tók tvær tegundir
af kaffi til prufu í um 100 verslunum. Við höfum alltaf verið
nýlenduþjóð í augum Dana þannig að það væri gaman að geta
snúið því dæmi við,“ segir Svavar.
Er þetta ekki dæmigerð íslensk víkingamennska?
„Jú sjálfsagt, við erum kraftmikið skorpufólk sem verðlaunum
okkur þess á milli og það er ótrúlega mikið um möndl og
gauf á fólki í kringum mann. Ég held að fámennið og íslenska
veðurfarið geri okkur svona kröftug auk þess sem hér er önnur
nálgun og kúltúr í viðskiptum. Það gerir það að verkum að
maður er ekki hræddur að slá til og reyna fyrir sér fyrir utan
landsteinana, sama hversu fráleit hugmyndin getur sýnst í
fyrstu,“ segir Svavar að lokum.
Hófst með felliByl
Kaffi er mesta
verslunarvara heims
á eftir olíu og sama
hvort fólk er í
heimsókn í Kenýa,
Kanada eða Íslandi,
það er alls staðar
boðið upp á kaffi.