Frjáls verslun - 01.11.2007, Blaðsíða 136

136 F R J Á L S V E R S L U N • 1 1 . T B L . 2 0 0 7
meðal annars verða kvikmynda-
sýningar.
Teiknim­ynd­ fékk
m­estu aðsóknina
Að einu leyti skerum við
okkur að þessu sinni frá
Bandaríkjunum með vinsæl-
ustu kvikmyndir ársins. Vin-
sælasta kvikmyndin á Íslandi
árið 2007 er teiknimyndin
The Simpsons Movie, en hún
nær aðeins níunda sætinu á
bandaríska árslistanum. Vin-
sælasta kvikmyndin í Banda-
ríkjunum er Spider-Man
3 og er hún ein af fjórum
kvikmyndum sem ná að kom-
ast yfir 300 milljón dollara
markið í aðsókn vestan hafs,
hinar eru Shrek the Third,
Transformers og Pirates of
the Caribbean: At the Worlds
End. Rétt undir 300 milljón
dollara mörkunum er svo
Harry Potter and the Order of
the Phoenix. Þessar fimm kvik-
myndir, þar sem fjórar þeirra
eru framhaldsmyndir, skera
sig nokkuð úr með aðsókn í
Bandaríkjunum og eru einnig
meðal vinsælustu kvikmynda
hér á landi.
Það sem vekur mesta athygli
hér á landi er góð aðsókn á
íslenskar kvikmyndir og eru
það ánægjuleg tíðindi. Auð-
vitað ætti alltaf að vera góð
aðsókn á íslenskar kvikmyndir
en svo hefur ekki alltaf verið
og hafa margar ágætar íslenskar
kvikmyndir farið fram hjá land-
anum á undanförnum árum.
Astrópía vinsæl
Langvinsælasta íslenska kvik-
myndin var Astrópía en aðsókn
að henni var hátt í 50 þúsund
manns, hún náði að vera í hópi
vinsælustu kvikmynda ársins
en þó ekki í efstu sætunum, en
þegar kemur að aðgangseyri þá
er hún tekjuhæst þar sem dýr-
ara er á íslenskar kvikmyndir
en útlendar. Það að Astrópía
skyldi vera mun vinsælli en
gæðamyndir á borð við Veðra-
mót og Foreldrar, sem báðar
voru sýndar á árinu, er fyrst
og fremst því að þakka að hún
höfðar til þeirra sem fara minnst
vikulega í bíó. Astrópía er sem
sagt fyrst og fremst fyrir ungt
fólk. Það virðist þurfa eitthvað
sérstakt, eins og til að mynda
metsöluhöfundinn Arnald Ind-
riðason, til að fá eldra fólk til að
flykkjast í kvikmyndahús.
Í kjölfar Mýrarinnar kom
önnur ágæt íslensk sakamála-
mynd, Köld slóð, sem hefði átt
að fá einhverja af þeim fjölda
sem sáu Mýrina til að endurtaka
bíóferð, en allt kom fyrir ekki,
aðsóknin að Kaldri slóð var því
miður ekki góð. Foreldrar, góð
kvikmynd sem var sigurvegari
á Edduhátíðinni, fékk enn
minni aðsókn, en fjórða leikna
kvikmyndin á árinu, Veðramót
náði að klóra í bakkann og fékk
sæmilega aðsókn, en komst
ekki nálægt Astrópíu hvað það
varðar. Og þegar á heildina er
litið varðandi leiknar íslenskar
kvikmyndir á þessu ári þá er
það aðeins Astrópía sem hægt
er að segja að hafi slegið í gegn
hjá hinum almenna kvikmynda-
húsgesti.
Íslenskar heimildarmyndir
áttu ágætu gengi að fagna á
árinu og þar er fremst í flokki
kvikmynd Sigur Rósar, Heima,
sem fékk ágæta aðsókn og er
hún þegar að hefja sigurför um
heiminn, vekur mikla athygli og
fær alls staðar fína dóma. Vert er
að geta þess, sem að vissu leyti
eru gleðileg tíðindi, að eina viku
í október voru þrjár íslenskar
kvikmyndir meðal vinsælustu
kvikmynda á Íslandi, Astrópía,
Veðramót og Heima. Slíkt hefur
aldrei áður gerst og er vonandi
að endurtekning verði á næsta
ári, en von er á nokkrum kvik-
myndum sem lofa góðu. Ein
íslensk kvikmynd var frumsýnd
í desember, ævintýramyndin
Duggholufólkið og hefur hún
fengið prýðisgóða aðsókn.
Kvikm­ynd­ahátíðir
Alþjóðlega kvikmyndahátíðin
í Reykjavík hefur aldrei verið
glæsilegri en á þessu ári og
er búin að festa sig í sessi á
alþjóðavettvangi. Á hátíðinni
voru sýndar rúmlega 80 kvik-
The Simpsons Movie. Homer brá­st ekki frekar en fyrri daginn þótt kominn væri á­ stóra tjaldið.
Bíóárið 2007