Frjáls verslun - 01.11.2007, Síða 85

F R J Á L S V E R S L U N • 1 1 . T B L . 2 0 0 7 85
um áramótHvað segja þau ?
TexTi: svava jónsdóttir og hilmar karlsson • myndir: Geir ólafsson o.fl.
um áramót?Hvað segja þau
Sólveig eiríkSdóttir
einn eigenda Himneskrar HollusTu:
Staðan góð
og framtíðin björt
Það sem stóð upp úr hjá fyrirtækinu á árinu er að Himnesk
hollusta var annað árið í röð á topp tíu listanum yfir
fyrirmyndarfyrirtæki ársins. Verðmæti hvers fyrirtækis er
starfsfólkið. Við erum starfsfólkinu óendanlega þakklát fyrir vel
unnin störf og það gladdi hjarta mitt þegar þessi úrslit lágu fyrir
því það sýnir okkur að við erum á réttri leið með að hlúa að
starfsfólki okkar.
staðan er góð og framtíðin björt. Á næsta ári munum við
stækka vörulínuna okkar umtalsvert og koma með fullt af
spennandi nýjungum. Við byrjum nýja árið með því að kynna
nýjustu matreiðslubókina mína sem er í rauninni lykillinn til að
geta nýtt sér til fulls allt það flotta heilsuhráefni og grænmeti
sem er á boðstólunum í heilsubúðum og stórmörkuðum
landsins.
Fréttir af lífsstílssjúkdómum berast okkur til eyrna daglega
og á sama tíma berast fréttir af rannsóknum um að aukin
neysla á grænmeti og öðru hollustuhráefni sé allra meina bót
og eitthvað sem almenningur ætti að kynna sér og auka neyslu
á. Í því felist ákveðin lausn. Þegar hugsjónin og viðskiptin fallast
í faðma og fléttast saman í flotta heild siglir fyrirtækið okkar
þöndum seglum inn í bjarta framtíð.
Mér eru minnisstæðast fríin mín tvö. Ég fór með manninum
og yngri dætrunum tveimur til Rhodos og var þetta frábærlega vel
heppnað fjölskyldufrí. Svo fórum við hjónin með elstu dótturinni
yfir Fimmvörðuháls.
Sólveig Eiríksdóttir.
MatthíaS iMSland
FramkVæmdasTjóri
iceland express:
Markaðurinn vill
fleiri áfangastaði
og lægra verð
endurmörkun fyrirtækisins er einna minnisstæðast
á árinu en við tókum upp nýtt merki og útlit
sem endurspeglar nýja tíma og ný tækifæri á
ferðaþjónustumarkaði. Það hefur orðið umtalsverð
fjölgun farþega miðað við árið á undan en við
efldum þjónustuna, bættum Egilsstöðum við hér
heima og fjölguðum áfangastöðum erlendis um
fimm. Viðtökurnar sýna að það var rétt ákvörðun.
Markaðurinn vill fleiri áfangastaði og lægra verð.
Þá var ánægjulegt að við skyldum vinna The World
Low Cost Airlines Award fyrir besta vefsvæði
lágfargjaldaflugfélaga.
Nýtt ár leggst mjög vel í mig því tækifærin á
ferðaþjónustumarkaði eru fjölmörg. Við ætlum
okkur aukinn hlut í millilandafluginu og stefnum að
virkri samkeppni í innanlandsflugi. Þegar á heildina
er litið er ferðaþjónusta á stöðugri uppleið sem
atvinnugrein og tekjur af ferðamönnum aukast ár
frá ári. Íslendingar hafa aldrei ferðast jafnmikið og
á árinu sem að líða og ég sé ekki að lát verði á.
Það er ekkert eitt sem stendur upp úr hjá mér
sjálfum en almennt hefur þetta verið mjög gott ár.
Matthías Imsland.