Frjáls verslun - 01.11.2007, Blaðsíða 88

88 F R J Á L S V E R S L U N • 1 1 . T B L . 2 0 0 7
um áramótHvað segja þau ?
Þorvaldur lúðvík SigurjónSSon
ForsTjóri saga capiTal:
Fleyið er traust
eins og kannski eðlilegt er stendur upp úr að við hleyptum
bankanum af stokkunum um mitt árið, rétt áður en markaðir
hér heima og erlendis náðu hápunkti, og höfum svo stigið
ölduna síðan. Þetta hefur reynt á innviðina og starfsfólkið og
upp úr stendur að fleyið er traust og starfsfólkið er starfi sínu
vaxið. Þetta hefur því verið mjög viðunandi álagspróf.
Ég tel að fyrir 2008 sé margt jákvætt í spilunum. Þau
gerningaveður sem hafa geisað undanfarna mánuði hafa
breytt hugsanagangi og sett aftur í öndvegi raunhæft mat
á ávöxtun og áhættu. Við getum búist við því að vextir hér
heima lækki er líður á og meira jafnvægi í þjóðarbúinu náist.
of snögg kæling gæti verið í spilunum, en það verður þá
viðfangsefni allra að halda hjólunum gangandi þannig.
Fyrir bankageirann tel ég að núverandi lausafjárþurrð
muni leysast er líður á árið og búið verði að loka kaflanum
um undirmálskrísuna. Fram undan eru mýmörg tækifæri
til hagræðingar og sóknar. Útrásin mun malla áfram þótt í
smærri skrefum og öðru formi verði.
Hjá mér stendur upp úr gjörbreyting á högum þar sem
ég hætti hjá kaupþingi eftir 11 ára starf, stofnaði bankann
og fluttist til akureyrar reynslan af búferlaflutningunum
hefur verið afar jákvæð og hlökkum við til næsta árs í nýjum
heimkynnum. starfsfólki bankans hefur verið afar vel tekið í
sínum nýju heimahögum og er það mikilvægt að finna velvilja
samfélagsins svo sterkt á hverjum degi.
hafdíS karlSdóttir
FramkVæmdasTjóri
reksTrarsViðs iceBank:
Tími mikilla breytinga
Árið í heild hefur verið tími mikilla breytinga, bæði
rekstrarlega og starfsmannalega. opnun eignarhalds í
bankanum er sá atburður sem einna helst stendur upp úr
á árinu. með því var stigið næsta skref í stefnu bankans
í þá átt að styrkja hann og leggja áherslu á erlend
verkefni samhliða uppbyggingu starfseminnar innanlands.
Það skref hefur verið stigið með því að innlima Behrens
fyrirtækjaráðgjöf inn í bankann, en Behrens er með
starfsstöðvar í lettlandi og litháen.
undanfarna mánuði hefur mikill óróleiki einkennt
fjármálamarkaðinn og þá sérstaklega síðustu vikurnar.
Þetta hefur haft áhrif á afkomu icebank eins og annarra
fjármálastofnana. Þessi óróleiki mun halda áfram eitthvað
fram eftir næsta ári en vonandi verður markaðurinn búinn
að ná jafnvægi næsta haust.
Það sem er minnisstæðast hjá mér á þessu ári er
þegar ég var kosin sem varaforseti evrópusambands
soroptimista í maí til tveggja ára. alþjóðasamband
soroptimista er samtök starfsgreindra þjónustuklúbba
sem sameinar dugandi konur úr öllum starfsgreinum til
þess að vinna að betra mannlífi og vera málsvarar kvenna.
embættinu fylgja mikil samskipti við konur alls staðar að
og er gaman og hollt að fá að kynnast með þessu móti
mismunandi menningu og aðstæðum kvenna.
Þorvaldur Lúðvík Sigurjónsson.
Hafdís Karlsdóttir.