Frjáls verslun - 01.11.2007, Blaðsíða 96
96 F R J Á L S V E R S L U N • 1 1 . T B L . 2 0 0 7
um áramótHvað segja þau ?
Óskum viðskiptavinum okkar
og landsmönnum öllum gleðilegs árs.
Þökkum samskiptin á árinu sem er að líða.
Gutenberg
Suðurlandsbraut 24
108 Reykjavík
Sími 545 4400
Fax 545 4401
www.gutenberg.is
Starfsfólk Gutenberg
Birna ragnarSdóttir
FramkVæmdasTjóri rB-rÚma:
Stefnum að því að
auka markaðsstöðu
fyrirtækisins enn meir
Það helsta sem stendur upp úr á árinu 2007 er að fyrirtækið
bætti stöðu sína á markaðnum, bæði á eigin framleiðslu,
springdýnum og rúmum, einnig jókst sala á fylgihlutum við rúmin
eins og til dæmis náttborðum, sængurfatnaði og fylgihlutum fyrir
svefnherbergið.
Ég lít björtum augum á framtíð fyrirtækisins og við stefnum
að því að auka markaðstöðu fyrirtækisins enn meir, og viðhalda
og bæta þjónustuna við neytandann. Þegar litið er á stöðu
atvinnugreinarinnar í heild þá er markaðurinn mjög harður og
erfiður enda er mikið flutt inn af springdýnum og rúmum, en við
erum hvergi smeyk og teljum okkur vera með það góðar vörur að
þær standist alla samkeppni.
Það minnisstæðasta hjá sjálfri mér á árinu er hvað vel hefur
gengið yfirleitt hjá fyrirtækinu. einnig er það mjög eftirminnilegt
þegar fjölskyldan fór í frí til systur minnar sem býr í Florida og
áttum þar góðar stundir og ekki er síður eftirminnilegt þegar eldri
sonur minn fékk bílprófið.
Brynja halldórSdóttir
FramkVæmdasTjóri norVikur:
Gott ár í
byggingariðnaði
síðastliðið ár var fyrirtækinu hagfellt. markaðsaðstæður voru
góðar og byggingariðnaðurinn í mikilli uppsveiflu. jafnframt
er það ofarlega í huga þær efasemdir, sem fram hafa komið
varðandi samkeppni á matvörumarkaði, sem er ótvíræð og
hörð. einnig verður að minnast á það mikla ójafnvægi sem ríkir
í þjóðarbúskapnum, svo sem hátt vaxtastig og óvissu með
þróun íslensku krónunnar.
Í mínum huga verður árið 2008 ár mikilla sveiflna svo sem
að hluta einkenndi yfirstandandi ár. Búast má við kólnun
íslenska hagkerfisins sem ég tel nauðsyn og spurningin því
eingöngu hversu hratt. jafnframt tel ég líklegt að óvissa í
tengslum við bandaríska húsnæðismarkaðinn muni skýrast á
næsta ári og létta af þeirri spennu sem einkennir markaði í dag.
Varðandi þróun í okkar atvinnugrein þá er félagið starfandi á
mörgum mörkuðum þar sem almenn eftirspurn hefur gríðarleg
áhrif. Við búumst við mildari eftirspurn á næsta ári miðað við
líðandi ár. Hins vegar hefur vel tekist til á liðnum árum sem
við væntum að muni skila sér í framtíðarsókn félagsins á sem
flestum sviðum.
Það sem stendur upp úr á árinu er að við hjónin komumst á
nýjan áratug sem ég lít björtum augum til, en mikilvægast er þó
að hafa góða heilsu og njóta samvista við sína nánustu.
Birna Ragnarsdóttir.
Brynja Halldórsdóttir.