Frjáls verslun - 01.11.2007, Page 46
46 F R J Á L S V E R S L U N • 1 1 . T B L . 2 0 0 7
ársinsMenn20 ár
Sighvatur Bjarnason, framkvæmdastjóri
Vinnslustöðvarinnar í Vestmannaeyjum og
stjórnarformaður Sölusambands íslenskra
fiskframleiðenda, hlaut útnefninguna maður
ársins í íslensku viðskiptalífi árið 1994,
32 ára gamall. Í forsíðuumfjöllun Frjálsrar
verslunar af þessu tilefni var hann sagður
mikill forystumaður, athafnasamur, áræðinn og
glæsilegur fulltrúi ungrar kynslóðar stjórnenda
sem fram væri komin á Íslandi. Sighvatur
var framkvæmdastjóri dótturfyrirtækis SÍF
í Frakklandi, NordMorue, þegar hann var
kallaður heim til Vestmannaeyja. „Hann
var þar í góðu, áhugaverðu, „vinsamlegu“
og vellaunuðu starfi og búinn að tvöfalda
umsvif NordMorue. Fjölskyldunni leið vel;
ungt fólk sem undi hag sínum í framandi
umhverfi og góðu veðri í Suður-Frakklandi og
hugðist búa þar áfram næstu fimm árin,“ sagði
ennfremur í viðtalinu. Fram kom að Sighvatur
hefði tekið við Vinnslustöðinni um mitt ár
1992 í vonlausri stöðu og í „öndunarvél“
lánardrottna. „Nú hefur sjúklingurinn sloppið
fyrir horn, þótt hann hafi ekki enn náð fullum
bata ... Róður Sighvats með Vinnslustöðina
hefur verið lífróður.“
Einnig sagði að Sighvatur hefði sýnt
djörfung, kjark, festu og áræðni í starfi sínu.
„Hann byrjaði á því að lækka eigin laun um
fjórðung, mest allra í prósentum, til þess að
sýna fordæmi þegar hann lækkaði laun annarra
stjórnenda í fyrirtækinu. Hann er leiðtogi
fremur en hefðbundinn stjórnandi.“
Árið 1994: Sighvatur Bjarnason framkvæmda-
stjóri Vinnslustöðvarinnar í Vestmannaeyjum
1994Útnefningar í
Mjög hissa
Sighvatur Bjarnason kveðst
hafa verið mjög hissa
þegar hann var útnefndur
maður ársins í íslensku
viðskiptalífi árið 1994.
„Mér fannst það líka mjög
gaman. Útnefningin skipti
máli í fyrirtækinu, enda leit
ég svo á að starfsfólkið
allt ætti heiðurinn. Fólk í
Eyjum var hreykið af þessari
viðurkenningu, enda var
þessi starfsemi síður en svo
auðveld.“
Hvar er hann núna?
Sighvatur sagði starfi sínu
lausu sem framkvæmdastjóri
Vinnslustöðvarinnar í ársbyrjun
1999. Eftir það starfaði hann
í Frakklandi og Danmörku
þar sem hann fjárfesti í
fyrirtækjum í sjávarútvegi
með endurskipulagningu
og breytingar að leiðarljósi.
Sighvatur á nú fyrirtækið Cimbric
A/S í Danmörku, ásamt mági
sínum, og Fisco ehf. á Íslandi
sem sérhæfir sig í sölu frystra
sjávarafurða víðs vegar um
heiminn, framleiðir meðal annars
í Kína og selur til Þýskalands,
svo dæmi séu nefnd. Hann
hefur starfað á Íslandi og verið
búsettur hér síðastliðin þrjú ár.