Frjáls verslun - 01.11.2007, Qupperneq 59

F R J Á L S V E R S L U N • 1 1 . T B L . 2 0 0 7 59
ársinsMenn Útnefningar í 20 ár
Maður ársins 2004 í íslensku viðskiptalífi
var Sigurður Helgason, forstjóri Flugleiða.
Sigurður hlaut útnefninguna fyrir einstaka
hæfni við stjórnun félagsins og hafði þá verið
forstjóri í tæp 20 ár. Fyrstu níu mánuði
ársins 2004 var hagnaður félagsins 3,3
milljarðar fyrir skatta og benti allt til þess
að það yrði hið annað besta í sögu félagsins,
en á sama tíma voru nánast öll flugfélög
erlendis rekin með tapi. Þá var mikill áhugi
fyrir því að fjárfesta í félaginu. Sigurður
Helgason og Flugleiðir voru jafnframt
frumkvöðlar í margumtalaðri útrás íslenskra
fyrirtækja. Eimskipafélag Íslands var lengi
kjölfestufjárfestir í Flugleiðum og átti þá
meira en 30% hlut í félaginu. Þegar greitt
var úr fyrirtækjaneti Eimskipafélagsins í
september árið 2003 var losað um þessi
eignatengsl og nýir aðilar komu að rekstri
Flugleiða. Enn aðrir komu síðar og þegar
forsíðuviðtal við mann ársins birtist í Frjálsri
verslun árið 2004 hafði Hannes Smárason
eignast nær 30% hlut í Flugleiðum. Vék
Sigurður meðal annars að endurnýjun
flugflotans, sem lagði grunninn að síðari tíma
velgengni félagsins og nýju landslagi í kjölfar
eigendaskipta. „Ég hef alltaf talið það styrk
fyrir félagið að hafa sterka kjölfestufjárfesta
eins og Eimskipafélagið var. Þeir fylgdu okkur
til dæmis í gegnum flugvélakaupin í kringum
1990 ... Ef við einföldum þær breytingar
sem orðið hafa á eignarhaldinu getum við
sagt að nú séu það eigendur hlutafjárins sem
sjálfir sitja í stjórn félagsins, en áður voru
það fulltrúar eigendanna. Sjálfur tel ég það
kost fyrir okkur stjórnendur félagsins að vera
í nálægð við eigendurna, það fer þá ekkert á
milli mála hvert hugur þeirra stefnir.“
Árið 2004: Sigurður Helgason
forstjóri Flugleiða
Hvar er hann núna?
Sigurður Helgason lét
af störfum sem forstjóri
Flugleiða og Icelandair
árið 2005. Hann var í fyrra
kjörinn stjórnarformaður hjá
hugbúnaðarfyrirtækinu Calidris,
íslensku fyrirtæki sem selur
sérhæfðar hugbúnaðarlausnir
til flugfélaga á alþjóðamarkaði,
og er nú varaformaður
stjórnar. Einnig hefur Sigurður
verið stjórnarformaður
Þróunarsamvinnustofnunar
Íslands frá árinu 2005 og
er jafnframt stjórnarmaður í
Finnair. Þá hefur hann sinnt
fjárfestingum og komið að
ýmsum góðgerðarmálum.
Viðurkenning
fyrir starfsfólk
og stjórnendur
„Ég leit á þetta sem
viðurkenningu fyrir það
starf sem ég leiddi innan
Flugleiða og var framtak
hóps stjórnenda og frábærs
starfsfólks og fyrir farsælan
og fjölbreyttan rekstur. Í
mínum huga var ég fulltrúi
þess stóra hóps sem
hafði sinnt hinni miklu
uppbyggingu félagsins og
í ferðaþjónustu og flugi,“
segir Sigurður Helgason.
2004