Frjáls verslun - 01.11.2007, Qupperneq 60

60 F R J Á L S V E R S L U N • 1 1 . T B L . 2 0 0 7
ársinsMenn20 ár
Hreiðar Már Sigurðsson, forstjóri
Kaupþings, og Sigurður Einarsson, starfandi
stjórnarformaður, voru útnefndir menn
ársins í íslensku viðskiptalífi árið 2005 af
Frjálsri verslun. Heiðurinn hlutu þeir fyrir
framúrskarandi hæfni við rekstur bankans,
stækkun hans, farsælan feril, athafnasemi
og frumkvöðlastarf í útrás íslenskrar
bankaþjónustu. Í forsíðuumfjöllun Frjálsrar
verslunar sagði réttilega að í sjálfu sér væri
fremur erfitt að finna réttu lýsingarorðin
til þess að lýsa stækkun Kaupþings undir
stjórn þeirra Hreiðars Más og Sigurðar,
svo mikil væri hún. En þá hafði stærð
efnahagsreiknings þúsundfaldast frá því
að Sigurður varð forstjóri árið 1996 og
markaðsvirðið rúmlega tólfhundruðfaldast.
Eigið fé hafði jafnframt 365-faldast og
ársvelta 352-faldast og hafði ekkert íslenskt
fyrirtæki stækkað í líkingu við þetta
áratuginn á undan. Þegar þarna var komið
sögu var Kaupþing banki 9. stærsti banki á
Norðurlöndum og í 180. sæti á heimsvísu
í hópi nokkurra þúsunda banka og
markmiðið að verða í hópi 50 stærstu banka
heims innan fimm ára. Sigurður víkur að
yfirlýstum áformum um stækkun bankans
í viðtalinu og rifjaði upp erindi sem hann
hélt á ársþingi Verslunarráðs árið 2001 þar
sem hann brá upp mynd af þeim vexti sem
stjórnendur bankans sáu fyrir sér á næstu
fimm árum: „Þessir 400 sem hlustuðu
héldu víst allir að við værum orðnir
endanlega geggjaðir – það eru enn að koma
til mín menn til að segja mér hvað þeim
hafi þótt þetta fráleitt – en staðreyndin er
sú að við höfum vaxið enn meira en við
héldum þá.“
Árið 2005: Sigurður Einarsson
starfandi stjórnarformaður og Hreiðar Már
Sigurðsson forstjóri Kaupþings
Hvar eru þeir núna?
Frá því í haust hefur Kaupþing
eignast innlánafyrirtæki á Mön,
keypt Robeco Bank Belgium og
opnað útibú í Katar og Dubaí,
svo eitthvað sé nefnt. Í lok þriðja
ársfjórðungs voru starfsmenn
hjá Kaupþingi og dótturfélögum
3.190. Kaupþing er með starfsemi
í 12 löndum í augnablikinu og
eftir yfirtöku á NIBC í janúar 2008
verða þau 16. Af evrópskum
fjármálafyrirtækjum hefur
Kaupþing vaxið einna hraðast
undanfarin ár. Það hefur gerst með
miklum og stöðugum innri vexti
og vel yfirveguðum yfirtökum. Þar
ber helst að nefna kaup á FIH
bankanum í Danmörku árið 2004
og Singer & Friedlander í Bretlandi
árið 2005. Hreiðar Már hefur verið
forstjóri Kaupþings frá árinu 2003
og í maí sama ár var Sigurður
skipaður stjórnarformaður.
2005Útnefningar í 1988
Viðurkenning alltaf
ánægjuleg
„Það er alltaf ánægjulegt
þegar störfum manns er sýnd
viðurkenning. Þessi verðlaun
voru okkur og starfsfólki
Kaupþings mikil hvatning. Þau
hafa líka komið að góðum
notum í útrás bankans, en svona
viðurkenning frá heimalandinu er
alltaf gott vegarnesti.
Okkur í Kaupþingi hefur
gengið vel frá því að við fengum
þessi verðlaun. Við höfum jafnt
og þétt náð að efla starfsemi
bankans í þeim löndum þar sem
hann starfar nú. Þá hefur okkur
tekist að fella rekstur FiH og
Singer & Friedlander vel inn í
samstæðuna og jafnframt blásið
til nýrrar sóknar með kaupunum
á NiBC. Ég er bjartsýnn á
rekstur Kaupþings á árinu 2008
enda verðum við með tilkomu
NiBC kominn með sterka stöðu
í Norður-Evrópu,“ segir Hreiðar
Már Sigurðsson.
Actavis hefur á undanförnum árum haslað sér völl sem eitt af stærstu
samheitalyfjafyrirtækjum í heimi. Actavis býður eitt mesta vöruúrval
samheitalyfjafyrirtækja og vinnur jafnframt að þróun hundruða nýrra lyfja.
Hjá Actavis starfa um 11.000 manns í 40 löndum. Metnaður okkar er að
bjóða viðskiptavinum um allan heim betri þjónustu og betri aðgang að
hágæðalyfjum.
Kynntu þér meira á www.actavis.is og www.actavis.com
Við breiðum úr okkur