Frjáls verslun - 01.08.2006, Blaðsíða 28
KYNNING
HÖNNUN SEM ENDIST!
Verkfræðiráðgjöf um húsbyggingar hefur verið snar þáttur í starfsemi
Hönnunar hf. frá byrjun og nær bæði til nýbygginga og viðhalds. Hús-
byggingarsvið og byggingarstjórnunar- og eftirlitssvið eru nátengd.
Þau hafa á að skipa fjölda sérfræðinga sem veita ráðgjöf um forvinnu,
hönnun bygginga, byggingarstjórn og eftirlit með framkvæmdum, hvort
sem um er að ræða íbúðarhúsnæði, skóla, hótel, verslunarhúsnæði,
íþróttamannvirki, skrifstofuhúsnæði, iðnaðarhúsnæði eða sjúkrahús og
heilsugæslustöðvar.
Hönnun nýbygginga er skipt í sex megináfanga: Þarfagreiningu og
gerð kostnaðaráætlunar, frumhönnun og verkáætlun, fullnaðarhönnun
mannvirkis, gerð útboðsgagna, aðstoð við val á verktaka og loks ráðgjöf
á byggingartíma. Við gerð kostnaðaráætlana styðjast sérfræðingar Hönn-
unar við verðbanka fyrirtækisins en í honum eru þúsundir einingarverða
á ýmsum fagsviðum.
Fjölbreytt verksvið
Hönnun lagnakerfa hefur ætíð gegnt mikilvægu hlutverki í starfsemi
Hönnunar. Starfsmenn hafa hannað bæði hefðbundin ofnakerfi og
gólfhitakerfi, sem gerast nú æ algengari. Þá má nefna hönnun snjó-
bræðslukerfa og vatnsúðakerfa, sem í vaxandi mæli eru orðin hluti af
eldvarnarkerfi stærri bygginga.
Brunahönnun er með mikilvægari þáttum í hönnun mannvirkja.
Sérfræðingar Hönnunar hafa náð miklum árangri á því sviði enda
ræður fyrirtækið yfir einstökum, sérhæfðum hugbúnaði til þeirra verka.
Hönnun er einnig með tækjabúnað til að gera úttekt á loftræsikerfum en
tölvutæknin hefur skapað mikla möguleika varðandi stýringu loftræsi-
kerfa sem aftur leiðir til lækkunar stofn- og rekstrarkostnaðar bygginga.
Hönnun hljóðvistar verður æ mikilvægari
Hljóðvist skipar sífellt stærri sess í hönnun mannvirkja. Þróun góðs
hljóðumhverfis krefst samþættingar margra ólíkra atriða sem hafa áhrif á
heildarútkomuna. Hjá Hönnun er til mesta úrval tækja til hljóðmælinga
og jafnframt þau fullkomnustu sem völ er á hérlendis. Fyrirtækið býr
yfir áratuga reynslu og þekkingu á hönnun hljóðkerfa af öllum gerðum
og einnig er hugbúnaður, sem notaður er til hermunar á hljóðtæknisvið-
inu, eins og best verður á kosið.
Öflug teymi starfsmanna húsbyggingar-
sviðs og byggingarstjórnunar- og eftirlits-
sviðs Hönnunar á lóð nýrrar verslanamið-
stöðvar við Vesturlandsveg. Í forgrunni
eru Pálína Gísladóttir, Ingvar Auðunn
Guðnason og Friðberg Stefánsson.
VERKFRÆÐIRÁÐGJÖF UM HÚSBYGGINGAR
28 F R J Á L S V E R S L U N • 8 . T B L . 2 0 0 6