Frjáls verslun - 01.08.2006, Blaðsíða 31
F R J Á L S V E R S L U N • 8 . T B L . 2 0 0 6 31
D A G B Ó K I N
umframeftirspurn eftir bréfum
í félaginu. Alls óskuðu um
7.400 fjárfestar eftir að kaupa
hluti fyrir um 42 milljarða að
söluverðmæti. Í boði voru hins
vegar aðeins um 65 milljónir
hluta að söluvirði um 1,4 millj-
arðar króna. Vegna mikils
áhuga á hlutafjárútboðinu var
ákveðið að hver fjárfestir fengi
úthlutað að hámarki um 240
þúsund krónum.
Exista var síðan skráð í
Kauphöll Íslands föstudag-
inn 15. september og hækk-
aði gengi bréfa í félaginu í
fyrstu viðskiptum dagsins
um 7% fyrsta daginn. Það
fór úr útboðsgenginu 21,5 í
23,0. Lokaverð bréfa í Exista
þennan fyrsta dag félagsins
í Kauphöllinni var hins vegar
22,6.
14. september
Himinhár hagnaður
Kaupþings vegna
Exista
Kaupþing banki hefur hagn-
ast vel á eign sinni í Exista í
tengslum við skráningu félags-
ins og nemur hagnaðurinn yfir
24 milljörðum króna á þriðja
ársfjórðungi.
Bankinn átti í lok annn-
ars ársfjórðungs, 30. júní, alls
20,9% í Exista.
Kaupþing banki seldi
síðan 10,1% í Exista í þremur
áföngum í ágúst og september,
m.a. í almennu útboði, og inn-
leysti af sölunni um 10,6 millj-
arða króna.
Eftir stendur þá hlutur
Kaupþings banka í Exista upp
á 10,8% og mun óinnleystur
gengishagnaður hans hjá bank-
anum vera kominn í yfir 14
milljarða króna.
Frosti Bergsson.
14. september
Frosti Bergsson
mættur til leiks
Forsti Bergsson, fyrrverandi
stjórnarformaður Opinna kerfa,
er á leiðinni að láta til sín taka
aftur á tölvumarkaðnum. Hann
og Síminn hafa gengið til liðs
við upplýsingafyrirtækið Titan
sem er nýstofnað fyrirtæki.
Það voru nokkrir yfirmenn hjá
Opnum kerfum sem áttu hug-
myndina að stofnun Titans og
settu þeir sig í samband við
sinn fyrrverandi yfirmann um að
koma til liðs við sig.
Sjálfur hefur Frosti sagt
að þörf væri á endurnýjun á
þessum markaði og tækifæri
væru nú fyrir hendi til að byggja
upp öflugt fyrirtæki sem sinnti
stórum viðskiptavinum hér
heima og erlendis. Hann sagði
að vegna mikilla breytinga
á eignarhaldi Opinna kerfa
síðustu misseri hefðu stórir
viðskiptavinir félagsins verið
óánægðir með þá þróun.
Þess má geta að Síminn
og Exista áttu orðið 38% hlut
í Kögun í byrjun ársins og ætl-
uðu sér mikla hluti með Kögun,
eiganda Opinna kerfa. En
Dagsbrún kom svo skyndilega
til sögunnar og náði Kögun af
Símanum með því að kaupa
51% hlut og gera yfirtökutilboð.
15. september
600 milljóna kr. tap
af Magasin du Nord
á þessu ári
Sagt var frá því að Magasin du
Nord hefði opnað nýja verslun
í verslunarmiðstöðinni Field’s í
Kaupmannahöfn. Jón Björnsson,
forstjóri félagsins, sagði í
kjölfarið að velta félagsins
myndi aukast um 5 til 10% við
þetta. Gert er ráð fyrir að tap
Magasin verði um 50 milljónir
danskra króna á rekstrinum á
þessu ári, eða um 600 milljónir
króna. Á næsta ári er gert ráð
fyrir hagnaði, í fyrsta skipti frá
árinu 2000.
15. september
6-föld umfram-
eftirspurn hjá Marel
Sexföld umframeftirspurn var í
hlutabréfaútboði Marels. Í boði
voru 75 milljónir nýrra hluta á
genginu 74 kr. fyrir hvern hlut
og var heildarsöluvirði útboðs-
ins því 5,5 milljarðar króna. Alls
óskuðu fjárfestar eftir að kaupa
hluti fyrir um 35,8 milljarða
króna sem er sexföld umfram-
eftirspurn.
Áhugi fagfjárfesta á félaginu
er hins vegar enn meiri. Í útboð-
15. september
LARS VIÐ SAMA HEYGARÐSHORNIÐ
Lars Christensen, aðalhagfræðingur Danske Bank, er enn við
sama heygarðshornið gagnvart íslensku efnahagslífi. Lars var
annar tveggja höfunda skýrslunnar „Iceland. Geysir Crisis” sem
út kom snemma á árinu og fór fyrir brjóstið á mörgum.
Lars segist ekki geta ráðlagt neinum að nýta sér það í spá-
kaupmennsku að vextir á Íslandi séu orðnir jafnháir og raun ber
vitni, eða 14%, þar sem hættan sé mikil á því að gengi krón-
unnar hrynji.
„Íslenska hagkerfið er í afar miklu ójafnvægi vegna mikils
viðskiptahalla,“ segir Lars við Berlingske Tidende. „Það þýðir að
umfangsmikil leiðrétting blasir við. Annað hvort hrynur íslenska
hagkerfið, eða á því hægist verulega, eða þá að íslenska krónan
hrynur,” segir Íslandsvinurinn Lars Christensen sem kom hingað
til lands í vor í boði Félags viðskiptafræðinga og hagfræðinga.
Lars Christensen á
fundi FVH í vor. Hann
spáir núna hruni
íslensku krónunnar.