Frjáls verslun - 01.08.2006, Blaðsíða 44

44 F R J Á L S V E R S L U N • 8 . T B L . 2 0 0 6
ensku sem fyrsta tungumál í viðskiptum. Rúmlega 99%
stjórnenda segjast tala ensku sem er sennilega mikil breyting
á tiltölulega stuttum tíma. Einnig er athyglisvert að sjá hve
hátt hlutfall stjórnenda talar Norðurlandamál (71%). Þýsku-
kunnátta mælist þónokkur, en 18% stjórnenda talar þýsku.
Einnig mælist frönsku- og spænskukunnátta en í mjög
litlum mæli. Enginn nefndi austur-evrópsk tungumál og
heldur ekki mál Austurlandabúa. Eflaust á það eftir að breytast
á næstu árum. Mikill vöxtur viðskipta er bæði við Kínverja og
Indverja og ekki ósennilegt að einhverjir ungir stjórnendur
muni halda til þessara landa til frekara náms. Aukin umsvif
íslenskra fyrirtækja í austantjaldslöndunum auka líkur á að
t.d. rússneska, pólska og fleiri austur-evrópsk mál muni sjást í
tungumálaforða íslenskra stjórnenda innan tíðar.
Þegar skoðað er hvort einhver munur sé á tungu-
málakunnáttu stjórnenda í einkageiranum og í opinbera
geiranum kemur í ljós að stjórnendur í hinum opinbera
tala Norðurlandamál í mun meira mæli en stjórnendur
einkageirans. Átta af hverjum tíu (80%) í opinbera geir-
anum tala Norðurlandamál á móti sex af hverjum tíu (60%)
úr einkageiranum. Rannsókn, sem KPMG gerði árið 2003,
sýnir hér um bil alveg sömu niðurstöðu. Nánast allir stjórn-
endur í þeirri rannsókn töluðu ensku og þrír af hverjum
fjórum töluðu Norðurlandamál. Þýskan var algengust sem
fjórða tungumál alveg eins og nú.
Mikil fyrirmynd Almennt virðast stjórnendur líta svo á að
framkoma þeirra sé til fyrirmyndar og ýti undir virðingu
þeirra. Þetta er viðhorf þeirra til ímyndar sinnar og væri
fróðlegt að vita hver niðurstaðan yrði ef samstarfsmenn væru
spurðir sams konar spurningar um stjórnendur sína.
Peningar umfram fólkið? Tíundi hver (11%) stjórnandi
segir að hagnaður fyrirtækisins skipti meira máli en líðan
starfsfólks. Þriðjungur (32%) svarar „hvorki né“ og sex af
hverjum tíu (58%) eru ósammála því að hagnaður fyrirtæk-
isins skipti meira máli og segir þ.a.l. að fólkið skipti meira
máli. Þessar niðurstöður gefa tækifæri til túlkunar til beggja
átta. Er það mikið að 11% stjórnenda telji líðan starfsfólks
minna virði en aukinn hagnað fyrirtækisins? Eða er 58% lágt
hlutfall þeirra sem telja líðan starfsfólks skipta meira máli en
hagnaðinn? Hvað á fyrirtæki að ganga langt eða kosta miklu
til að bæta líðan starfsfólks síns? Ekki er hægt að afneita þeirri
staðreynd að ánægður starfsmaður skilar betri vinnu, en að
sama skapi ber fólk alltaf sjálft einhverja ábyrgð á að velja sér
starf þar sem því getur liðið vel.
Kona fremst meðal jafningja Rannveig Rist, forstjóri Alcan
á Íslandi, er oftast nefnd þegar spurt var hvaða stjórnanda
menn hefðu mest álit á. Það er athyglisvert að sjá konu vera
nefnda oftast og skjóta öllum körlunum ref fyrir rass. Rann-
veig fær 10% atkvæða en Jón Sigurðsson, forstjóri Össurar,
er í öðru sæti í kjörinu með rétt rúmlega 7% atkvæða. Fleiri
sem eru nefndir til sögunnar og eru meðal 8 efstu eru Sig-
urður Einarsson í KB banka, Ásdís Halla í Byko, Róbert
Wessmann í Actavis, Þórólfur Árnason í Skýrr og Brynjólfur
Bjarnason hjá Símanum.

S T J Ó R N U N
TUNGUMÁL:
HVAÐA TUNGUMÁL TALAR ÞÚ FYRIR UTAN ÍSLENSKU?
Samkvæmt könnuninni
telja íslenskir
stjórnendur að reynsla
nýtist mun betur í starfi
en menntun.