Ægir - 01.09.2001, Blaðsíða 9
9
F R É T T I R
Góð
kolmunnaveiði
Aldrei áður hafa íslensk skip landað jafn
miklum kolmunna hér á landi og erlend-
is og á þessari vertíð. Samkvæmt upplýs-
ingum Samtaka fiskvinnslustöðva þann
24. október höfðu íslensk skip landað
samtals um 273 þúsund tonnum af
kolmunna hér á landi og þá höfðu þau
fært tæp tíu þúsund tonn á land í Fær-
eyjum. Þennan sama dag höfðu erlend
skip landað hér um 40 þúsund tonnum
af kolmunna og því var samtals búið að
landa rúmlega 310 þúsund tonnum hér á
landi, sem þýðir að þetta er langbesta
kolmunnavertíðin til þessa.
Á meðfylgjandi mynd Þorgeirs Bald-
urssonar er Ragnar K. Jóhannsonn,
kampakátur skipverji á Hörpu VE á
kolmunnaveiðum.
Smábátasjó-
menn stofna
kvótakaupasjóð
Á aðalfundi Landssambands smábáta-
eigenda sem var haldinn á dögunum var
meðal annars samþykkt að stofna sér-
stakan kvótakaupasjóð.
Arthur Bogason, formaður LS, varpaði
því fram í ræðu sinni við upphaf aðal-
fundarins að stofna slíkan sjóð og fé-
lagsmenn tóku hann á orðinu eftir um-
fjöllun um málið í nefnd. Bróðurpartur
smábátasjómanna var samþykkur mál-
inu, fjórir greiddu því mótatkvæði.
Hugmyndin með kvótakaupasjóði
smábátamanna er einfaldlega að kaupa
veiðiheimildir fyrir þá sem gerast aðilar
að sjóðnum.
Vélaverkstæðið Þór í Vestmannaeyjum:
Framleiðir risavaxnar
loðnuskiljur
Vélaverkstæðið Þór í Vestmannaeyjum er rótgróið fyrirtæki og þekkt fyrir að þjóna
sjávarútveginum og fiskvinnslunni á ýmsa lund. Meðal þess sem Vélaverkstæðið Þór
hefur komið að er framleiðsla á loðnuskiljum og Sigmund losunarbúnaðinum fyrir
björgunarbáta. Tólf starfsmenn eru hjá fyrirtækinu.
„Við teljum að loðnuskiljan sem við höfum verið að smíða sé mjög afkastamikil og
góð. Þessar skiljur þykja það góðar að meira að segja loðnubræðslurnar hafa mælt með
þeim, enda seltumagnið í aflanum ekki eins mikið og með öðrum skiljum. Nánast allur
Eyjaflotinn er með þessar skiljur og þær eru um borð í töluvert fleiri skipum. Við smíð-
uðum skiljur í nýja Hugin VE og Ingunni AK og ég veit að reynslan af þeim er góð,“ sagði
Jósúa Steinar Óskarsson hjá Vélaverkstæðinu Þór. „Ég lét einhvern tíma þau orð falla að
loðnuskiljan um borð í Ingunni sé sú stærsta í heiminum og ég hugsa að það sé ekki
langt frá lagi, hún er um tuttugu og fjórir fermetrar að stærð,“ sagði Jósúa.
Eins og menn vita hefur Sigmund sleppibúnaðurinn fyrir löngu sannað sig og segir
Jósúa að menn horfi til þess að framleiða hann fyrir utanlandsmarkað og er sérstaklega
verið að skoða með mögulega sölu til Færeyja. Málið er þó enn í skoðun og of snemmt
að segja til um hvort eitthvað kemur út úr því.
„Þessa dagana erum við að vinna að ýmsum verkefnum hérna í Eyjum. Til dæmis höf-
um við verið að vinna fyrir Íslensk matvæli og einnig höfum við komið að uppbyggingu
Ísfélagsins,“ sagði Jósúa og bætti við að fyrirtækið hafi sótt sér verkefni upp á land,
meðal annars hafi verið unnið að ákveðnum verkefnum fyrir álverið í Straumsvík.