Ægir - 01.09.2001, Blaðsíða 33
33
H L Ý R A E L D I
Nýju hlýrakerfin hafa óvenjulega lögun. Þau eru átta metra löng, tveggja metra
breið og dýpt þeirra er aðeins 60 sentímetrar.
Ætla má að það
taki rúm þrjú ár
að ala hlýrann
upp í sláturstærð.
Í kerin er dælt ferskum sjó með nýjum og öflugum dælubúnaði.
því að byggja upp aðstöðu til
hlýraeldis og rannsókna í gamla
hraðfrystihúsi Síldarvinnslunnar,
en það húsnæði hefur nú lokið
sínu hlutverki sem slíkt og verið
leyst af hólmi af nýrri og glæsi-
legri vinnslustöð fyrirtækisins.
Fimm kerjum verður komið fyrir
í húsinu og í þau dælt ferskum sjó
með nýjum og afkastamiklum
dælubúnaði. Þar verður einnig
komið upp aðstöðu til hrygningar
og seiðaeldis. Hlýrakerin eru
talsvert óhefðbundin að lögun og
ekki hringlaga eins og venjan er
um fiskeldisker, heldur ílöng 8x2
metrar og aðeins 60 sentimetra
djúp. „Þetta helgast af því að
hlýrinn er botnfiskur og þarf tals-
vert flatarmál og í raun er mikill
kostur að komast af með svo
grunn ker. Kerin eru íslensk
framleiðsla og smíðuð fyrir okkur
hjá Trefjum í Hafnarfirði. Það
verða tvö tonn af hlýra í hverju
keri,“ segir Sindri og reiknar með
að þau verði tilbúin til notkunar
um næstu mánaðarmót.
Mjög hagstæður
eldisfiskur
Hlýrahrogn eru á stærð við laxa-
hrogn, hlutfallslega mjög stór og
mun stærri en þorskhrogn, en
hver hrygna gefur af sér 5-6000
hrogn. „Þau seiði sem komast á
legg eru mjög fljót að taka við sér
og fljótlega er hægt að fara að gefa
þeim þurrfóður, ólíkt þorskseið-
um. Fyrir vikið fást stærri og
sterkari einstaklingar og þetta
gerir hlýrann einstaklega hag-
stæðan til eldis. Það tekur um
fjörutíu mánuði að ala fiskinn í
sláturstærð, eða þegar hann hefur
náð um fimm kílóum. Norð-
menn hafa reyndar náð þessu á
skemmri tíma og komist niður í
32 mánuði,“ segir Sindri og hann
segir aðstæður til hlýraeldis hér á
landi mjög góðar. „Þar skiptir
hitastigið höfuðmáli, en hlýrinn
þrífst best í köldum sjó og hita-
stigið má ekki fara yfir tíu gráður.
Kjörhitastigið er á bilinu fjórar til
átta gráður.“
Hrygningin helsta
vandamálið
Hrygningin og klakið er sá þáttur
sem erfitt hefur reynst að ná tök-
um á þar sem gerðar hafa verið til-
raunir með hlýraeldi. „Það eru
mjög mikil afföll í hrognunum og
þetta hefur reynst þröskuldur í
hlýraeldinu og verður helsta rann-
sóknarefnið hjá okkur. Hrygn-
ingarferlið er stutt, en fiskurinn
hrygnir innan við sex tímum eftir
að einkenna verður vart. Mjög
áríðandi er að vakta fiskinn á
meðan á hrygningu stendur því
annars er hætta á að hrognin glat-
ist. Norðmenn fara þá leið að
kreista hrognin úr fiskinum, en á
þessu hefur ekki fundist nein
patentlausn. Eftir að hrygningu
lýkur líða síðan þrír til fjórir mán-
uðir þar til hrognin klekjast út.
Ferlinu er nokkuð hægt að að
stýra með lýsingu og skapa
þannig rétta umhverfið og í raun
að búa til hrygningatímabil.
Þetta gæti jafnvel orðið eins og
sauðburður hjá bændum,“ segir
Sindri.
90 milljónum króna
varið í verkefnið
„Allt verður þetta gert í tilrauna-
skyni og tilgangurinn er að
stunda rannsóknir og kanna
möguleikana á því að koma upp
arðsömu hlýraeldi. Áformað er að
veita um 90 milljónum króna til
þessa verkefnis á næstu þremur til
fjórum árum og öðlast á þeim
tíma reynslu og þekkingu. Að
þeim tíma liðnum á að liggja fyr-
ir hvort grundvöllur er til áfram-
haldandi starfsemi,“ segir Sindri
Sigurðsson.
Viðtal: Ágúst Ólafsson
Myndir:
Ari M. Benediktsson.