Ægir - 01.09.2001, Blaðsíða 16

Fiska- og náttúrugripasafnið í
Vestmannaeyjum á sér langa
sögu. Það var stofnað árið 1964 að
frumkvæði Guðlaugs Gíslasonar,
fyrrverandi bæjarstjóra og alþing-
ismanns. Guðlaugur fól Friðriki
Jessyni að byggja safnið upp og
tók hann m.a. að sér að stoppa
upp stærstan hluta þeirra fugla,
fiska og annarra dýra sem eru í
safninu.
Safninu er skipt í þrennt. Í
fyrsta lagi er í því steinasafn, í
öðru lagi fuglasafn og í þriðja lagi
fiskasafn þar sem bæði gefur að
líta uppstoppaða fiska og lifandi
fiska.
16
V E S T M A N N A E Y J A R
Kristján Egilsson,
forstöðumaður Fiska- og
náttúrugripasafnsins í
Vestmannaeyjum.
Fiska- og náttúrugripasafnið í Vestmannaeyjum sótt heim:
Um fimmtíu tegundir af lifandi
fiskum og krabbategundum
Fiska- og náttúrugripasafn Vestmannaeyja er trúlega einn af fjölsóttari
ferðamannastöðum í Eyjum. Um átta þúsund manns koma árlega í safn-
ið, langflestir yfir sumarmánuðina. Kristján Egilsson, forstöðumaður
safnsins, telur að bróðurpartur þeirra innlendu og erlendu ferðamanna
sem sækja Vestmannaeyjar heim komi í safnið.
Þorskurinn lætur fara vel um sig.
Myndir: Óskar Þór Halldórsson.