Ægir - 01.09.2001, Blaðsíða 40
40
F R É T T I R
Um síðustu mánaðamót voru fyr-
irtækin Ísfell hf. og Netasalan ehf.
sameinuð undir nafninu Ísfell-
Netasalan ehf. og þar með verður
til mjög öflugt þjónustufyrirtæki
við sjávarútveginn. Gert er ráð
fyrir að starfsemi fyrirtækjanna
verði komin undir eitt þak að
Fiskislóð 14 í Reykjavík um
næstu áramót. Viðskiptavinir
munu áfram njóta þjónustu sama
starfsfólks og stjórnendur verður
þeir sömu, Hólmsteinn Björnsson
framkvæmdastjóri, Daníel Þórar-
insson markaðsstjóri og Pétur
Björnsson stjórnarformaður.
„Með sameiningu fyrirtækjanna
viljum við ná fram aukinni hag-
ræðingu og geta boðið viðskipta-
vinum okkar betri þjónustu. Við
viljum geta boðið allar útgerðar-
vörur á einu bretti. Með því að
sameina þessi tvö fyrirtæki, sem
bæði hafa sérhæft sig að nokkru
leyti, teljum við okkur geta staðið
vel að vígi í þjónustu við bæði
togara- og bátaflotann. Við höfum
í raun á boðstólum allt það sem
menn þurfa í sambandi við veiðar-
færi, búnað á dekki, fatnað o.fl.
Þær vörur sem þessi tvö fyrirtæki
hafa verið með skarast óverulega,
en mér sýnist nokkuð ljóst að eft-
ir sameiningu verðum við með
mjög breitt vöruúrval,“ sagði
Daníel Þórarinsson. Hann sagði
að Ísfell-Netasalan haldi öllum
þeim helstu umboðum sem fyrir-
tækin voru áður með. Nefna má
Bridon víra, Parsons keðjur og
lása, Kuplex hífikeðjur og króka,
Euronet trollnet, Panther Plast
trollkúlur, Morgére toghlera,
Quintas & Quintas snurrvoða-
manillu, Pelters bobbinga, King
Chou net, Thai Nylon net,
Meydam netaniðurleggjara, Dyr-
korn sigurnaglalínur, og Mustad
króka. Meðal innlendra samstarfs-
aðila má nefna: Hampiðjuna,
Sæplast, Dregg, Ósey, Vélsmiðj-
una Foss, Vélsmiðjuna Loga, Fjól-
mund Fjólmundsson, Plastmót-
un, Ísgogga og Anton Helgason.
„Við munun leggja höfuð-
áherslu á að standa undir þeirri
fullyrðingu að viðskiptavinir okk-
ar geti fengið allt á einu bretti til
útgerðar hjá fyrirtækinu. Við
munum að sjálfsögðu halda áfram
þeim ströngu gæðakröfum, sem
bæði fyrirtækin hafa unnið eftir.
Það er mitt mat að bæði gömlu
fyrirtækin hafi verið vel kynnt á
markaðnum og átt góða og trygga
viðskiptavini. Með góðu og
reynslumiklu starfsfólki vonumst
við til að geta þjónað þessum við-
skiptavinum áfram undir samein-
uðu nafni. Við höfum kynnt þessa
sameiningu undir slagorðinu
„Tveir góðir - betri saman“ og
teljum að þetta segi allt um það
sem við erum að gera. Við lítum
svo á að við séum betur í stakk
búin til þess að þjóna viðskipta-
vinum eftir en áður,“ sagði Daní-
el. Þórarinsson.
Ísfell og Netasalan
hafa sameinast
- undir nafninu Ísfell-Netasalan ehf.
Hólmsteinn Björnsson,
framkvæmdastjóri Ís-
fells-Netasölunnar hf.
og Daníel Þórarinsson,
markaðsstjóri hins
nýja fyrirtækis.
Mynd: Sverrir Jónsson.