Ægir - 01.09.2001, Síða 17

Fuglasafn
Í fuglasafninu eru flestir íslensku
varpfuglarnir uppsettir og fjöldi
svokallaðra flækingsfugla. Og at-
hygli vekur að þarna er líka að
finna egg því sem næst allra ís-
lensku varpfuglanna. Meðal
merkilegra fugla í safninu er
aldökk langvía, sú eina sem vitað
er um í heiminum. Í Vestmanna-
eyjum er talið að um sjötíu fugla-
tegundir verpi, þar af eru sjófugl-
arnir mest áberandi. Þrjár fugla-
tegundir er talið að hafi ekki
verpt annars staðar á landinu en í
Eyjum. Þetta eru skrofa, litla-sjó-
svala og stóra-sjósvala.
Steinasafn
Steinasafnið í Fiska- og náttúru-
gripasafninu í Vestmannaeyjum
er gjöf hjónanna Unnar Pálsdótt-
ur og Sveins Guðmundssonar á
Arnarstapa í Eyjum til Vest-
mannaeyjabæjar og var bæjarfé-
laginu falin umsjón með safninu
árið 1986. Án vafa má fullyrða að
þetta safn er eitt af merkustu
söfnum í einkaeign hér á landi og
var gjöf þeirra hjóna því mikill
fengur fyrir Fiska- og náttúru-
gripasafnið. Í safninu eru á annað
þúsund íslenskir steinar og voru
þeir fengnir víða að af landinu.
Sérstaklega fallega geislasteina
eða zeolíta er að finna í safninu og
mörg önnur sjaldséð steinaaf-
brigði.
Fiskasafnið
Kristján Egilsson, safnvörður,
segir engan vafa leika á því að
fiskasafnið hafi hvað mest aðdrátt-
arafl á fólk, ekki síst sá hluti
safnsins þar sem eru lifandi fiskar,
en lengi vel var Fiska- og náttúru-
gripasafnið í Eyjum eina safnið
hér á landi þar sem fólk gat séð
lifandi fiska. Kristján segir að
nærri láti að um fimmtíu tegund-
ir af lifandi fiskum og krabbateg-
undum séu í safninu. Fiskunum
og kröbbunum hefur verið komið
fyrir í tólf kerjum og þar geta
gestir fylgst vel með atferli þeirra.
Í kerjunum er sex stiga heitur sjór
sem dælt er úr 30 metra djúpri
borholu rétt hjá safnhúsinu.
Kristján safnvörður segir
ánægjulegt til þess að vita að
margir sjómenn í Eyjum hugsi
hlýtt til safnsins og færi því bæði
sjaldgæfa lifandi og dauða fiska.
Einnig fái hann oft upphringing-
ar víða að af landinu ef á fjörur
manna reki sjaldgæfir fiskar.
Þetta segist Kristján kunna vel að
meta og hann hvetur fólk til þess
að láta áfram í sér heyra ef það veit
af einhverjum furðufiskum sem
safnið kynni að hafa not fyrir.
Eins og áður segir er einnig að
finna marga athyglisverða upp-
stoppaða fiska í Fiska- og náttúru-
gripasafninu í Eyjum. Þar má
nefna til sögunnar sjaldséða fiska
eins og Lúsífer, Sædjöful og
Surtlu, en allt eru þetta djúpsjáv-
arfiskar sem halda sig að jafnaði á
1-2 þúsund metra dýpi.
Þrengir að starfseminni
Vestmannaeyjabær á og rekur
Fiska- og náttúrugripasafnið í
Eyjum með styrk frá ríkinu. Safn-
ið er til húsa á efri hæð að Heiðar-
vegi 12, í sama húsi og Slökkvi-
stöðin. Eins og svo oft er með
hérlend söfn setja þrengsli mark
sitt á safnið og því hefur það ekki
náð að þróast eins og æskilegt er.
Kristján Egilsson, safnstjóri, segir
vissulega mikla þörf á því að
stækka húsnæðið, en slíkt sé ekki
í sjónmáli í augnablikinu, hvað
sem síðar kunni að verða.
17
V E S T M A N N A E Y J A R
Furðu lostinn steinbítur glápir á ljósmyndarann. Kristján safnvörður er hér að gantast við steinbítana.
Margir sérkennilegir
uppstoppaðir fiskar
eru í Fiska- og
náttúrugripasafni
Vestmannaeyja.