Ægir - 01.09.2001, Blaðsíða 25
25
V E S T M A N N A E Y J A R
þjóðarinnar. Þannig að ef einhvers
staðar er mikið að gera í sjávarút-
veginum, þá er það hér.“
Arnar ítrekar að hann finni
greinilegan mun á andanum í
bænum nú og í ársbyrjun þegar
Vestmannaeyingar voru eðlilega
ennþá að sleikja sárin eftir stór-
brunann í Ísfélaginu.
Vertíðabær
Óvíða á landinu er atvinna starfs-
fólk í sjávarútvegi jafn vertíðar-
bundin og í Vestmannaeyjum.
Þegar einni vertíðinni lýkur tekur
önnur við og þá standa menn
vaktina svo lengi sem þarf.
Loðnuvertíðin er uppgripstími í
Eyjum, sömuleiðis síldin í nóv-
ember og fram yfir áramót og svo
humarvertíðin. Vestmannaeying-
ar eru vanir þessari vertíðarhring-
iðu og alltaf er jafn mikið fjör
þegar vel gengur. Drekkhlaðin
skipin á leið til hafnar eru í flest-
um tilfellum ávísun á þyngri
pyngju. „Meðaltekjur eru nokkuð
háar hér í Vestmannaeyjum, m.a.
vegna margra sjómanna sem hér
eru búsettir. Ástæðan er líka sú að
fólk vinnur mjög mikið. Sam-
kvæmt tölulegum upplýsingum
hafa meðaltekjur giftra kvenna
lengi verið hæstar hér í Eyjum,“
sagði Arnar
Öflug sjávarútvegsfyrir-
tæki
Arnar sagði að í Vestmannaeyjum
væru mörg stór og öflug fyrir-
tæki, þeirra stærst er Vinnslu-
stöðin. „Það eru ekki mörg ár síð-
an Vinnslustöðin sagði upp um
170 manns og staða fyrirtækisins
var alvarleg. En úr hefur ræst og
það mætti segja mér að Vinnslu-
stöðin hafi aldrei verið öflugri en
einmitt nú. Fólk sem þar starfar
finnur fyrir festu og upplifir
ákveðið öryggi, sem er mjög mik-
ilvægt. Hvað Ísfélagið varðar, þá
vona ég að botninum hafi verið
náð og það nái góðu flugi á ný,“
sagði Arnar.
Því verður ekki á móti mælt að
á undanförnum árum hafa at-
vinnurekendur verið að fækka
fólki í sjávarútvegi, en þegar birt-
ir aftur yfir greininni eins og virð-
ist vera að gerast um þessar
mundir, vantar fólk til starfa í
fiskvinnslu. Þetta á ekki síst við
um stað eins og Vestmannaeyjar
þar sem eins og áður segir hver
vertíðin rekur aðra. „Á vertíðun-
um þegar fólk hefur vantað til
starfa hjá stóru sjávarútvegsfyrir-
tækjunum má segja að málin hafi
verið leyst með því að færa vinnu-
afl í bænum tímabundið til. Á ró-
legsta tíma ársins er hér ekki
nógu mikið að gera og því hefur
ekki þótt rétt að fá erlendan
vinnukraft í toppana á vertíðun-
um. Þess í stað hefur fólk hér
heima leyst málin og unnið það
sem þarf að vinna,“ sagði Arnar.
Fólk að snúa heim aftur
Ef horft er til byggingaiðnaðarins
í bænum segir Arnar G. Hjaltalín
að þónokkuð hafi verið að gera að
undanförnu. Töluverð umsvif hafi
verið í kringum endurbyggingu
Ísfélagsins og síðan hafi íþrótta-
hús verið í smíðum. Sömuleiðis
hafi það gerst að íbúðir hafi verið
byggðar í Eyjum eftir langt
stopp. „Já, það er rétt að sam-
kvæmt tölum Hagstofunnar hefur
fólki hér verið að fækka. En hins
vegar er rétt að hafa í huga að
hingað er fólk líka að flytja, ekki
síst af höfuðborgarsvæðinu. Þar er
eins og menn vita farið að verða
vart við töluverðan samdrátt í at-
vinnulífinu og þá flytur fólk út á
land. Í sumum tilfellum höfum
við verið að endurheimta Eyja-
menn frá Reykjavík sem eru
hreinlega búnir að gefast upp á
því að búa þar vegna meðal annars
hversu hátt fasteignaverðið er,
bílakostnaðurinn hár o.s.frv. Fast-
eignaverð hér er mun lægra en á
höfuðborgarsvæðinu og fjarlægðir
í vinnu og aðra þjónustu eru allt
aðrar en í Reykjavík. Á þetta er
fólk farið að horfa meira en áður,“
sagði Arnar.
Þarf að fjölga ferðum
Herjólfs
Arnar viðurkennir hins vegar að
mínusinn við Vestmannaeyjar sé í
margra augum sá að eðli málsins
samkvæmt sé byggðarlagið af-
skekkt, þó svo að bæði sé haldið
uppi daglegum samgöngum í
lofti og á sjó við eyna. „Það er
mjög dýrt að fljúga milli lands og
Eyja og hinn venjulegi launamað-
ur hefur ekki efni á því nema í
undantekningatilfellum. Þetta
hefur þýtt að flutningar með
Herjólfi hafa stóraukist. Til
marks um það var uppselt í rými
á bíladekki í 71 ferð af 147 ferð-
um síðastliðið sumar. Það segir
sig sjálft að fjölskyldur fara ekki í
frí héðan frá Eyjum nema að taka
bílinn með sér. Staðreyndin er sú
að um þriggja vikna skeið sl.
sumar var illmögulegt að komast
með skömmum fyrirvara með bíl
frá Eyjum vegna þess að það var
einfaldlega fullbókað. Þetta er
auðvitað afar slæmt ástand og það
verður að auka ferðatíðni Herjólfs
næsta sumar til þess að anna eftir-
spurn. Síðastliðið sumar voru
tvær ferðir fjóra daga í viku, en
það er bara ekki nóg. Um helgar
yfir hásumarið verður að fjölga
ferðunum upp í þrjár, sem þýðir
að skipið verður í raun að vera í
ferðum sem næst allan sólarhring-
inn. Þetta er mikið hagsmunamál
fyrir okkur og því má ekki
gleyma að Herjólfur er okkar
þjóðvegur,“ sagði Arnar G.
Hjaltalín.
Arnar G. Hjaltalín
segir að síðastliðið
sumar hafi Herjólfur
ekki annað eftirspurn.
Næsta sumar sé mikil
þörf á því að fjölga
ferðum skipsins.
Á þessari mynd er
Herjólfur að sigla inn
í Vestmannaeyjahöfn.