Ægir - 01.09.2001, Blaðsíða 24

24
V E S T M A N N A E Y J A R
En þrátt fyrir þessa yfirlýsingu
hefur bolfiskvinnslunni verið
haldið áfram, þó ekki í sama mæli
og áður, sem ég tel að megi rekja
meðal annars til hagstæðrar geng-
isþróunar,“ segir Arnar G. Hjalta-
lín, formaður Drífandi stéttarfé-
lags í Vestmannaeyjum.
Góðar horfur í
sjávarútveginum
„Þegar á allt er litið rættist vel úr
atvinnuástandinu í bænum eftir
brunann þó svo að fólk sé hér enn-
þá á atvinnuleysisskrá. Menn
sýndu mikinn samtakamátt við
þessar erfiðu aðstæður. Mér þykir
rétt í þessu sambandi að það komi
fram að Atvinnuleysistrygginga-
sjóður tók vel á málum og sömu-
leiðis Páll Pétursson, félagsmála-
ráðherra. Hann kom hingað til
Eyja, kynnti sér stöðu mála vel og
lagði sig fram um að taka á þeim.
Fyrir þessa aðstoð erum við þakk-
lát,“ segir Arnar.
Nýlega tók til starfa símasvör-
unarfyrirtæki í Vestmannaeyjum,
sem gat boðið fólki vinnu sem
ekki hefur af ýmsum ástæðum
getað unnið í fiski. „Einnig er
stutt síðan Íslensk matvæli hófu
framleiðslu hérna í Eyjum og á
næsta ári má búast við aukinni
starfsemi hjá því fyrirtæki þegar
búið verður að koma fyrir
reykofnum. Ég veit líka til þess að
fljótlega hefur ný fiskvinnsla
rekstur hér og þar munu skapast
ný störf,“ sagði Arnar. Hann sagði
að sterk kvótastaða sjávarútvegs-
fyrirtækja í Eyjum, ekki síst í
uppsjávarfiski, gerði það að verk-
um að menn horfðu nokkuð bjart-
sýnir fram á veginn. „Ég hygg að
við eigum rétt um 12% af heild-
arkvótanum en Vestmannaeying-
ar eru hins vegar innan við 2%
Séð yfir hluta
byggðarinnar í
Vestmannaeyjum.
Menn hafa sýnt samtaka-
mátt við erfiðar aðstæður
- segir Arnar G. Hjaltalín, formaður Drífandi stéttarfélags í Eyjum
„Fyrst eftir brunann í Ísfélaginu var óneitanlega töluvert vonleysi með-
al fólks hér í Eyjum, en það hélt þó í vonina um að það yrði ráðist í upp-
byggingu á nýjan leik. Fólki létti því töluvert þegar ákvörðun stjórn-
enda Ísfélagsins um endurbyggingu lá fyrir, en síðan kom aftur bakslag
þegar gefin var út sú tilkynning að bolfiskvinnsla Ísfélagsins yrði ekki
byggð upp eins og hún var fyrir brunann.
Arnar G. Hjaltalín,
formaður Drífandi
stéttarfélags í
Vestmannaeyjum.
Myndir: Óskar Þór Halldórsson.