Ægir - 01.03.2004, Síða 30

30
S K I PA S K O Ð U N
Á vefsíðu Skipaskoðunar kemur
fram að tilgangur fyrirtækisins sé
að „koma til móts við og uppfylla
þarfir viðskiptavina og vera leið-
andi í að koma skipaskoðunar-
þjónustu á Íslandi til nútímans.
Markmið fyrirtækisins er að upp-
fylla þarfir viðskiptavina á fram-
úrskarandi hátt og veita þeim
þjónustustig sem þeir hafa ekki
átt að venjast hingað til. Auk þess
er stefnt að samkeppnishæfri
verðlagningu og ávallt verður
leitað leiða til að gera hana sem
hagstæðasta viðskiptavinum.“
Skoðunarmenn Skipaskoðunar
ehf. búa yfir mikilli reynslu á
þessu sviði. Stefán Guðsteinsson,
skipatæknifræðingur, er fram-
kvæmdastjóri og skoðunarstjóri
er Kristján Þórðarson, fyrrverandi
skipaskoðunarmaður Siglinga-
stofnunar, sem einnig hefur starf-
að hjá Siglingastofnun sem raf-
magnstæknifræðingur. Aðrir
starfsmenn eru Guðgeir Svavars-
son frá Akranesi, sem er meistari í
skipasmíði og hefur jafnframt
trefjaplastréttindi, Guðjón Arn-
grímsson sér um búnaðarskoðun
og radioskoðun, Bergur Bergsson
annast véla- og radioskoðun og
Hallgrímur Guðsteinsson sér um
vélaskoðun. Skipaskoðun ehf. er
til húsa að Skútahrauni 2 í Hafn-
arfirði.
Stefán segir að sér hafi ekki
komið á óvart að smábátafélög
hafi ákveðið að bjóða sameigin-
lega út skipaskoðun. Hann telur
að útkoma úr þessum útboðum
muni skerpa línurnar í skipaskoð-
uninni, ekki sé við því að búast
að þessi markaður sé nægilega
stór fyrir fjögur skoðunarfyrir-
tæki. Stefán segir að um sé að
ræða skoðun á skipum og bátum
upp að 400 brúttótonnum, sem
samtals eru um 2.200 talsins.
Skipaskoðun mun í framtíðinni
annast skoðanir á hreinlæti og
búnaði í fiskiskipum. Verða þess-
ar skoðanir gerðar af skipaskoð-
unarmönnum um leið og aðrar
skoðanir fara fram.
„Ég er ágætlega bjartsýnn á
þetta, enda höfum við fengið
ágætis undirtektir,“ segir Stefán.
„Erum með eigið
gæðaskoðunarkerfi“
segir Stefán Guðsteinsson, framkvæmdastjóri Skipaskoðunar ehf.
„Við erum að fara inn í flóknara umhverfi en
áður varðandi skoðun báta. Við leggjum
áherslu á að gera gæðaúttekt á okkar eigin
skoðunarmönnum til þess að unnt sé að
tryggja að þjónustan sé alltaf sem allra best.
Við erum því að koma upp okkar eigin gæða-
stjórunarkerfi og koma á fót gæðahandbók
sem unnið verður eftir,“ segir Stefán Guðsteins-
son, framkvæmdastjóri Skipaskoðunar ehf.