Ægir - 01.03.2004, Page 34
34
F R É T T I R
Venju samkvæmt sótti fjölmenni Skrúfudag Vélskóla Íslands og
kynningadag Stýrimannaskólans í Reykjavík sem haldinn var á
dögunum. Líðandi vetur er hinn fyrsti sem skólarnir í hinu
virðulega húsi við Háteigsveg eru reknir af Menntafélaginu ehf.
og gat fólk kynnt sér hvernig hinir nýju aðilar standa að rekstr-
inum. En einnig ýmsa möguleika sem bjóðast í námi vélfræð-
inga og skipstjórnarmanna.
Gestir kynntu sér meðal annars hvernig siglinga- og vélherm-
ar sem skólinn hefur til notkunar starfa og í kennslustofum
kynntu nemendur námsefni sitt og lærdóm í því að standa vakt-
ina til sjós. Þá voru ýmis félagasamtök og fyrirtæki sem starfa í
tengslum við við sjávarútveginn með kynningu á starfsemi sinni
og þjónustu.
Texti og myndir: Sigurður Bogi Sævarsson.
Fjölmenni á Skrúfudegi
Í turninum - Vítt og breitt sér yfir úr turni Sjómannaskólans og
margir virtu útsýnið þaðan fyrir sér. Guðmundur Hallvarðsson al-
þingismaður með barnabörnunum Karen og Guðmundi Ágústi
Kristjánsbörnum.
Strákar í stýrimannadeild - Sægarpar sem stefna á annað stigið í Sjómannaskólan-
um. Eyjólfur Bjarnason frá Húsavík, Guðmundur Ingi Guðmundsson úr Vestmannaeyj-
um og Sigurður Grétar Guðmundsson frá Akureyri lengst til hægri.
Bókasafnið - Helga Nikulásdóttir bókavörður kynnir safnkostinn fyrir Páli Páls-
syni veitustjóra á Sauðárkróki, Páli Ragnari syni hans og Ágúst Kárasyni.
Gullmolar - Helga Nikulásdóttir með einn gull-
molann sem til er á bókasafninu; sjómannaalm-
anak frá 1914.
Á heimavistinni - Árni Bjarnason formaður FFSÍ
skoðaði gamla herbergið sitt á heimvistinni, en
það er nú orðið að skrifstofu bókavarðar. Hann
sýndi herbergið Steinunni Sigurðardóttur, eigin-
konu sinni.
Þrír vélfræðingar - Allir úr sömu fjölskyldu og
eru vélfræðingar. Frá vinstri; Freysteinn Þórðar-
son, dóttursonurinn Brynjar Þór Pétursson og
loks tengdasonurinn Pétur Unnsteinsson, faðir
Brynjars.
Vörukynning - Meðal fyrirtækja sem kynntu
starfsemi sína og framleiðslu á Skrúfudeginum
var Barkasuða Guðmundar í Kópavogi. Fulltrúar
þess voru þeir Rúnar Jakobsson, til vinstri, og
Birgir Guðmundsson.
Setið yfir sjókortinum - Andri Leifsson er áhugasamur sjómannaskóla-
nemi. Situr hér við sjókort og siglingatæki.