Ægir - 01.06.2005, Síða 30

30
L A X V E I Ð I
Samkvæmt veiðitölum skilar
lax, sem dvelur lengur í sjó en tvö
ár, sér með minnsta móti til baka
í árnar og hafa vísindamenn bent
á þá hættu sem þetta ástand geti
skapað hvað varðar erfðabreyti-
leika laxastofna. Þess vegna er það
mat veiðifélaga að beri að gæta
varúðar í umgengni við nýtingu á
laxi.
Áhyggjufullir veiðimenn
Margoft hafa komið fram áhyggj-
ur veiðifélaga af mögulegri
blöndun norskra eldislaxa við
hinn villta íslenska laxastofn.
Þessi mál voru tekin upp á aðal-
fundi Landssambands veiðifélaga.
Í samþykkt fundarins er minnt á
að nauðsynlegt sé að hafa öflugt
eftirlit með eldi norskra laxa í sjó.
„Sá stutti tími sem liðinn er frá
því að stórfellt sjókvíaeldi hófst
við strendur landsins getur ekki
talist marktæk reynsla á það í
hvaða mæli laxar sleppa úr kvíum
og hvort þeir koma til með að
ganga til hrygningar í laxveiði-
árnar og blandast staðbundum
stofnum. Fundurinn skorar á
landbúnaðarráðherra að nýta
heimildir í lögum til að setja
reglur um stærðarmörk eldis á
þeim svæðum þar sem heimilt er
að ala lax í kvíum,“ segir í sam-
þykkt aðalfundar Landssambands
veiðifélaga og jafnframt er ítrek-
uð nauðsyn þess að vinna að þró-
un geldstofns laxa ef leyfa eigi
eldi framandi laxastofna í hafinu
við landið. „Tjón sem verður af
völdum erfðamengunar eldislaxa í
íslenskum ám verður ekki bætt.
Minnt skal á að hlunnindi af laxi
eru tugmilljarða virði og að eldis-
fyrirtækjunum er ekki gert skylt
að taka tryggingar til að bæta það
tjón sem þau kunna að valda að
þessu leyti með starfsemi sinni,“
segir ennfremur í samþykkt aðal-
fundarins.
Þarf að auka rannsóknir
Á aðalfundi Landssambands
veiðifélaga var einnig rætt um
nauðsyn þess að auka fjárframlög
til rannsókna og þróunarstarfs á
fiskistofnum í ám og vötnum og
var í því sambandi bent á að á ár-
inu 2004 hafi Hagfræðistofnun
Háskóla Íslands tekið saman viða-
mikla skýrslu um verðmæti
stangveiði í ám og vötnum, sem
hafi leitt í ljós að um 55 - 60 þús-
und Íslendingar stundi stangveiði
í ám og vötnum og að hingað
sæki um 5 þúsund erlendir veiði-
menn árlega. Heildarvelta auð-
lindarinnar sé um 7 milljarðar á
ári og beint árlegt framlag hennar
á milli 2,6 og 3,2 milljarðar.
Í landinu eru um 2000 veiði-
réttarhafar sem eiga aðild að
veiðifélögum. Flestir veiðiréttar-
hafar eru bændur. Á Vesturlandi
eru tekjur þeirra taldar um helm-
ingur af heildartekjum landbún-
aðar.
Samkvæmt niðurstöðum Veiði-
málastofnunar er líffræðileg staða
lax- og silungastofna almennt í
góðu lagi hér á landi og nýting
innan þeirra marka að hún geti
talist sjálfbær. Hins vegar telur
stofnunin að stöðug fækkun stór-
laxa sé áhyggjuefni, enda komi
hún niður á hrognafjölda og geti
til lengri tíma litið leitt til þess
að hrygning verði takmarkandi
þáttur varðandi stofnstærð og af-
komu laxastofna.
Stangveiðimenn eru
sem fyrr áhyggjufullir
yfir mögulegri blöndun
norska eldislaxins við
villta íslenska laxinn.
Landssamband veiðifélaga:
Kallar eftir virku eftirliti
með eldi norskra laxa
Á undanförnum árum hefur verið mikil um-
ræða um nauðsyn þess að hlífa stórlöxum og
aðalfundur Landssambands veiðifélaga í Borg-
arnesi í júní sl. ályktaði að brýnt væri að gæta
varúðar vegna mikillar niðursveiflu í endur-
heimtum á stórlaxi á undanförnum tuttugu
árum og er því beint til veiðifélaga að gera það
sem í þeirra valdi standi til þess að stórlaxin-
um verði sleppt eins og kostur er.
aegirjuni2005 1.7.2005 18:04 Page 30