Tímarit Máls og menningar - 01.04.1940, Qupperneq 14

8
TÍMARIT MÁLS OG MENNINGAR
útgáfu af IjóÖum hans mun væntanlega verða skráð
æfisaga lians svo ítarleg sem kostur verður á. Hér verð-
ur aðeins stiklað á stærstu mörkum.
Einar er fæddur að Elliðavatni í Mosfellssveit 31. okt.
1864, sonur Benedikts sýslumanns Sveinssonar og konu
lians, Katrínar Einarsdóttur frá Reynistað í Skagafirði.
Benedikt Sveinsson var, eins og kunnugt er, einn af
þjóðkunnustu mönnum sinnar tíðar. Hann var einn af
höfuðskörungum í sjálfstæðisbaráttu Islendinga, ótrauð-
ur fylgismaður Jóns Sigurðssonar og merkisheri fyrir
málstað lians að honum látnum. Benedilct liefur verið
talinn einhver mestur mælskumaður íslendinga. Hann
átti sæti á Alþingi um 38 ára skeið, frá 1861 og til æfi-
loka. Móðir Einars var stórættuð kona og stórgáfuð,
talin mjög skáldmælt, en fór dult með.
Stórbrotnum gáfum og afburðamennsku fylgja alloft
nokkurir annmarkar. Ekki báru þau lijón, foreldrar
Einars, gæfu lil langra samvista, og var Einar sviptur
móðurfaðminum tíu ára gamall. Munu þau örlög hafa
liaft úrslitaálirif í lífi þessa stórgáfaða, tilfinningaríka
manns, eins og glögglega verður ráðið af kvæði hans,
„Móðir mín“ (Vogar, bls. 1). Einar leggur stund á nám,
lýkur embættisprófi í lögum við háskólann í Kaup-
mannahöfn árið 1892. Hann fæst síðan við lögfræðistörf
í Reykjavík, er settur sýslumaður í Þingeyjarsýslu i
fjarvistum föður síns. Hann gerist snemma áliugasam-
ur um stjórnmál og fylgir fast stefnu föður síns. Árið
1898 kvænist hann og gengur að eiga Valgerði Einars-
dóttur Zoéga. Þeim hjónum verður sex harna auðið.
Árið 1904 hlýtur hann sýslumannsembættið í Rangár-
vallasýslu, en lætur af embætti eftir nokkur ár. Á þessu
skeiði æfinnar tekur hann virkan þátt í sjálfstæðisbar-
áttu þjóðarinnar; gefur meðal annars út hlaðið „Dag-
skrá“ (1896). Síðar gaf hann út önnur blöð. En þessi
átök urðu skammvinn. Eftir að hann lætur af embætti
i Rangárvallasýslu, fæst hann ekki við opinber störf, en