Tímarit Máls og menningar - 01.05.1951, Side 45

ÞRJÚ KVÆÐI
Ég á líf mitt í forsjá myrkurs,
ég er fangi, eins og fugl flýg ég til þín
sem dulbúin hugsun.
Hjarta þitt og fjöregg hamingju minnar
liggur í loðinni svartri hönd
og skurnið er veikt.
ÚTTEKT MÍN
Ó, jörð, ó, mold,
plægður akur þinn hrópar til mín,
en einungis geislar vorsólarinnar
renna í gegnum fingur mína.
Ó, mold, ó, akur lífs.
Ég er fátækur. Kref mig ekki meira gjalds
til lúkningar skulda minna.
Eg hef fyrir löngu gefið meir en ég átti.
Ó, líf,
innheimtumaður við dyr mínar
með reikning frá dauðanum,
öll úttekt mín var hamingja.
163