Tímarit Máls og menningar - 01.12.1966, Page 33

Þrjú kvœSi um stríðið
Hermaður nokkur,
nefndur William Grey,
hlóð byssu sína í skyndi
og skaut á hanann.
Stalíngrad
Á miðri götu
stóð maður með byssu og hjálm
og miðaldra kona kom til hans
og sagði: Gott kvöld!
Hvers vegna stendurðu hérna,
þú, sem ert fallinn.
Og maðurinn svaraði
áður óþekktum rómi:
Ég er ekki fallinn.
[Kvæði þau sem hér eru birt komu nýlega í leitirnar í hirzlum Tímaritsins, voru þau þar
með öðrum handritum að kvæðum eftir Stein Steinar, sem flest höfðu upphaflega birzt í
Tímaritinu. Er því greinilegt að Steinn hefur verið búinn að ganga frá þeim til birtingar,
en einhverra orsaka vegna hefur aldrei orðið af þvf að þau kæmu í Tímaritinu, né heldur
í bókum Steins. Þau virðast ekki heldur hafa komið í öðrum tímaritum, þó að ekki sé
hægt að fortaka það öldungis. Kvæðin munu vera frá árunum 1942 og 43, einhver þeirra
gætu þó verið eldri.]
351