Tímarit Máls og menningar - 01.09.1986, Page 54

Tímarit Máls og menningar
minna. Brian Pilkington myndskreytti Ástarsögu úr fjöllunum og gerði það
yndislega. En það vantar fleira fólk til að myndskreyta barnabækur. Ég
talaði einhvern tíma við skólastjóra myndlistarskólans um að það þyrfti að
koma upp deild í skólanum sem sérhæfði nemendur í þessari tegund mynd-
listar.
Finnst þér þú ekki vera ab færast meira yfir á unglingasvið með bók eins
og Sitji guðs englar?
Satt að segja hef ég lítið velt fyrir mér fyrir hvaða aldur ég skrifa. Þegar
þessar bækur hafa komið út erlendis er ég alltaf spurð fyrir hvaða aldur ég
vilji að þær séu auglýstar og ég á alltaf jafnerfitt með að svara því. Með bók
eins og Gunnhildi og Glóa var ég að reyna að ná til allra yngstu lesendanna,
en þegar ég skrifaði Astarsöguna vissi ég ekkert hvort hún var fyrir
gamalmenni eða börn.
Hvemig er góð barnabók ?
Ég held að hún verði að hafa flesta sömu kosti og aðrar góðar bækur. I
fyrsta lagi eiga bækur að vera læsilegar og skemmtilegar. Að öðru leyti eiga
þær helst að opna börnunum nýja sýn, aðra möguleika, ný sjónarhorn,
alveg eins og bækur fyrir fullorðna eiga að gera. Lesandi og höfundur eiga
saman merkileg mannleg samskipti. Höfundurinn opnar hug sinn fyrir
lesandanum eins og vinur sem segir vini frá því sem hann er að hugsa. Þegar
lesandinn er barn, er höfundinum meiri vandi á höndum en þegar hann
skrifar fyrir fullorðna. Ábyrgð hans er meiri. Barnið er miklu varnarlausara.
Þess vegna er vandasamara að skrifa góða bók fyrir börn.
Finnst þér erfitt að nefna vissa hluti af því þú skrifar fyrir börn, kynlíf eða
stjómmál til dæmis?
Ástæðan fyrir því að ég hef ekki skrifað um ákveðin mál er sú að ég
treysti mér ekki til að gera það nógu vel. Það er hægt að skrifa bók fyrir
börn um viðkvæmustu mál, en stundum þyrfti snilling til. Það er ekki efnið
sjálft sem skiptir máli heldur hvernig það er unnið. Mér finnst engin ástæða
til að hlífa börnum við staðreyndum lífsins, en maður má ekki skilja þau
eftir rugluð í ríminu. Börn þola ringulreið illa, þannig að ég held að það sé
mikilvægt í barnabók að lesanda sé alveg ljóst að sorg er sorg og gleði er
gleði. Sé barnið í óvissu um tilfinningar sínar er óttinn, angistin, á næsta
leiti. Þar verðum við að hjálpa þeim.
Hafði einhver sérstakur rithöfundur áhrif á þig?
Já, Halldór Laxenss. Ég hef líklega verið fimmtán, sextán ára gömul þegar
ég las Vefarann mikla frá Kasmír, og var ekki söm manneskja á eftir. Svo las
ég Sölku Völku seinna. Jú, ef nokkur maður hefur haft áhrif á mig er það
Halldór. Hann breytti heilli kynslóð.
Ertu með bók í sigtinu núna?
316