Tímarit Máls og menningar - 01.09.1986, Page 72

Tímarit Máls og menningar
Logi Lýðsson er 16 ára. Alls staðar mæta honum boð og bönn. Hann vill
sýna fram á eigin mátt með því að brjótast undan valdi foreldra og annarra.
Það gerir hann með því að ráða sig til sjós, gegn vilja foreldra sinna. Á
sjónum er engin miskunn sýnd, en Logi gefst ekki upp og vinnur sig upp í
það að vera metinn sem jafningi skipsfélaganna. Hann lærir að reynsla og
leiðbeiningar eru af hinu góða. I lokin er hann sinn eigin herra.
Bókin er gagnrýnin á þjóðfélagið og einnig kemur fram efi um gildi
uppeldis sem byggist á valdi.
Saga af Frans litla fiskastrák (1976), er skopstæling á mannlífinu í anda
dæmisögunnar. Þetta er saga um baráttu hinna smáu við valdhafa og
yfirboðara, sem bregðast þegar til þeirra er leitað. Hinir lægst settu verða að
bjarga sér sjálfir, sem þeir og gera. Sagan er bráðskemmtileg, þó að alvaran
búi undir niðri. „
Árni Ingólfsson myndskreytti Sögu af Frans litla fiskastrik.

334