Tímarit Máls og menningar - 01.09.1986, Page 104

Sjón
Vondur strákur
JJm textagerð Einars Arnar á hljómplötum Purrks Pilnikks
ég ætlaði aldrei
að vera vondur strákur
en það kemur alltaf
út þannig
að ég vildi ég gæti
stoppað
ekki nema smástund
fyrirgefðu. . .
Þannig er upphaf texta lagsins „vondur strákur" á hljómplötunni
ekki enn með hljómsveitinni Purrkur Pillnikk. Textann samdi söngv-
arinn Einar Orn Benediktsson. Hér á eftir fer kynning á textum hans
frá þeim tíma sem hljómsveitin starfaði.
Purrkur Pillnikk var stofnaður í marsbyrjun 1981 undir mottóinu:
Málið er ekki hvað maður getur, heldur hvað maður gerir. Hljóm-
sveitin starfaði aðeins í eitt og hálft ár eða til ágústloka 1982.
Meðlimir hennar voru Asgeir Bragason trommuleikari, Friðrik
Erlingsson gítarleikari, Bragi Ölafsson bassaleikari og Einar Orn sem
söng og lék á klarinett. Purrkur Pillnikk sendi frá sér fjórar hljóm-
plötur, tvær litlar: tilf (1981) og no time to think (1982). Stórar plötur
voru: ekki enn (1981) og googooplex (1982). Eftir að hljómsveitin
hætti var svo gefin út hljómleikaplatan maskínan og spannaði hún
allt tímabilið. Purrkur Pillnikk spilaði mjög mikið á tónleikum, alls
sextíu og þrisvar sinnum, að meðaltali einu sinni í viku og setti það
svip á tónlistina. Á albúmi maskínunnar stendur eftirfarandi:
366
. . . fyrir okkur var það mjög mikilvægt og nauðsynlegt að fá að spila á
tónleikum og láta í okkur heyra. Við reyndum alltaf að koma með á