Tímarit Máls og menningar - 01.09.1986, Blaðsíða 110

ekkert lengur að miðla nema dauðinn, og til þess að deyja ekki líka
var aðeins um það að ræða að hætta?
orð fyrir dauða
sofandi vakandi lifandi dauður
byltist um
reyni að brjótast út
til að ná í rassgatið
á ykkur sem komuð
mér í þetta ástand
sofandi vakandi lifandi dauður
ég drep ykkur
þegar ég næ til ykkar
lifandi hálfdauð steindauð
Eftir að Purrkur Pillnikk lagði upp laupana hefur Einar Orn starf-
að í ýmsum hljómsveitum. Þar ber hæst hljómsveitina KUKL en á
þremur hljómplötum hennar eru textar eftir Einar Orn sem eru til
dæmis athyglisverðir vegna skemmtilegs samruna þeirra við texta
söngkonunnar Bjarkar. En um það verður væntanlega fjallað seinna.
Hér lýkur þessari stuttu kynningu. Textar Einars Arnar tala fyrir
sig sjálfir að svo miklu leyti, að ég vona ég hafi ekki unnið þeim mein.
Hinsvegar ættu augu einhverra að hafa opnast fyrir þeim sannindum
sem þeir afhjúpa. Nefnilega að lifandi endurnýjun tungumálsins er
ekki síst að finna utan bókmenntanna og að skáld eru á undanhaldi
sem lifandi afl í samfélaginu. Hversu góðar sem bækur kunna að vera
þá eru þær þess ekki megnugar að líkja eftir raunverulegri snertingu
rokksöngvarans við áhorfendur/samfélagið. Og það gera ljóðskáld,
lesandi í felum á bak við púlt ekki nema í undantekningartilvikum.
Hér lýkur þessari stuttu kynningu:
faterland
land — míns — föður —
landið — þitt —
en — hvar — kem — ég —
372