Morgunblaðið - 12.12.2014, Blaðsíða 41

MENNING 41
MORGUNBLAÐIÐ FÖSTUDAGUR 12. DESEMBER 2014
Tilnefningar til bandarísku Golden
Globe kvikmynda- og sjónvarps-
verðlaunanna voru kynntar í gær og
er Jóhann Jóhannsson tónskáld
meðal tilnefndra. Tilnefninguna
hlýtur hann sem höfundur tónlistar í
kvikmyndinni The Theory of Every-
thing. Í henni er rakin saga eðils-
fræðingsins Stephens Hawkings og
eiginkonu hans, Jane. „Það er mikill
heiður og gleði að vera tilnefndur og
fá viðurkenningu á þessari vinnu og
þessu samstarfi mínu við leikstjóra
myndarinnar, James Marsh. Allir
sem komu nálægt myndinni eru
stoltir af þessari vinnu og af mynd-
inni þannig að það er rosalega gam-
an að fá viðurkenningu á því með
svona verðlaunatilnefningu,“ segir
Jóhann. „Fyrir mig er vinnan alveg
næg verðlaun, að fá að taka þátt í
svona sterku verkefni og fá að vera
með í svona kvikmynd. Allt annað er
bónus.“
Myndin er fyrst og fremst ástar-
saga Stephens og Jane, að sögn Jó-
hanns. „Fókusinn í tónlistinni er
mjög mikið á tilfinningar, þetta er
tilfinningarík
mynd án þess að
vera tilfinn-
ingasöm,“ segir
Jóhann. „Í raun-
inni er myndin
svolítið um
spennuna milli
mannsins og vís-
indamannsins
Hawkings. Hún
fjallar meira um
manninn en vísindamanninn. En
vissulega eru vísindin þarna á bak
við, eðlisfræðin og stjarneðlisfræðin,
og það eru senur þar sem við reyn-
um að koma til skila þessum undrum
og þessari andakt sem menn finna
gagnvart alheiminum og sköp-
unarverkinu.“ Aðrir sem tilnefndir
eru í sama flokki eru óskarsverð-
launahafinn Hanz Zimmer fyrir tón-
list við kvikmyndina Interstellar,
Alexandre Desplat fyrir tónlistina í
The Imitation Game, Trent Reznor
og Atticus Ross fyrir Gone Girl og
Antonio Sanchez fyrir Birdman.
helgisnaer@mbl.is
„Mikill heiður og gleði“
Jóhann
Jóhansson
 Jóhann Jóhannsson tilnefndur til
Golden Globe-verðlaunanna 2015
Silja Björk Huldudóttir
silja@mbl.is
„Ég er búin að vera viðloðandi tón-
listarbransann lengi og hef oft verið
spurð hvenær ég ætlaði að gefa út
minn eigin disk. Svar mitt var að ég
myndi gefa út disk þegar ég hefði
eitthvað segja og svo kom hug-
myndin til mín,“ segir Hrönn Svans-
dóttir um plötu sína Hljóður – við
spegilsléttan fjörð. „Ég fann að mig
langaði til að gera plötu sem inni-
héldi bara rólega tónlist. Markmið
mitt er að lögin renni saman í eitt og
þess vegna tengi ég tíu af lögum
plötunnar saman í fimm tvennur,“
segir Hrönn og tekur fram að þar sé
um að ræða lög með sömu stemn-
ingu.
Hrönn hefur um alllangt skeið
tekið virkan þátt í tónlistarstarfi
Fíladelfíu þar sem hún hefur starfað
náið með Óskari Einarssyni og
Fanny Kristínu Tryggvadóttur, m.a.
við rekstur tónlistarfyrirtækisins
Hljóma frá árinu 1999. „Síðastliðin
15 ár höfum við t.d. farið um allt land
og boðið upp á gospelnámskeið. Við
myndum auk þess tríó sem heitir
Gospeltónar og gerum mikið af því
að syngja við jarðarfarir. Mér finnst
mjög gefandi og mikil forréttindi að
fá að taka þátt í slíkum athöfnum,“
segir Hrönn og tekur fram að í slík-
um aðstæðum snúist allt um að flytja
tónlistina og textana vel. „Sá mjúki
og friðsæli tónn sem einkennir flutn-
ing minn undir slíkum kring-
umstæðum skilar sér að nokkru inn
á plötuna,“ segir Hrönn.
Um hluti sem skipta máli
Plata Hrannar inniheldur tólf lög,
en þeirra á meðal eru „Kærleik-
urinn“ eftir Jóhann G. Jóhannsson
við texta úr fyrra Korintubréfi 13.
kafla, „Vetrarsól“ eftir Gunnar
Þórðarson við texta Ólafs Hauks
Símonarsonar, „Umvafinn englum“
eftir Sarah McLachlan við texta Val-
geirs Skagfjörð, „Líttu sérhvert sól-
arlag“ eftir Braga Valdimar Skúla-
son, „Á himnum“ eftir Hjalta
Gunnlaugsson og „Stingum af“ eftir
Mugison.
Aðspurð segir Hrönn lagavalið al-
farið stjórnast af textum laganna.
„Mér fannst lykilatriðið að textarnir
fjölluðu um eitthvað sem skipti máli.
Það þarf að vera einhver kjarni eins
og t.d. birtist í „Kærleikanum“ sem
byggist á einum fallegasta texta
Biblíunnar, en kærleikurinn er lyk-
illinn að því að vegna vel í lífinu. Þess
vegna tengi ég „Kærleikann“ og
„Vetrarsól“, því seinna lagið fjallar
um hvers virði lífið og allt er ef eng-
inn vill deila því með manni. Lagið
„Líttu sérhvert sólarlag“ felur í sér
mikinn sannleika, því við höfum bara
núið og þurfum að nýta það vel. Við
vitum ekkert hverjir verða með okk-
ur á morgun. Þetta lag tengi ég síðan
saman við „Á himnum“, sem fjallar
um þá von að á himnum hittum við
ástvini okkar á ný. Alla tíð hef ég
verið trúuð og trúin er grunnurinn í
lífi mínu. Ég nálgast öll lögin á þeim
forsendum, hvort sem þau hafa verið
hugsuð þannig frá höfundanna
hendi. Ég veit ekki hvort lagið
„Ómissandi fólk“ eftir Magnús Ei-
ríksson hefur verið samið sem trúar-
söngur, en ég upplifi textann sem
trúarlegan. Eins er lagið „Stingum
af“ eftir Mugison hvatning til að
verja meiri tíma með börnunum okk-
ar og njóta náttúrunnar og fyrir mér
er slíkur boðskapur kristilegur, enda
í anda þess sem Biblían boðar.
Samspil texta og tónlistarlegrar
nálgunar er róandi og endurnærandi
og er það von mín að hlustandinn
upplifi hvatningu, uppörvun og ró.
Ég hitti konu á förnum vegi í dag
sem þakkaði mér fyrir diskinn og
sagði að eftir annasaman vinnudag
þá hlusti hún á diskinn í bílnum á
leiðinni heim og það er sem tónlistin
núllstilli huga og líkama og hún kem-
ur endurnærð heim. Annar sagði að
söngurinn á disknum væri eins og
ferskur blær inn í sálina. Ég er
þakklát og mjög ánægð með við-
brögðin sem diskurinn hefur fengið.“
Umslagið eins og ljóðabók
Athygli vekur að kápan á disknum
er sett upp eins og ljóðabók með
myndum, en svarti liturinn er allt-
umlykjandi. „Mér finnst svartur fal-
legur litur og ég vildi hafa umslagið
stílhreint og fallegt,“ segir Hrönn og
tekur fram að hún hafi fengið mjög
góð viðbrögð jafnt við gripnum sem
bók og sem plötu. „Ég hugsa um-
slagið sem ljóðabók sem hægt sé að
lesa samhliða hlustun eða eina og
sér.“ Spurð um titil plötunnar bendir
Hrönn á að hann vísi annars vegar í
lagið „Hljóður“ eftir Reuben Morg-
an við texta Árnýjar Jóhannsdóttur
og hins vegar í ljóðlínuna „speg-
ilsléttan fjörð“ úr lagi Mugisons.
„Mér fannst þessi titill og undirtitill
gefa vel til kynna þá kyrrð sem er á
plötunni.“
„Ferskur blær inn í sálina“
 Hrönn Svansdóttir syngur róleg lög á diski sínum Hljóð-
ur – við spegilsléttan fjörð  Valdi lögin út frá textunum
Morgunblaðið/Þórður
Kyrrð „Mér fannst þessi titill og undirtitill gefa vel til kynna þá kyrrð sem
er á plötunni,“ segir Hrönn Svansdóttir um nýútkomna plötu sína.
Jólatónlistarhátíð Hallgrímskirkju
býður upp á jólaorgeltónleika í
kvöld kl. 20 með orgelstjörnunni
Christian Schmitt. Schmitt hlaut
Echo-verðlaunin í fyrra, ein helstu
verðlaun tónlistarmanna í Þýska-
landi, og er hann einn eftirsóttasti
konsertorganisti heimsins í dag, að
því er fram kemur í tilkynningu.
Schmitt hefur áður leikið á Ís-
landi, kom hingað á vegum þýska
sendiráðsins árið 2001 til að leika á
10 ára afmæli Klais-orgelsins í Hall-
grímskirkju og var meðal erlendra
gestaorganista á Alþjóðlegu orgel-
sumri í kirkjunni í fyrra. Að þessu
sinni heldur hann jólatónleika með
fjölbreyttri orgeltónlist, á efnis-
skránni eru verk eftir feðgana J.S.
Bach og C. Ph. E. Bach, Dietrich
Buxtehude, Charles Marie Widor,
Charles Frost og Olivier Messiaen.
Tónleikarnir eru samvinnuverk-
efni Listvinafélags Hallgrímskirkju
og þýska sendiráðsins á Íslandi og
er aðgangur að þeim ókeypis.
Orgelstjarna á jólatónlistarhátíð
Verðlaunaorganisti Christian
Schmitt leikur í Hallgrímskirkju.
12
16
Sími: 553-2075 www.laugarasbio.is
Miðasala og nánari upplýsingar
L
L
EXODUS Sýnd kl. 7 - 11
BIG HERO 6 2D Sýnd kl. 3:30 - 5:45
MOCKINGJAY PART 1 Sýnd kl. 10
MÖRGÆSIRNAR 2D Sýnd kl. 4
LAUGARÁSBÍÓ Sýningartímar