Morgunblaðið - 12.12.2014, Síða 44

Skallagrímur vann mikilvægan sigur
á ÍR-ingum, 76:68, í botnslag Dom-
inos-deildar karla í körfuknattleik í
Borgarnesi í gær. Skallagrímur komst
með sigrinum upp að hlið ÍR, Grinda-
víkur og Fjölnis með 4 stig. Þá vann
Snæfell lið Keflavíkur. Hjá konunum
hafði Snæfell betur á móti Grindavík
og KR-ingar kjöldrógu leikmenn
Hamars í Dominosdeild kvenna. »2
Skallagrímur vann
botnslaginn
FÖSTUDAGUR 12. DESEMBER 346. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Ríki íslams á eftir Íslendingnum
2. Markaðssetning Íslands ömurleg
3. Allt ófært á Akureyri
4. Gefur laun í minningu látins vinar
»MEST LESIÐ Á mbl.is
FÓLK Í FRÉTTUM
 Hera Hilmarsdóttir leikkona hefur
verið valin í hóp rísandi stjarna,
Shooting Stars, fyrir árið 2015. Sam-
tökin European Film Promotion (EFP)
velja á ári hverju tíu unga og efnilega
leikara og leikkonur frá aðildar-
löndum samtakanna og kynna þá á
alþjóðlegu kvikmyndahátíðinni í Berl-
ín, Berlinale, sem fer fram 5.-15. febr-
úar. Kvikmyndamiðstöð Íslands er í
EFP og segir frá þessu í tilkynningu
frá henni. Í umsögn dómnefndar um
Heru segir m.a. að þrátt fyrir tíma-
lausa engilsásjónu hennar komi fjöl-
hæfni hennar á óvart og að það bær-
ist sannarlega eldmóður innra með
henni. Hera hefur m.a. leikið í kvik-
myndunum Vonarstræti og Anna Kar-
enina og sjónvarpsþáttunum Da
Vinci’s Demons. Nýjasta kvikmyndin
sem hún leikur í var frumsýnd fyrir
skömmu í Bretlandi, gamanmyndin
Get Santa með Jim Broadbent og
Warwick Davis í aðalhlutverkum.
Meðal þekktra leikara sem valdir hafa
verið í Shooting Stars eru Daniel
Craig og Carey Mulligan.
Morgunblaðið/Kristinn
Hera Hilmarsdóttir
meðal rísandi stjarna
 Seinustu tónleikar haustannar tón-
leikaraðarinnar Á ljúfum nótum í
Laugarneskirkju verða haldnir í dag
kl. 12 og eru þeir jólatónleikar til
styrktar krabbameinsdeild Landspít-
alans, 11-E. Ýmsar jóla-
perlur verða fluttar af
Viðari Gunnarssyni
bassasöngvara,
Auði Gunnarsdóttur
sópran, Nathalíu D.
Halldórsdóttur
messósópran og
kamm-
erhópnum
Stillu.
Styrkja krabbameins-
deild Landspítalans
Á laugardag Suðvestan 10-18 m/s, hvassast syðst. Snjókoma eða
él. Dregur úr frosti í bili. Á sunnudag Gengur í norðan 18-23 m/s
með snjókomu, en úrkomulítið sunnanlands.
SPÁ KL. 12.00 Í DAG Norðan 8-15 m/s og él eystra, en hæg
breytileg átt og skýjað með köflum vestantil. Gengur í sunnan og
síðar vestan 8-13 með snjókomu vestra síðar í dag. Frost 2-13 stig.
VEÐUR
„England er algjört fót-
boltaland og hér elska allir
fótbolta,“ segir landsliðs-
konan Katrín Ómarsdóttir
sem hefur orðið enskur
meistari með Liverpool tvö
ár í röð og leikur áfram með
liðinu á næsta keppnis-
tímabili. Hún segir að
markmiðið sé að verja
meistaratitilinn og ná
lengra í Meistaradeild-
inni. »4
Á Englandi elska
allir fótbolta
Martin Hermannsson, landsliðs-
maður í körfuknattleik, segir í sam-
tali við Morgunblaðið að liðsfélag-
arnir í LIU-skólanum í Brooklyn hafi
varla trúað því, þegar þeim var tjáð
að Martin og Elvar myndu
mæta NBA-stjörnum á EM
í september. Ísland dróst
jú í riðil með Spánverjum
og Þjóðverjum til
dæmis en þeir Martin
og Elvar voru báðir í
landsliðshópnum
síðasta sumar. Þeir
láta vel af dvölinni í
New York enda eru
þeir í stórum
hlutverkum í sínu
liði. » 1
Liðsfélagarnir trúðu
varla fréttum af EM
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Hallgrímur Sveinsson hefur boðað að
Vestfirska forlagið dragi nú saman
seglin eftir að hafa gefið út nær 300
bækur um Vestfirði og Vestfirðinga
undanfarin 20 ár.
Hjónin Hallgrímur Sveinsson og
Guðrún Steinþórsdóttir bjuggu á
Hrafnseyri í Arnarfirði frá 1964 til
2005. Þar hélt hann á lofti nafni og
sögu Jóns Sigurðssonar forseta og úr
varð að hann stofnaði Vestfirska for-
lagið á afmælisdegi forsetans 17. júní
1994. Um haustið kom síðan út fyrsta
bók þess og að sjálfsögðu um einn
merkasta mann Íslandssögunnar,
bókin Jón Sigurðsson forseti: ævi-
saga í hnotskurn.
„Það er erfitt að standa í bókaút-
gáfu á Vestfjörðum og þegar ég byrj-
aði með þessa einu bók reiknaði ég
ekki með að þetta yrði aðalforlagið
við ysta haf,“ segir Hallgrímur. „Ég
naut aðstoðar félaganna Harðar
Kristjánssonar og Rögnvaldar
Bjarnasonar í Ísprenti á Ísafirði.
Þetta voru höfðingjar sem unnu við
prentverk og komu mér á bragðið.“
Fjölbreytt útgáfa
Vestfirska forlagið hefur lagt
áherslu á að halda frásögnum af
mönnum og málefnum vestra til
haga. Gamni og alvöru.
Flaggskip útgáfunnar er auðvitað
fyrsta bókin, en þegar Hallgrímur lít-
ur yfir farinn veg er hann ánægður
með afraksturinn. Hann nefnir sér-
staklega ritröðina Frá Bjargtöngum
að Djúpi, en 17. bindið
kom út á dögunum,
Mannlíf og sögu fyrir
vestan, alls 22 hefti, og
allar vestfirsku ævisög-
urnar. „Þar halda oft á
penna menn sem aldrei
hafa gefið út staf eftir sig.
Sumir þeirra ritfærir í
besta lagi. Vestfirsku
gamansögurnar kalla ég
vestfirska miðlæga gagnagrunninn.
Ég veit ekki um aðra landshluta sem
eiga svona mikið safn af sönnum lyga-
sögum um innbyggjarana, en við höf-
um gefið út um 15 bækur af þessu
tagi til að létta mönnum í sinni.“
Nú bætast við tvær nýjar bækur,
Vestfirskir sjómenn í blíðu og stríðu
og Vestfirskir stjórnmálamenn í blíðu
og stríðu. „Þetta er fyrir þá sem hafa
gaman af því að brosa, hlæja og reka
upp rokur einstaka sinnum. En Jón
Sigurðsson hefur alltaf verið númer
eitt hjá okkur og við höfum gefið út
margar bækur um hann eftir að sú
fyrsta kom út.“
Hallgrímur segir að hann hafi lengi
lofað konunni að draga saman seglin.
„Nú ætla ég að standa við það, en við
eigum eftir að gefa út nokkrar Vest-
fjarðabækur í viðbót,“ segir hann.
Sannar lygasögur og fleiri rit
 Hallgrímur og
Vestfirska draga
saman seglin
Ljósmynd/Davíð Davíðsson
Lagersala á Þingeyri Hallgrímur Sveinsson og jólasveinninn lesa Frá Bjargtöngum að Djúpi.
Þorlákur Ó. Johnson gaf út bók-
ina Jón Sigurðsson The Icelandic
Patriot A Biographical Sketch ár-
ið 1887. Hallgrímur Sveinsson
segir að bókin hafi ekki selst
vel og útgefandinn því orðið
að gefa stóran hluta upplags-
ins. „Hann sendi framámönn-
um í norðurálfu eins og Glad-
stone, forsætisráðherra
Breta, eintak. Sagan end-
urtók sig þegar ég gaf út
fyrstu bókina, Jón Sigurðs-
son forseti: ævisaga í hnotskurn.
Ég fékk Herstein Pálsson, einn af
okkar allra bestu þýðendum, til
að þýða bókina og hann gerði
það snilldarlega, en ég á hana
enn til í haugum í kjallaranum
hjá mér.“ Hallgrímur segir þetta
umhugsunarefni. Íslendingar hafi
ekki enn áttað sig fullkomlega á
því hvað Jón forseti hafi verið
stórkostlegur og því látið undir
höfuð leggjast að láta aðrar þjóð-
ir vita af honum.
Vill kynna hann betur erlendis
JÓN SIGURÐSSON FORSETI ALLTAF NÚMER EITT