Morgunblaðið - Sunnudagur - 18.01.2015, Blaðsíða 13

18.1. 2015 MORGUNBLAÐIÐ SUNNUDAGUR 13
„Fyrst verður ráðist í talsverðar end-
urbætur á húsnæðinu, þannig að hótelið
uppfylli enn frekar kröfur gesta, iðn-
aðarmennirnir eru væntanlegir á allra
næstu dögum, þannig að það er strax í
upphafi í nokkur horn að líta hjá mér,“
segir Sigurður Karl Jóhannsson, veit-
ingamaður á Akureyri. Félagið Sólfjörð
hótels, sem er í eigu Sigurðar, keypti fyrr
í vikunni Sveitahótelið í Sveinbjarnargerði
í austanverðum Eyjafirði. Sigurður hefur
um árabil rekið matsölustaði á Akureyri
og þekkir nokkuð vel til í ferðaþjónustu.
„Hótelið stendur á fallegum stað, aðeins
15 kílómetra frá Akureyri. Gisting er í
tveimur húsum og eru herbergin rúmlega
þrjátíu, öll eru þau með baðherbergi og
helstu þægindum. Veislusalur er fyrir um
100 manns í sæti og ekki skemmir fyrir
að stór verönd er við annað húsið, þar
sem gestir geta notið útsýnisins. Auk þess
er hérna heitur pottur, þannig að gestir
geta örugglega slappað af eftir amstur
dagsins.“
Bókanir lofa góðu
Sigurður segir að kaupin hafi verið í und-
irbúningi í nokkurn tíma.
„Já, já, ég var búinn að velta þessu fyr-
ir mér í dágóða stund og ákvað að láta
slag standa á endanum. Ferðamönnum
hefur fjölgað ár frá ári og ég er bjart-
sýnn á framtíðina. Sveitahótelið í Svein-
bjarnargerði er nokkuð vel þekkt og bók-
anir sumarsins lofa góðu, auk þess sem ég
er líklega ágætlega tengdur innan ferða-
þjónustunnar og annarrar skyldrar starf-
semi. Mikil uppbygging hefur átt sér stað
í ferðaþjónustu á Norðurlandi á undan-
förnum árum, þannig að reksturinn leggst
vel í mig.“
Matur úr héraði
„Já, við ætlum að leggja sérstaka áherslu
á mat úr héraði. Á svæðinu eru starfandi
öflug matvælafyrirtæki, bæði á sviði land-
búnaðar og sjávarútvegs. Markmiðið verð-
ur að gestir njóti þess besta sem svæðið
hefur á boðstólum,“ segir Sigurður Karl
Jóhannsson.
UPPBYGGING FERÐAÞJÓNUSTU Á NORÐURLANDI
Nýr eigandi hótelsins í Sveinbjarnargerði
Á SVEITAHÓTELINU VERÐUR LÖGÐ
ÁHERSLA Á MAT ÚR HÉRAÐI. NÝR
EIGANDI ER BJARTSÝNN OG SEGIR
BÓKANIR SUMARSINS FRAMUNDAN
LOFA GÓÐU.
Karl Eskil Pálsson karlesp@simnet.is
„Ferðamönnum hefur fjölgað ár frá ári og ég er bjartsýnn á framtíðina,“ segir Sigurður Karl Jó-
hannsson, sem í vikunni keypti Sveitahótelið í Sveinbjarnargerði.
Ljósmynd/Karl Eskil Pálsson
Alls 20.801 tonni af bolfiskafla var landað á Dalvík á
síðasta ári. Aukningin milli ára var 21%. Næst-
aflahæsta höfn á landinu var Grindavík, með um 42
þúsund tonn, en þó 4,1% samdrátt frá árinu 2013.
Dalvík
Gera á uppskurð á skólastarfi í Bláskógabyggð. Skólar í
sveitarfélaginu hafa verið samreknir síðustu ár, þ.e. grunn-
skóli í Reykholti í Biskupstungum og samrekinn leik- og
grunnskóli að Laugarvatni. Verða framvegis tvær stofnanir.
Laugarvatn
Nýlega var íþróttamaður Hattar á
Egilsstöðum árið 2014 kynntur og
var fótboltakonan Heiðdís Sigurjóns-
dóttir valin. Heiðdís þótti standa sig
vel í sumar sem fyrirliði meistara-
flokksliðs Hattar. Hún lék fimm
leiki með U19 landsliði Íslands. Í
öðrum greinum voru eftirtaldir vald-
ir: Guðjón Hilmarsson er blakmaður
ársins, Kristinn Már Hjaltason
fimleikamaður ársins, Atli Pálmar
Snorrason var valinn maður ársins í
frjálsum íþróttum og Hreinn Gunn-
ar Birgisson í körfubolta.
Á samkomunni á Egilsstöðum
voru það Björn Ingimarsson, bæjar-
stjóri Fljótsdalshéraðs, og Davíð Þór
Sigurðarsson sem afhentu verðlaun-
in. Við þetta tilefni voru starfsmerki
Hattar veitt í þriðja sinn en þau
hljóta einstaklingar sem hafa unnið
óeigingjarnt starf í þágu félagsins til
lengri tíma. Hafsteinn Jónasson fékk
starfsmerki fyrir vinnu sína í þágu
Hattar, svo sem formaður aðal-
stjórnar og á vettvangi körfubolta-
deildar. Þá fékk Elín Sigríður Ein-
arsdóttir starfsmerki fyrir vinnu og
stjórnarsetu en hún hefur meðal
annars verið formaður fimleika- og
skíðadeilda og virk í foreldrastarfi.
EGILSSTAÐIR
Davíð Þór, til vinstri, og Björn hægra
megin og milli þeirra starfsmerkishaf-
arnir Hafsteinn og Elín.
Ljósmynd/Jón Tryggvason
Heiðdís best
í Hetti
Bókamarkaður
2015
Árlegur bókamarkaður
Félags íslenskra bókaútgefenda
verður 27. febrúar til
15. mars næstkomandi.
Útgefendur sem vilja bjóða
bækur sínar á markaðinum
er bent á að hafa samband við
Félag íslenskra bókaútgefenda sem
fyrst, eða eigi síðar en 6. febrúar
nk., í síma 511 8020 eða á
netfangið fibut@fibut.is