Morgunblaðið - Sunnudagur - 18.01.2015, Blaðsíða 26

Heimili
og hönnun *SPARK design space verður með sýningu ísamstarfi við Íslenska sendiráðið í Berlín frá30. janúar til 10. apríl. Þar mun SPARK sýnaverkefnin; Líffærafræði leturs eftir SigríðiRún, Skvís eftir Sigga Eggertsson, Borg-arlandslag eftir Paolo Gianfrancesco og Prikeftir Brynjar Sigurðarson. Sýningin verður
haldin í Felleshus og verður opin frá kl.10-19
á virkum dögum og um helgar kl. 11-16.
SPARK sýnir í Berlín
É
g er fædd og uppalin í sveit rétt
fyrir utan Selfoss og myndi segja
að ég væri ennþá svolítið mikil
sveitastelpa í mér. Albert er uppal-
inn í Breiðholtinu en bjó líka í Oregon í
Bandaríkjunum stóran hluta af æsku sinni.
Við kynntumst á Sálarballi á Selfossi þegar
ég var 18 ára og hann 22 ára svo það má
segja að við höfum verið saman nánast öll
okkar fullorðinsár,“ segir Lóa Dagbjört en
þau hjónin fluttu nýverið í bjart og fallegt
heimili í Garðabænum áasmt börnum sín-
um þremur, Daníel Victor, 12 ára, Magnúsi
Val, fimm ára, og Önnu Sóleyju, tveggja
ára. Heimilisstíllinn er að sögn Lóu skand-
inavískur með íslenskum áherslum.
„Ég heillast mjög af björtum litum og
einföldum hlutum. Gulur er uppáhalds-
liturinn minn því hann er hlýr og bjartur
og eitthvað svo glaðlegur. Við bjuggum úti
í Svíþjóð og fengum mikinn innblástur það-
an, allt eitthvað svo mátulegt.“
Lóu þykir mikilvægt að hafa hluti í
kringum sig sem vekja góðar minningar
eða tilfinningar og er afar mótfallin því að
safna að sér hlutum eða húsgögnum sem
eru svo dýr og fín að börnin mega ekki
ganga um þau. „Þegar kemur að því að
versla inn á heimilið þá verð ég að segja
IKEA. Ég bara elska allt sem er prakt-
ískt. Mér finnst frábært að geta keypt
flotta vandaða hönnun á sanngjörnu verði.
Svo er IKEA líka sænskt eins og Lindex,
sem er góður kostur, ég veit hvað Svíarnir
eru kröfuharðir þegar kemur að gæðum.
Það er ákveðin upplifun í hvert sinn sem
maður kemur inn í IKEA, jákvætt og
skemmtilegt andrúmsloft. Annars er ég
líka mjög hrifin af ILVA, Habitat o.fl. og
ég elska að fara á handverksmarkaði og í
listagallerí og hitta fólkið á bak við hlut-
ina.“
Lóa sækir innblástur í Pinterest og smá-
forritið Instagram. „Annars finnst mér all-
ar hönnunarbækur skemmtilegar og Hús
og híbýli er líka fastur liður.“
Stofan er afskaplega rúmgóð og segir
Lóa gulu stofuna í miklu eftirlæti. „Hún er
svo notaleg og hlýleg. Þar eru myndir sem
minna mig svo sterkt á sveitina mína að
ég finn nánast lykt og heyri hljóðin í
sveitinni.“
Ásamt notalegum stundum saman í sjón-
varpsholinu heldur fjölskyldan mikið upp á
samverustundir við eldhúsborðið.
„Eldhúsborðið okkar er mjög sérstakur
staður því þar hittumst við öll eftir anna-
saman dag og borðum saman og deilum
hvert með öðru upplifunum dagsins. Ætli
það sé ekki líka sjónvarpsholið. Við komum
okkur gjarnan öll þar fyrir undir teppi eft-
ir erilsaman dag og reynum að koma okk-
ur saman um hvað við eigum að horfa á.
Það endar nú oftast með því að við Albert
sitjum og horfum á Línu langsokk eða
Kalla á þakinu.“
Morgunblaðið/Þórður
Rauða hornið í stofunni er afskaplega skemmtilega innréttað. Fallegur arinn setur svip á stofuna.
HEILLAST AF BJÖRTUM LITUM OG EINFÖLDUM HLUTUM
Praktík og
íslensk hönnun
HJÓNIN LÓA DAGBJÖRT KRISTJÁNSDÓTTIR OG ALBERT ÞÓR
MAGNÚSSON, SEM EIGA OG REKA SAMAN LINDEX Á ÍSLANDI
ÁSAMT FJÖLSKYLDU SINNI, HAFA KOMIÐ SÉR OG BÖRNUM SÍNUM
ÞREMUR VEL FYRIR Í FALLEGU HÚSI Í GARÐABÆ.
Sigurborg Selma Karlsdóttir sigurborg@mbl.is
Gula stofan er í miklu eft-
irlæti enda er hún afar hlý-
leg og björt. Lóa heldur
mikið upp á gula litinn.
Lóa Dagbjört segir heimilisstílinn einkennast af skandinavískri hönnun með íslenskum áherslum.