Morgunblaðið - Sunnudagur - 18.01.2015, Blaðsíða 38

38 MORGUNBLAÐIÐ SUNNUDAGUR 18.1. 2015
Græjur og tækni
...að á hverjum degi fara allt að 60 millj-
arðar tölvupóstsendinga manna á milli.
Ekki innihalda þeir hins vegar allir mik-
ilvæg skilaboð því talið er að hvorki
meira né minna en 97% þeirra séu
ruslpóstur.
Vissir þú...
K
lak Innovit stendur árlega
fyrir frumkvöðlakeppninni
Gullegginu. Keppnin er
haldin að fyrirmynd MIT-
háskóla í Bandaríkjunum og Vent-
ureCup á Norðurlöndunum. Að
sögn aðstandenda er Gulleggið
orðið gæðastimpill á viðskipta-
hugmyndir og fyrir frumkvöðla
sem munu á næstu árum laða að
enn fleiri styrki, fjárfesta, skapa
ný störf og verðmæti fyrir íslenskt
þjóðfélag.
„Keppnin er frábært tækifæri
fyrir frumkvöðla til að koma hug-
myndum sínum á framfæri og gera
úr þeim raunverulegar og mark-
vissar áætlanir sem miða að stofn-
un fyrirtækja. Samhliða keppninni
er þátttakendum boðið upp á nám-
skeið, ráðgjöf og aðstoð sérfræð-
inga. Frá mótun hugmyndar til
áætlanagerðar og þjálfunar í sam-
skiptum við fjárfesta,“ segir á
heimasíðu verkefnisins, gull-
eggid.is.
Krefjandi áskorun
„Þátttaka í Gullegginu er skemmti-
leg og krefjandi áskorun sem nýt-
ist þátttakendum til framtíðar. Sú
reynsla og þekking sem þátttak-
endur öðlast nýtist vel þegar út í
atvinnulífið er komið, hvort heldur
sem er hjá nýstofnuðum sprotafyr-
irtækjum eða stærstu fyrirtækjum
landsins,“ segir ennfremur.
Þeir sem hafa áhuga á að taka
þátt en hafa ekki ákveðna hug-
mynd til að senda inn geta boðið
fram aðstoð sína við að vinna að
annarri hugmynd með því að skrá
sig á gulleggid.is. Frestur til að
skila hugmyndum inn í keppnina
þetta árið er til 20. janúar.
Þátttakendur eiga kost á að
vinna til veglegra verðlauna, en
sigurvegari keppninnar hlýtur
Gulleggið sjálft og eina milljón
króna í peningum.
Ýmis önnur aukaverðlaun verða
veitt frá bakhjörlum og styrktar-
aðilum keppninnar en alls nema
heildarverðlaun Gulleggsins yfir
þremur milljónum króna.
Hefur haft mikla þýðingu
Sigurvegari í Gullegginu árið 2014
var fyrirtækið Gracipe þar sem
mataruppskriftir eru settar fram á
nýjan hátt með því að sameina
hráefni, aðgerðir og skref í mynd-
rænni framsetningu.
Herdís Helga Arnalds hjá Gra-
cipe segir Gulleggið hafa haft mjög
mikla þýðingu fyrir fyrirtækið.
„Stofnendur Gracipe, Marinó Páll
Valdimarsson og Kai Köhn, voru
báðir í meistaranámi í verkfræði
við háskólann í Delft í Hollandi og
litu til að byrja með á þetta sem
áhugamál og verkefni í skólanum.
Það er óhætt að segja að Gulleggið
hafi ýtt á okkur að gera þetta af
meiri alvöru og stofna fyrirtæki.
Þetta var spark í rassinn í mjög
jákvæðum skilningi,“ segir Herdís.
Hún segir þetta einmitt fegurð-
ina við keppni eins og Gulleggið.
Hún hvetji fólk til að fara með
hugmyndir eða áhugamál upp á
næsta stig og jafnvel freista þess
að lifa af þeim. „Það er stóri kost-
urinn við svona keppni.“
Herdís segir Gracipe markvisst
hafa nýtt sér meðbyrinn sem Gull-
eggið færði þeim en nokkur at-
hygli fylgdi sigrinum. „Ísland er
lítið land og það skiptir máli að
komast að í fjölmiðlum. Fjölmiðlar
sýndu okkur strax áhuga og gera
enn, annars værir þú ekki að
hringja. Lengi lifir á fornri frægð,“
segir hún hlæjandi.
Byr undir báða vængi
Herdís hvetur frumkvöðla til að
skrá sig í Gulleggið og gildi þá
einu á hvaða stigi hugmyndin er.
Ekki sé nauðsynlegt að vera kom-
inn með vöru eða geta boðið upp á
þjónustu. „Aðalatriðið er að hug-
myndin sé vel framsett og bjóði
upp á möguleika í framtíðinni.“
Fyrir utan verðlaunaféð og at-
hyglina segir Herdís mikilvægt
fyrir sprotafyrirtæki eins og Gra-
cipe að finna að einhver hafi trú á
því sem það er að gera. „Það gefur
manni byr undir báða vængi.“
Að dómi Herdísar er sprota-
umhverfið blómlegt á Íslandi og
alltaf að verða sýnilegra. „Fyrir fá-
einum árum vissi ég ekkert um
þetta sprotaumhverfi en í dag fer
mun meira fyrir því. Möguleikar á
styrkjum eru alltaf að aukast og
síðan er gaman að sjá hversu vilj-
ugir þeir sem á undan hafa gengið
eru til að miðla reynslu sinni og
ráðleggja öðrum. Sprotaumhverfið
er uppfullt af mentorum,“ segir
Herdís.
Næsta kynslóð námsgagna
Annað sætið í Gullegginu 2014
hrepptu félagar úr tölvunarfræði-
deild HR sem stofnuðu leikja-
fyrirtækið Radiant Games. Með
því að þróa leiki fyrir börn stefna
þeir að því að nútímavæða mennt-
un og þróa næstu kynslóð náms-
gagna.
Í þriðja sæti varð Solid Clouds
sem þróar og hannar tölvuleikinn
Prosper. Leikurinn var þróaður að
miklu leyti innan tölvunarfræði-
deildar HR af nemendum deild-
arinnar.
Gæðastimpill
á viðskipta-
hugmyndir
FRESTUR TIL AÐ SKILA INN HUGMYNDUM Í FRUMKVÖÐLA-
KEPPNINA GULLEGGIÐ RENNUR ÚT Á ÞRIÐJUDAG. MEG-
INMARKMIÐIÐ ER AÐ SKAPA VETTVANG FYRIR UNGT AT-
HAFNAFÓLK TIL AÐ ÖÐLAST ÞJÁLFUN OG REYNSLU Í
MÓTUN VIÐSKIPTAHUGMYNDA OG REKSTRI FYRIRTÆKJA.
Orri Páll Ormarsson orri@mbl.is
Herdís Helga Arnalds ásamt Marinó Páli Valdimarssyni, félaga sínum hjá Gracipe, en þau hlutu Gulleggið á síðasta ári.
Morgunblaðið/Þórður
Japanskir vísindamenn segja að
þeir séu komnir nálægt því að
geta prentað húð, bein og liði
með þrívíddarprentara. Nokkrum
hópum vísindamanna víðs vegar
um heiminn hefur tekist að fram-
leiða lítið magn af vef til að nota
en nú er beðið eftir næsta skrefi.
Tsuyoshi Takato prófessor við
sjúkrahús Háskólans í Tókýó til-
kynnti fyrir helgi að teymi á
hans vegum væri að vinna að
„næstu kynslóð lífræns þrívídd-
arprentara“ sem gæti byggt upp
þunn lög af vef til að búa til lík-
amsparta.
Blandað er saman stofnfrumum
og tilbúnu efni sem minnir á
kollagen. Með þrívíddarprentara
er teymið að vinna að því að
„líkja eftir uppbyggingu líffæra“
eins og hörðu yfirborði beina og
svampkenndu innvolsi þeirra.
Hann segir að hægt verði að
láta prentuð líffæri samlagast lík-
amanum hratt.
Framtíðin er í þrívídd
JAPANSKIR VÍSINDAMENN
TAKA NÆSTA SKREFIÐ Í AÐ
PRENTA NOTHÆF LÍFFÆRI
MEÐ ÞRÍVÍDDARPRENTARA.
Tsuyoshi Takato prófessor með prentað eyra úr þrívíddarprentara.
AFP
Framleiðendur vinsæla þrívídd-
arpennans 3Doodler, kynna nú til
sögunnar 75% minni þrívíddar-
penna sem vegur einungis 50
grömm.
Nýi penninn ber heitið 3Dood-
ler 2.0 og er framleiddur af
bandaríska fyrirtækinu Wobble-
Works.
Penninn er nokkurs konar þrí-
víddarprentari sem gerir fólki
kleift að teikna þrívíðar fígúrur og
skissa þannig bókstaflega út í blá-
inn.
Þrívíddarpennar eru ekki ósvip-
aðir límbyssum því þeir bræða
plast og þorna síðan snöggt á eftir
sem auðveldar fólki að móta form
og fígúrur úr plastinu og skapa
þannig áhugaverð verk.
SVIPAR TIL LÍMBYSSU
Skissa út
í bláinn
Með þrívíddarpennanum er hægt að
teikna fígúrur í þrívídd.