Morgunblaðið - Sunnudagur - 18.01.2015, Blaðsíða 39

18.1. 2015 MORGUNBLAÐIÐ SUNNUDAGUR 39
* Ég tel mjög mikilvægt að fá konur inn í tölvuheiminn. Tölvunarfræði er of mikilvæg til að vera látin körlum eftir.
Karen Spärck Jones (1935-2007), prófessor í tölvunarfræði við Cambridge.
Facebook kynnti í vikunni samstarf við stofnun í
Bandaríkjunum sem einbeitir sér að því að reyna að
finna börn sem hefur verið rænt. Þjónustan kallast
Amber Alerts og hefur verið bætt inn í fréttaveitu 185
milljón notenda í Bandaríkjunum. Þetta samstarf Face-
book við National Center for Missing and Exploited
Children vekur athygli en með því að bæta Amber
Alerts við fréttaveitu sína tekur Facebook virkari þátt í
að að koma mikilvægum upplýsingum á framfæri við
notendur sína.
Í samtölum við fjölmiðla í Bandaríkjunum segja for-
svarsmenn samtakanna sem standa að Amber Alerts
að stigið hafi verið stórt skref með því að fá Facebook
til að birta þessar upplýsingar, enda hafi samfélagsmið-
illinn meiri útbreiðslu en t.d. sjónvarp og dagblöð. Til-
kynningar um börn sem eru týnd eða hefur verið rænt
nái því til fleira fólks en áður.
Tæknin er nýtt til að auka líkur á að börnin sem lýst
er eftir finnist. Það er gert með því að senda myndir og
upplýsingar um týnd börn sérstaklega til notenda á til-
teknum leitarsvæðum, þar sem talið er að börnin séu
líklegust til að finnast. Samkvæmt frétt TechNews-
World hafa 700 börn fundist með aðstoð Amber
Alerts á síðustu 16 árum. Vonast er til að með því að
bæta Facebook við dreifikerfi tilkynninganna verði
hægt að bjarga enn fleiri börnum.
FACEBOOK NOTAÐ Í ÞÁGU SAMFÉLAGSINS
Lýst eftir týndum börnum
Nú hefur Facebook tekið upp Amber Alerts og talið er
að aðrir samfélagsmiðlar gætu fylgt í kjölfarið.
Þýðingarforritið Google Translate sem þýðir texta sem
notandi skrifar inn er fáanlegt fyrir snjallsíma og var
uppfært verulega nú í vikunni. Tveim frábærum val-
kostum var bætt við og virkar forritið nú þannig að hægt
er að beina myndavélinni með forritinu að texta sem þýð-
ir hann yfir á eigið móðurmál. Í framandi löndum getur
verið snúið að skilja götuskilti eða ýmsa texta og skila-
boð. Þá er bara að taka fram símann og beina honum að
textanum sem smáforritið þýðir síðan beint upp. Smáfor-
ritið hentaði einungis Android-símum fyrst um sinn en
nú geta eigendur iPhone-síma einnig nýtt sér forritið.
Eftir uppfærslu er ekki þörf fyrir nettengingu til þess að
nýta sér forritið eins og áður sem sparar ferðamanninum
peninga sem hefðu farið í þráðlausa netið.
Á ferðalögum verður á vegi manns fjölbreytt flóra
fólks af ólíkum uppruna og ekki allir sem geta skipt yfir í
ensku til að eiga samræður. Þetta getur oft verið skondið
að reyna að einfalda mál sitt í þaula og nota líkamann til
að útskýra nánar en á sama tíma örlítið þreytandi. Þarna
hefur smáforritið aðra nýjung sem leysir vandamálið.
Notandi smellir einfaldlega á samskiptahnapp í forritinu
og velur þau tungumál sem aðilarnir tala. Google Trans-
late tekur síðan upp það sem báðir aðilar hafa að segja
og yfirfærir það á tungumál hins, upphátt.
Í bili eru 36 tungumál í boði fyrir þessa tvo valkosti en
Google stefnir á að bæta það enn frekar.
SPJALLAÐU VIÐ ERLENT FÓLK MEÐ SÍMANUM
Með þýðingarforriti Google geta aðilar með sitthvort
tungumálið talað saman í gegnum smáforritið í símanum.
Þýðir texta beint upp með
myndavélinni
Hver man ekki eftir litlu tölvudýrunum sem börn og ung-
lingar báru með sér um allan bæ? Leikurinn naut gríðarlega
vinsælda meðal barna og unglinga á tíunda áratug síðustu
aldar. Gamla græjan að þessu sinni er þetta smáa tæki sem
passaði inn í litla lófa. Í tækinu var spilaður tölvuleikur sem
gekk út á það að halda lífi í litlu gæludýri, hundi, ketti eða
jafnvel lítilli risaeðlu í tölvutæku formi. Tölvugæludýrin
komu sér ágætlega fyrir foreldra í ljósi þess að nú þögnuðu
bænir barna um alvörugæludýr. Margir höfðu þó efasemdir
um ágæti tækisins á sínum tíma og var því velt upp hvort
æskilegt væri að kenna börnum að ala upp tölvudýr í stað
þess að læra að axla raunverulega ábyrgð á alvörugæludýri.
Tölvudýrin höfðu margskonar kosti en þau gátu ýmist
sýnt gleði og ánægju með húsbónda sinn eða volað og vælt
ef þeim var ekki sinnt. Eins höfðu þau hægðir og þá þurfti
að þrífa upp eftir þau, en aðeins með takkasmelli, ekki
poka og tusku. Dýrin gátu líka drepist úr t.d. næringarleysi
eða óhamingju.
Ekki var þó öll von úti ef slíkt kom upp á og einfaldlega
hægt að ýta á lítinn takka aftan á tækinu sem endurræsti
tölvudýrið. Þá fæddist nýtt gæludýr með öðruvísi persónu-
leika og þarfir.
GAMLA GRÆJAN
Tölvudýr sem
skítur og sprænir
15%
afsláttur
POLARM400úr
Heilsudagaverð:29.490.-
Einkaþjálfarinn þinn
Heilsudagar
Valdar vörur á 15% afslætti til 31. janúar 2015